వారు రాష్ట్ర అధ్యక్షులు కావడానికి కారణం సీఎం కేసీఆర్ …

రేవంత్ రెడ్డి పీసీసీ, బండి సంజయ్ బీజేపీ రాష్ట్ర అధ్యక్షులు కావడానికి కారణం సీఎం కేసీఆర్ మాత్రమే. గులాబీ జెండా పుణ్యమే మీకు అధ్యక్ష పదవులు వచ్చాయని మంత్రి హరీష్ రావు అన్నారు. కాబట్టి మీరు చేయాల్సింది పాదయాత్రలు కాదు… పెంచిన గ్యాస్ , డీజిల్ ధరల పై ఢిల్లీ యాత్రలు చేయాలి. టీఆర్ఎస్ పార్టీ జల దృశ్యంలో పుట్టి అంచెలంచెలుగా ఎదిగి ఢిల్లీ దాకా పోయింది. రాష్ట్రాన్ని సాధించడమే కాకుండా అభివృధి లో ఇతర రాష్ట్రాలకు ఆదర్శంగా నిలిచింది. ఇతర పార్టీలు అధికారమే ఎజెండాగా పనిచేస్తే, టీఆర్ఎస్ లక్ష్యం కోసం పనిచేస్తుంది అని తెలిపారు.

ఇక మేము బ్రతికి ఉండగా నీరు రావన్న ప్రతి పక్షాలకు మల్లన్న సాగర్ లో పారుతున్న గోదావరి తల్లే సజీవ సాక్ష్యం. కేంద్ర ప్రభుత్వం ప్రభుత్వ రంగ సంస్థల ను అమ్మెస్తుంటే టి ఆర్ ఎస్ ప్రభుత్వం వాటిని కాపాడుకోవడానికి సహాయం చేస్తుంది. పెరగాల్సిన జిడిపి తగ్గుతుంటే ప్రజల నడ్డి విరిచే పెట్రో ధరలు పెరుగుతున్నాయి. బీజేపీ నాయకులు పాదయాత్ర చేసేది తెలంగాణలో కాదు ఢిల్లీకి. బీసీ మంత్రిత్వ శాఖ పెట్టలేదు కానీ, ఉద్యోగాలు ఉడగోట్టే శాఖ పెట్టింది. కొన్ని పార్టీలు ఆంధ్ర నాయకుల చేతిలో, ఢిల్లీ నాయకుల చేతిలో పనిచేస్తే చేస్తాయి. కానీ టీఆర్ఎస్ కు ప్రజెలే హై కమాండ్, తెలంగాణ ఇంటి పార్టీ , లోకల్ పార్టీ టీఆర్ఎస్ అని పేర్కొన్నారు.