Union Minister Jyotiraditya Scindia Tour in Hyderabad Two Days.
పార్లమెంట్ ప్రవాస్ యోజనలో పాల్గొనేందుకు కేంద్రమంత్రి జ్యోతిరాదిత్య సింథియా నేడు సాయంత్రం హైదరాబాద్కు రానున్నారు. ఈ సందర్భంగా ఆయన మూడు రోజుల పాటు హైదరాబాద్ పార్లమెంట్ పరిధిలో పర్యటన, బస చేయనున్నారు. కేంద్ర ప్రభుత్వ సంక్షేమ పథకాల అమలు తీరు, లబ్ధిదారులు, మేధావులతో జ్యోతిరాధిత్య సింథియా సమావేశంకానున్నారు. తాజ్ ఫలక్నామలో ఆయన బస చేయనున్నారు. అయితే ఈ క్రమంలో.. రేపు 11 గంటలకు హైదరాబాద్ పార్లమెంట్ కోర్ కమిటి సమావేశం జరుగుతుంది. అలాగే మధ్యాహ్నం 12 గంటలకు హైదరాబాద్ జిల్లా పార్టీ పదాధికారుల సమావేశం నిర్వహిస్తున్నారు.
12.45కి మీడియా సమావేశం ఉంటుంది. 2 గంటలకు గౌలిపురా ఆర్ఎస్ఎస్ కార్యాలయంలో జరిగే సమావేశంలో సింథియా పాల్గొననున్నారు. సాయంత్రం 5 గంటలకు భాగ్యలక్ష్మి దేవాలయానికి కేంద్రమంత్రి వెళ్లనున్నారు. సాయంత్రం 6 గంటలకు రాజస్థాన్ భవన్ లో ఐటీ, సోషల్ మీడియాతో సింథియా సమావేశం కానున్నారు. శనివారం ఉదయం 7 జిల్లాల మోర్చాల అధ్యక్షులతో సింథియా సమావేశం జరుగనుంది. శనివారం ఉదయం 11 గంటలకు కార్వాన్ లో మొదటి సారి ఓటు వేయనున్న యువతతో సింథియా సమావేశం కానున్నారు.
