ఆ పాట కవితాకృష్ణమూర్తి పాడక పోయి ఉంటే…!?
- Follow Us :
-
-
Add as a preferred
source on google
సంగీత ప్రియులందరికీ సుపరిచితమైన పేరు కవితాకృష్ణమూర్తి. సినిమా సంగీతం,పాప్ మ్యూజిక్, వెస్ట్రన్, ట్రెడిషనల్ ఇలా ఏ పేరుతో పిలుచుకొనే సంగీతాన్ని అభిమానించే వారికైనా కవితాకృష్ణమూర్తి మధురగానం సదా మదిలో మెదలుతూనే ఉంటుంది. జనవరి 25న 64 ఏళ్లు పూర్తి చేసుకున్న కవితాకృష్ణమూర్తి ఇటీవలే ప్రఖ్యాత గాయకులు మహమ్మద్ రఫీ అవార్డును అందుకున్నారు. ఈ సందర్భంగా రఫీ సాబ్ తో తన అనుభవాలను నెమరువేసుకున్నారు. అప్పట్లో తాను ఎంతో చిన్నపిల్లనైనా, రఫీ సాబ్ ఎంతగానో ప్రోత్సహించారనీ కవిత మననం చేసుకున్నారు. లేడీస్ టైలర్ అనే సినిమా కోసం రఫీ సాబ్ తో కలసి తాను పాడిన రెండు పంక్తులను జీవితంలో ఎన్నటికీ మరచిపోలేననీ కవితాకృష్ణమూర్తి చెప్పారు. దాదాపు ఐదు దశాబ్దాలు గాయనిగా సాగిన తన గానప్రస్థానాన్ని ఇటీవల కవిత గుర్తు చేసుకున్నారు. అందులో ఎన్నెన్నో విశేషాలను జనం ముందు పరిచారు.
తాను ఎంతోమంది సంగీతదర్శకులు, గాయకులు, గీత రచయితలతో కలసి పనిచేశానని, అందరి ప్రోత్సాహంతోనే తాను గాయనిగా నిలదొక్కుకోగలిగానని కవితాకృష్ణమూర్తి వివరించారు. తన కెరీర్ లో 1942: ఎ లవ్ స్టోరీ, ఖామోషీ : ద మ్యూజికల్, బొంబాయి చిత్రాల్లో పాటలు పాడడం ఓ మరపురాని అనుభూతి అని తెలిపారు. ఇక శేఖర్ కపూర్ తెరకెక్కించిన అనిల్ కపూర్, శ్రీదేవి నటించిన మిస్టర్ ఇండియాలోని హవా హవాయి... పాటతోనే కవితాకృష్ణమూర్తి చిత్రసీమలో సూపర్ సింగర్ గా పేరొందారు.నిజానికి ఆ పాటను ముందుగా ప్రఖ్యాత గాయని ఆశా భోస్లేతో పాడించాలని భావించారట. కానీ,ట్రాక్ విన్న తరువాత కవిత గానమే బాగుంటుందని ఆ చిత్ర సంగీత దర్శకులు లక్ష్మీకాంత్- ప్యారేలాల్ అనుకున్నారు. దాంతో కవిత గానంతోనే పాటను కూడా చిత్రీకరించారు. ఆ పాటలో నటించిన శ్రీదేవి, చిత్ర నిర్మాత బోనీ కపూర్, దర్శకుడు శేఖర్ కపూర్ అందరూ కవితాకృష్ణమూర్తి వాయిస్ కే ఓటేయడంతో ఆ పాట ఆమె ఖాతాలో చేరింది. ఆ పాటతోనే కవితాకృష్ణమూర్తి ఉన్నత శిఖరాలు అందుకోవడం విశేషం. దాదాపు యాభై ఏళ్ళ నుంచీ పాటలు పాడుతూ దక్షిణాది అన్ని భాషలతో పాటు, ఉత్తరాది పలు భాషలు, విదేశీ భాషలు కలిపి మొత్తం 30 భాషల్లో దాదాపు యాభై వేల పాటలు కవిత గళం నుండి జులువారి అలరించాయి. ఆమె గానవైభవానికి 2005లోనే పద్మశ్రీ పురస్కారం లభించింది. తాను ఎంతగానో అభిమానించే రఫీ సాబ్ పేరిట ఉన్న అవార్డు అందుకోవడం మరింత ఆనందాన్ని కలిగిస్తోందని కవితాకృష్ణమూర్తి అంటున్నారు.
Also Read
- Home Gardening: ఖరీదైన కుండీలు కొనాల్సిన పనిలేదు.. ఇంట్లోని ఈ 6 పాత వస్తువులతో మొక్కలు పెంచేయండి!
- Tollywood: సినిమాకి కలెక్షన్స్ వచ్చినా నిర్మాతలకు డబ్బులు రావా.! అసలు నిజం ఏంటి.?
- లవ్ ఎమోషనల్ రైడ్ గా ‘ప్రేమ డైరీలో చివరి పేజీలు’
- Toxic Fan Culture: అభిమానమా? ఉన్మాదమా? ఉ*గ్రవాదమా? ఎక్కడపడితే అక్కడ టచ్ చేస్తారా?
ప్రముఖ సంగీత కళాకారుడు, వయోలిన్ విద్వాంసుడు డాక్టర్ ఎల్. సుబ్రహ్మణ్యంను 1999లో పెళ్ళాడారు కవితాకృష్ణమూర్తి. ఈ దంపతులకు సంతానం లేదు. ప్రస్తుతం బెంగళూరులో నివాసముంటున్న కవితాకృష్ణమూర్తి 64 ఏళ్ల వయసులోనూ ఆ నాటి మధురాన్నే పంచుతూ సంగీతప్రియులను ముగ్ధులను చేస్తున్నారు. ఆమె మరిన్ని వసంతాలు చూస్తూ, ఆనందంగా సాగిపోవాలని ఆశిద్దాం.
తాజావార్తలు
-
World Television Day 2026: బ్లాక్ అండ్ వైట్ నుంచి స్మార్ట్ టీవీ వరకు.. ఆసక్తికర ప్రయాణం.!
-
World Hello Day 2026 : ఒక్క ‘హలో’తో ఇన్ని లాభాలా?.. నవంబర్ 21 ప్రత్యేకత ఇదే.!
-
OTR : బంగారం, వెండి ధరలు ఎందుకు తగ్గుతున్నాయి? విలువైన లోహాల భవిష్యత్తు ఎలా ఉండబోతోంది?
-
Warangal Projects : వరంగల్కు భారీ ప్రాజెక్టులు.. సీఎం రేవంత్ కీలక సమీక్ష
-
Koti Deepotsavam 2026 : త్రిశక్తి మహాపూజ, జోగులాంబ కల్యాణంతో ఎన్టీఆర్ స్టేడియంలో భక్తి పారవశ్యం.!
ట్రెండింగ్
-
Smart Shopping : కొత్త బట్టల మోజుకు బ్రేక్.. మహిళల కొత్త ఫ్యాషన్ ఇదే
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!