Hyundai Neira Electric MPV: 51.4 kWh బ్యాటరీ, 490KM రేంజ్తో హ్యుందాయ్ కొత్త 7 సీటర్ EV..
- Follow Us :
-
-
Add as a preferred
source on google
Hyundai Neira Electric MPV: భారత ఆటోమొబైల్ మార్కెట్లో 7-సీటర్ కార్లకు మంచి డిమాండ్ ఉంది. ముఖ్యంగా కుటుంబ అవసరాలకు అనుగుణంగా ఎక్కువ స్థలం, మెరుగైన ఫీచర్లు, మంచి మైలేజ్ లేదా రేంజ్ ఉన్న కార్ల కోసం వినియోగదారులు ఆసక్తి చూపిస్తున్నారు. ఈ నేపథ్యంలో ప్రముఖ కార్ల తయారీ సంస్థ హ్యుందాయ్ (Hyundai) సరికొత్త ఎలక్ట్రిక్ MPVని తీసుకొచ్చేందుకు సిద్ధమవుతోంది. అదే Hyundai Neira Electric MPV. ఈ కొత్త ఎలక్ట్రిక్ MPV ప్రొడక్షన్-రెడీ మోడల్ను కంపెనీ ప్రదర్శించింది. నవంబర్ 20న ఇండోనేషియాలో అధికారికంగా పరిచయం చేయనున్నట్లు సమాచారం. పెద్ద బ్యాటరీ ప్యాక్తో ఈ కారు ఒక్కసారి ఛార్జ్ చేస్తే 490 కిలోమీటర్ల వరకు ప్రయాణించవచ్చని అంచనా. భారత్లో ఈ మోడల్ 2027లో విడుదలయ్యే అవకాశం ఉంది.
Hyundai Neira ప్రొడక్షన్ మోడల్లో గతంలో చూపించిన కాన్సెప్ట్ డిజైన్ను దాదాపుగా అలాగే కొనసాగించారు. ముందు భాగంలోని గ్రిల్, హెడ్ల్యాంప్స్, వీల్స్ డిజైన్లో పెద్దగా మార్పులు కనిపించడం లేదు. అయితే, కంపెనీ ఇప్పటివరకు ఈ కారు ఇంటీరియర్ ఫొటోలు, పూర్తి క్యాబిన్ వివరాలను వెల్లడించలేదు. Kia Carens Clavis EV తరహాలో డ్యాష్బోర్డ్, టెక్నాలజీ, ఇతర ఫీచర్లు ఉండవచ్చని అంచనా వేస్తున్నారు.
Also Read
- Montra Electric Auto: రూ.3.97 లక్షలకే మోంట్రా కొత్త ఎలక్ట్రిక్ ఆటో.. ఒక్క ఛార్జింగ్తో 180 కి.మీ.కు పైగా రేంజ్!
- 150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
- 370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
- VinFast VF 2: టాటా నానో కంటే చిన్న ఎలక్ట్రిక్ కారు.. VinFast కొత్త ఎలక్ట్రిక్ కారు.. 18.3kWh బ్యాటరీ, 210KM రేంజ్
ఈ ఎలక్ట్రిక్ MPVలో రెండు బ్యాటరీ ప్యాక్లు అందుబాటులోకి వచ్చే అవకాశం ఉంది.
చిన్న బ్యాటరీ-42 kWh
పెద్ద బ్యాటరీ-51.4 kWh
చిన్న బ్యాటరీ రేంజ్-404 కి.మీ.
పెద్ద బ్యాటరీ రేంజ్-490 కి.మీ.
మోటార్ -ఫ్రంట్ వీల్ డ్రైవ్
గరిష్ఠ పవర్-171 bhp
టార్క్-255 Nm
ఈ రెండు బ్యాటరీ వేరియంట్లలోనూ ఫ్రంట్ వీల్ డ్రైవ్ మోటార్ ఉండవచ్చని సమాచారం. అయితే, ఇవి ప్రాథమికంగా వెల్లడైన లేదా అంచనా వేస్తున్న వివరాలు మాత్రమే. అధికారిక ప్రకటన తర్వాత పూర్తి స్పెసిఫికేషన్లు స్పష్టమవుతాయి. Hyundai Neira Electric MPVలో ఆధునిక భద్రతా, సౌకర్యవంతమైన ఫీచర్లు ఉండనున్నాయి. కంపెనీ ధృవీకరించిన వివరాల ప్రకారం ఇందులో 360 డిగ్రీ కెమెరా, Level 2 ADAS టెక్నాలజీ అందుబాటులో ఉండనున్నాయి. డీలర్ వర్గాల సమాచారం ప్రకారం ఈ కారును మూడు వేరియంట్లలో విడుదల చేసే అవకాశం ఉంది. అయితే, వేరియంట్ల వారీగా ఫీచర్లు, ధరలు, ఇతర వివరాలు ఇంకా అధికారికంగా వెల్లడించలేదు.
ప్రస్తుతం Hyundai Neira Electric MPVని ఇండోనేషియా మార్కెట్ కోసం పరిచయం చేయడానికి కంపెనీ సిద్ధమవుతోంది. భారత మార్కెట్లోకి ఈ మోడల్ను 2027లో తీసుకురావచ్చని నివేదికలు సూచిస్తున్నాయి. మరో ఆసక్తికరమైన విషయం ఏమిటంటే.. హ్యుందాయ్ ఈ మోడల్ను కేవలం ఎలక్ట్రిక్ కారుగా మాత్రమే కాకుండా, పెట్రోల్ ఇంజిన్ (ICE) ఆప్షన్తో కూడా తీసుకురావచ్చని సమాచారం. అదే జరిగితే భారత మార్కెట్లో Maruti Suzuki Ertiga, Kia Carens వంటి 7-సీటర్ కార్లకు ఇది పోటీగా మారే అవకాశం ఉంది.
తాజావార్తలు
-
Hyundai Neira Electric MPV: 51.4 kWh బ్యాటరీ, 490KM రేంజ్తో హ్యుందాయ్ కొత్త 7 సీటర్ EV..
-
PM Modi: మాజీ ప్రధాని ఇందిరా గాంధీని స్మరించుకున్న ప్రధాన మంత్రి మోడీ..
-
Yuzvendra Chahal Creates History: చరిత్ర సృష్టించిన చాహల్… టీ20 హిస్టరీలో ఒకే ఒక్కడు..!
-
Gold Adulteration Alert: బంగారం కొనేవారికి బిగ్ అలర్ట్.. పసిడిలో రీనియం పౌడర్ కల్తీ?.. 24 క్యారెట్స్ పరీక్షలోనూ పాస్!
-
Bangladesh Violence: హింస గుప్పిట్లో బంగ్లాదేశ్.. మహ్మద్ యూనస్ ఇంటికి నిప్పు.. దేశవ్యాప్తంగా బాంబు పేలుళ్లు!
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..