టీవీ ప్రోగ్రామ్ షూట్ లో యంగ్ టైగర్!

యంగ్ టైగర్ ఎన్టీయార్ ఎట్టకేలకు నాలుగు సంవత్సరాల తర్వాత తన సెకండ్ టీవీ షోకు శ్రీకారం చుట్టాడు. 2017లో ‘బిగ్ బాస్’ సీజన్ వన్ కు వ్యాఖ్యాతగా వ్యవహరించిన జూ. ఎన్టీయార్ ఇప్పుడు ‘ఎవరు మీలో కోటీశ్వరులు’ కార్యక్రమం చేస్తున్నాడు. దీనికి సంబంధించిన ప్రోమోలో ఇప్పటికే నటించిన ఎన్టీయార్, శనివారం అన్నపూర్ణ స్టూడియోలో వేసిన భారీ సెట్ లో షూటింగ్ కు హాజరయ్యాడు. ఈ నెల 20 వరకూ దీని చిత్రీకరణ జరుగబోతోంది. జెమినీ టీవీ ఛానెల్ లో ‘ఎవరు మీలో కోటీశ్వరులు’ కార్యక్రమం ప్రసారం కానుంది. అతి త్వరలోనే దీనికి సంబంధించిన ఎన్టీయార్ ప్రోమోనూ టెలికాస్ట్ చేస్తారట. ఇదిలా ఉంటే… రాజమౌళి మేగ్నమ్ ఓపస్ మూవీ ‘ట్రిపుల్ ఆర్’లో ఎన్టీయార్ పై ఓ పాటను చిత్రీకరించాల్సి ఉంది. దీన్ని వచ్చే నెలలో ఉక్రేయిన్ తో షూట్ చేయబోతున్నారు. ఆ వెంటనే ఎన్టీయార్… తనకు అచ్చిన దర్శకుడు కొరటాల శివతో మూవీ చేయబోతున్నారు. ‘జనతా గ్యారేజ్’ తర్వాత వీరిద్దరి కాంబినేషన్ లో రాబోతున్న రెండో సినిమా ఇది.