Miyapur Land Dispute : మియాపూర్ భూములపై సుప్రీం కీలక తీర్పు.. ప్రభుత్వానికి భారీ ఊరట
- మియాపూర్ భూవివాదంపై సుప్రీంకోర్టు కీలక తీర్పు
- ప్రైవేట్ వ్యక్తుల అప్పీళ్లను కొట్టివేసిన ధర్మాసనం
- 2003 హైకోర్టు తీర్పును సవాల్ చేస్తూ పిటిషన్లు
- ప్రభుత్వానికి ఊరట.. సుదీర్ఘ వివాదంలో కీలక మలుపు
- Follow Us :
-
-
Add as a preferred
source on google
తెలంగాణలో ఎంతో సంచలనం సృష్టించిన మియాపూర్ భూవివాదంపై సుప్రీం కోర్టు తుది తీర్పు వెలువరించింది. ఈ సుదీర్ఘ వివాదంలో తెలంగాణ ప్రభుత్వానికి అనుకూలంగా తీర్పు వెలువడటంతో ప్రభుత్వానికి ఆ భూమిపై పూర్తి పట్టు లభించినట్లయింది. రంగారెడ్డి జిల్లా, శేరిలింగంపల్లి మండలం, మియాపూర్ గ్రామంలోని సర్వే నెంబర్లు 100 , 101 కి సంబంధించిన సుమారు వందల ఎకరాల భూమి విషయంలో గత కొంతకాలంగా న్యాయపోరాటం జరుగుతున్న విషయం తెలిసిందే.
ఈ వివాదానికి సంబంధించి ప్రైవేట్ వ్యక్తులు దాఖలు చేసిన అప్పీళ్లను సుప్రీం కోర్టు తాజాగా కొట్టివేసింది. ఈ కేసు నేపథ్యాన్ని పరిశీలిస్తే, 2003లో హైకోర్టు ఇచ్చిన తీర్పును సవాల్ చేస్తూ ప్రైవేట్ వ్యక్తులు సుప్రీం కోర్టును ఆశ్రయించారు. ఇరుపక్కల వాదనలను విన్న సర్వోన్నత న్యాయస్థానం ప్రభుత్వ వాదనలతో ఏకీభవిస్తూ ప్రైవేట్ పిటిషన్లను తోసిపుచ్చింది. సుప్రీం కోర్టు తీసుకున్న ఈ తాజా నిర్ణయంతో మియాపూర్ భూములపై నెలకొన్న ఉత్కంఠకు తెరపడినట్లయింది.