Komatireddy Venkat Reddy : కేటీఆర్ పాదయాత్రపై కోమటిరెడ్డి సెటైర్లు..
- కేసీఆర్ ఫామ్హౌస్ భూములపై కోమటిరెడ్డి ఆరోపణలు
- కేటీఆర్, హరీశ్రావు ఆస్తులపై మంత్రి ప్రశ్నలు
- పోతిరెడ్డిపాడుపై కేసీఆర్పై తీవ్ర విమర్శలు
- పాదయాత్ర చేసినా బీఆర్ఎస్ను నమ్మరన్న కోమటిరెడ్డి
- Follow Us :
-
-
Add as a preferred
source on google
నల్లగొండ జిల్లా వేదికగా రాష్ట్ర రోడ్లు, భవనాల శాఖ మంత్రి కోమటిరెడ్డి వెంకట్ రెడ్డి బీఆర్ఎస్ అగ్రనాయకత్వంపై తీవ్రస్థాయిలో విరుచుకుపడ్డారు. బీఆర్ఎస్ నేతలకు అధికారాన్ని అడ్డం పెట్టుకుని ప్రజల సొత్తు దోచుకోవడం తప్ప మరొకటి తెలియదని మండిపడ్డారు. ఇటీవల శాసనసభ వేదికగా ముఖ్యమంత్రి రేవంత్ రెడ్డి బీఆర్ఎస్ నాయకుల భూ బాగోతాలను సర్వే నంబర్లతో సహా ఆధారాలతో బయటపెట్టారని, ఆ వివరాలు వింటే అందరి కళ్లు తిరిగే పరిస్థితి నెలకొందని వ్యాఖ్యానించారు.
వందల ఎకరాల ఆస్తులు ఎలా వచ్చాయి?
మాజీ ముఖ్యమంత్రి కేసీఆర్కు ఏకంగా 600 ఎకరాల భూమి ఉంటే, ఆయన కుటుంబ సభ్యులైన కేటీఆర్, హరీష్ రావులకు వందల ఎకరాల భూములు ఎలా వచ్చాయని మంత్రి కోమటిరెడ్డి ప్రశ్నించారు. ఎర్రవల్లిలోని కేసీఆర్ ఫామ్హౌస్ పరిధిలో పేద దళితులకు చెందిన ఎస్సీ భూములు, అసైన్డ్ భూములు కూడా ఉన్నాయని ఆరోపించారు. మంత్రి కాకముందు కేవలం బైక్, బస్సుల్లో తిరిగిన మాజీ మంత్రి జగదీష్ రెడ్డికి ఈ రోజు కోట్ల విలువైన ఆస్తులు ఎలా వచ్చాయో ప్రజలకు చెప్పాలన్నారు. ఆరుసార్లు ఎమ్మెల్యేగా గెలిచిన తనకు సొంతంగా కేవలం మూడు ఎకరాల భూమి మాత్రమే ఉందని, తాను సంపాదించుకున్నదంతా ప్రజల ప్రేమాభిమానాలేనని తెలిపారు. యూత్ కాంగ్రెస్లో ఉన్నప్పటి నుంచే తాను బెంజ్ కారులో తిరిగానని, పదవిలో ఉన్నప్పుడు మాత్రమే ప్రభుత్వ వాహనం వాడతానని స్పష్టం చేశారు.
Also Read
- Cheyutha Pensions: చేయూత పెన్షన్లు, ఇందిరమ్మ చీరల పంపిణీకి తేదీ ఫిక్స్..
- Koti Deepotsavam 2026 Day 6: కార్తీక శుద్ధ దశమి.. కోటి దీపోత్సవంలో నేటి విశేష కార్యక్రమాలు ఇవే..!
- Leopard Spotted : తండాలో చిరుత కలకలం.. బర్రె దూడను చంపి తినేసిన వైనం!
- Food Safety Raids: హైదరాబాద్ హోటళ్లపై ఫుడ్ సేఫ్టీ కొరడా.. 4 రెస్టారెంట్ల లైసెన్సులు సస్పెండ్, 2 సీజ్..
పోతిరెడ్డిపాడును జగన్కు రాసిచ్చిన కేసీఆర్
తెలంగాణ నీటి హక్కులను పక్కనబెట్టి సొంత తాత జాగీరులాగా పోతిరెడ్డిపాడు హెడ్ రెగ్యులేటర్ను అప్పటి ఏపీ సీఎం జగన్కు కేసీఆర్ రాసిచ్చారని మంత్రి తీవ్ర ఆగ్రహం వ్యక్తం చేశారు. కేసీఆర్ చేసిన ఈ చారిత్రక ద్రోహాన్ని గ్రహించినందుకే కృష్ణా నదీ పరివాహక ప్రాంతంలోని 36 అసెంబ్లీ స్థానాలకు గానూ కాంగ్రెస్ పార్టీని 30 స్థానాల్లో ప్రజలు అత్యధిక మెజార్టీతో గెలిపించారని గుర్తుచేశారు. బీఆర్ఎస్ పాలనలో ప్రజలకు, పేదలకు ఏనాడూ సహాయం చేయని నేతలు, ఇప్పుడు ప్రజల మధ్య తిరిగినా ప్రయోజనం ఉండదన్నారు.
పాదయాత్ర చేసినా బీఆర్ఎస్ను ప్రజలు నమ్మరు
బీఆర్ఎస్ వర్కింగ్ ప్రెసిడెంట్ కేటీఆర్ రాబోయే రోజుల్లో పాదయాత్ర కాదు కదా పోర్లు దండాల యాత్ర చేసినా ప్రజలు కేసీఆర్ను, బీఆర్ఎస్ పార్టీని ఎంతమాత్రం నమ్మరని ఎద్దేవా చేశారు. నాలుగు ముక్కలు ఇంగ్లీష్ మాట్లాడటం వచ్చు కదా అని ఇతరులు మాట్లాడే ఇంగ్లీష్ను తప్పుపడితే సరిపోదని వ్యాఖ్యానించారు. పిల్లికి కూడా బిచ్చం పెట్టని నైజం ఉన్న బీఆర్ఎస్ నేతలు, నకిలీ సానుభూతితో ప్రజల్లోకి వస్తే పుట్టగతులు ఉండవని మంత్రి కోమటిరెడ్డి వెంకట్ రెడ్డి హెచ్చరించారు.
తాజావార్తలు
-
Mohamed Siraj Dropped: సిరాజ్ను అందుకే పక్కన పెట్టాం?.. అసలు విషయం చెప్పిన కెప్టెన్ గిల్!
-
International Men’s Day: “నువ్వు మగాడివి.. ఏడవకూడదు”.. నవ్వుతూ కనిపించే ప్రతి పురుషుడి వెనుక ఓ కన్నీటి గాథ..
-
Jasprit Bumrah Bowling: బుమ్రా మ్యాజిక్ బాల్.. నోరెళ్లబెట్టిన కివీస్ కెప్టెన్.. వీడియో చూడాల్సిందే!
-
Hyundai Neira Electric MPV: 51.4 kWh బ్యాటరీ, 490KM రేంజ్తో హ్యుందాయ్ కొత్త 7 సీటర్ EV..
-
PM Modi: మాజీ ప్రధాని ఇందిరా గాంధీని స్మరించుకున్న ప్రధాన మంత్రి మోడీ..
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..