హైదరాబాద్‌లో అర్ధరాత్రి హైడ్రామా.. తీన్మార్ మల్లన్న అరెస్ట్ !

తీన్మార్​ మల్లన్న అరెస్ట్ అయ్యారు. మల్లన్న అలియాస్ చింత పండు నవీన్ ను అర్థరాత్రి అరెస్ట్ చేశారు చిలకలగూడ పోలీసులు. తీన్మార్‌ మల్లన్న తనను డబ్బుల కోసం బ్లాక్​ మెయిల్​ చేశాడని ప్రముఖ జ్యోతిష్య నిపుణులు లక్ష్మీకాంత్​ శర్మ పోలీసులకు ఫిర్యాదు చేశాడు. రూ. 30 లక్షలు డబ్బులు ఇవ్వాలని డిమాండ్ చేసాడని, ఇవ్వక పోయేసరికి తనను బ్లాక్ మెయిల్ చేశాడంటూ ఫిర్యాదు చేశాడు జ్యోతిష్య నిపుణులు లక్ష్మీకాంత్​ శర్మ. ఈ మేరకు ఇప్పటికే తీన్మార్ మల్లన్న ను నోటీసులు ఇచ్చి విచారణ చేసిన పోలీసులు…. తాజాగా నిన్న అర్థరాత్రి అరెస్ట్ చేశారు. దీంతో తీన్మార్​ మల్లన్న నిర్వహిస్తున్న క్యూ న్యూస్‌ ఛానల్‌ దగ్గర అర్థరాత్రి పెద్ద హై డ్రామా చోటు చేసుకుంది. అటు తీన్మార్​ మల్లన్న అరెస్ట్‌ ను తీవ్రంగా వ్యతిరేకిస్తున్నారు ఆయన అనుచరులు.