హైదరాబాద్ నగరంలో పేకాట రాయుళ్లు రెచ్చిపోతున్నారు. లోధా అపార్ట్మెంట్స్ లో పేకాట ఆడుతున్నట్లు సమాచారం రావడంతో పోలీసులు దాడి చేశారు. ఈ దాడిలో 13 మంది రియల్ ఎస్టేట్ వ్యాపారులు పట్టుబడ్డారు. పక్కా సమాచారంతో మాదాపూర్ డీసీపీ ఆధ్వర్యంలో పోలీసులు రైడ్ చేశారు. ఈ దాడిలో 13 మంది పేకాట ఆడుతుండగా వారిని అదుపులోకి తీసుకున్నారు. అదుపులోకి తీసుకున్న వారిలో ముగ్గురు మహిళలు కూడా ఉన్నారు. పోలీసులకు పట్టుబడిన వారంతా రియల్ ఎస్టేట్ వ్యాపారులుగా పోలీసులు గుర్తించారు.
ఇదిలా ఉంటే.. మూడు రోజుల క్రితం కూడా లోధా అపార్ట్మెంట్స్ లో పలువురు పేకాటరాయుళ్లు పట్టబడ్డారు. వారి వద్ద నుండి 2 లక్షలకు పైగా నగదును మాదాపూర్ ఎస్వోటీ పోలీసులు సీజ్ చేశారు. దీనితో పాటు నిన్న రాత్రి కాకతీయ హిల్స్ లో ఎనిమిది మంది పేకాటరాయుళ్లు పట్టుబడ్డారు. నిర్వాహకుడు శ్రీనివాస్ ఇంట్లోనే వ్యాపారులు పేకాట ఆడుతున్నట్లు పోలీసులు వెల్లడించారు.
