DSP transfers : తెలంగాణలో భారీగా డీఎస్పీల బదిలీలు.. ఉత్తర్వులు జారీ చేసిన డీజీపీ.!

DSP transfers : తెలంగాణ పోలీస్ శాఖలో భారీ ఎత్తున బదిలీలు జరిగాయి. రాష్ట్రవ్యాప్తంగా ఒకేసారి 36 మంది డిప్యూటీ సూపరింటెండెంట్ ఆఫ్ పోలీస్ (DSP)లను బదిలీ చేస్తూ ప్రభుత్వం కీలక నిర్ణయం తీసుకుంది. ఈ మేరకు డీజీపీ సీవీ ఆనంద్ అధికారిక ఉత్తర్వులను జారీ చేశారు. రాష్ట్రంలో పరిపాలనా సౌలభ్యం, శాంతిభద్రతల పరిరక్షణను మరింత సమర్థవంతంగా నిర్వహించేందుకు వీలుగా ఈ బదిలీలు చేపట్టినట్లు పోలీస్ వర్గాలు వెల్లడించాయి. బదిలీ అయిన అధికారులలో పలువురు జిల్లాల సబ్ డివిజనల్ పోలీస్ ఆఫీసర్లు (SDPO), సిటీ పోలీస్ విభాగాల్లోని డీఎస్పీలతో పాటు వివిధ కీలక విభాగాలకు చెందిన వారు ఉన్నారు. ఉత్తర్వులు అందుకున్న అధికారులు తక్షణమే తమ పాత విధులను వదిలి, కొత్తగా కేటాయించిన స్థానాల్లో బాధ్యతలు స్వీకరించాలని డీజీపీ ఆనంద్ ఆ ఆదేశాల్లో స్పష్టం చేశారు.