Suryapet: నాయనమ్మ కళ్ళలో ఆనందం కోసం చెల్లెలు భర్తను చంపిన మనవళ్లు..

Suryapet: సూర్యాపేట జిల్లాలో జరిగిన పరువు హత్య కేసులో వెలుగులోకి సంచలన విషయాలు వస్తున్నాయి. నాయనమ్మ కళ్ళలో ఆనందం కోసం చెల్లెలు భర్తను మనవళ్లు చంపేశారు. ఈ ఘటన, జనవరి 26వ తేదీన రాత్రి 10 గంటల తర్వాత భైరు మహేష్, కోట్ల నవీన్ లు.. మరి కొంతమంది సాయంతో కృష్ణను దారుణంగా హత్య చేశారు. భైరు మహేష్ తో కృష్ణ కలిసి ఉండగా దాడి చేసిన నవీన్, మరో యువకుడు.. ఈ సందర్భంగా చెల్లెలు భర్త గొంతు నులిమి, విచక్షణారహితంగా రాళ్ళతో చితకబాదడంతో.. అతడి ముఖంపై, ఒంటిపై తీవ్ర గాయాలు కావడంతో పక్కటెముకలు విరిగిపోయాయి. కృష్ణ హత్య తర్వాత డెడ్ బాడీని మాయం చేసేందుకు నిందితులు విశ్వ ప్రయత్నాలు చేశారు. మృతదేహాన్ని కాల్చివేయడానికి లేదా ఖాళీ ప్రదేశంలో పడేయటానికి తీవ్రంగా ప్రయత్నించారు అని పోలీసులు వెల్లడించారు.

Read Also: California : అగ్ని ప్రమాదం తర్వాత కాలిఫోర్నియాలో కరోనా పరిస్థితులు

అయితే, చెల్లెలు భర్త కృష్ణను హత్య చేసినట్లు నాయనమ్మకు చెప్పడంతో పాటు ఆమెకు మృతదేహాన్ని సదరు నిందితులు చూపించారని పోలీసులు తెలిపారు. ఆ తరువాత మృతదేహాన్ని చాలా దూరంగా పారేయాలని నిర్ణయించుకుని.. కారులో మృతదేహాన్ని పెట్టుకుని దాదాపు 100 కిలో మీటర్ల పాటు జాతీయ రహదారిపై రాత్రంతా తిరిగి చివరకు తెల్లవారు జామున జనగామ నుంచి పిల్లల మర్రి వెళ్లే మూసీ కాలువ దగ్గర పడేశారు అని చెప్పుకొచ్చారు. ఇక, ఈ కేసును సీరియస్‌గా తీసుకుని.. విచారణలో ఆరుగురు నిందితులను అరెస్ట్ చేసినట్లు పేర్కొన్నారు.