Occult Worship: పెద్దపల్లి జిల్లాలోని మంథనిలో గల ఓ హస్టల్ లో దారుణం జరిగింది. నగ్న పూజలు చేస్తే లక్ష్మీ దేవి కటాక్షిస్తుందని ఓ హాస్టల్ వంట మనిషి పేద విద్యార్థులకు ఎర వేసింది. హాస్టల్లో ఉంటున్న ఓ బాలికకు డబ్బు ఆశ చూపిన ఆమె నగ్న పూజలకు సహకరించాలని కోరినట్లు సమాచారం?.. నగ్న పూజలు చేయడం వల్ల లక్ష్మీ కటాక్షిస్తుందని నమ్మించి, వారం రోజుల క్రితం కొందరు పూజలు చేసే వారిని సదరు వంట మనిషి సంప్రదించినట్లు సమాచారం. దీంతో ఆందోళన చెందిన బాలిక హాస్టల్ నుంచి తప్పించుకుని బంధువుల ఇంటికి వెళ్లి వారం రోజులుగా అక్కడే ఉండి.. సోమవారం తల్లిదండ్రులు రావడంతో వారికి విషయం మొత్తం చెప్పింది.
Read Also: Hyderabad: మూసీ నదిలోకి కెమికల్స్ డంపింగ్.. పోలీసులు అదుపులో నిందితుడు
ఇక, బాలిక బంధువులు, తల్లిదండ్రులు హాస్టల్ వద్దకు చేరుకోని వంట మనిషిని నిలదీశారు. ఆమెతో వాగ్వాదానికి దిగడంతో హాస్టల్ వద్ద ఉద్రిక్త పరిస్థితి నెలకొంది. ఈ గొడవపై పోలీసులకు సమాచారం అందడంతో మంథని సీఐ రాజు, ఎస్ఐ రమేష్, హాస్టల్ వద్దకు వెళ్ళి విచారణ చేపట్టారు. అయితే, గత కొంతకాలంగా మంథని నడిబొడ్డున ఉన్న ప్రభుత్వ హాస్టల్లో పేద ఆడ పిల్లలతో వంట మనిషి వ్యభిచారం, నగ్న పూజలు చేయిస్తున్నారని విషయం వెలుగులోకి వచ్చింది. దీంతో ఆడ పిల్లలను ప్రలోభ పెట్టిన మహిళను అదుపులోకి తీసుకుని మంథని పోలీసుస్టేషన్ కు తరలించినట్లు సమాచారం. బాలిక తల్లిదండ్రులు స్టేషన్ కు వెళ్లి ఫిర్యాదు చేశారు.