Jagga Reddy: కేటీఆర్ సోషల్ మీడియా బ్యాచ్.. దండుపాళ్యం గ్యాంగ్గా మారింది..

Jagga Reddy: కాంగ్రెస్ మాజీ ఎమ్మెల్యే జగ్గారెడ్డి మీడియాతో మాట్లాడుతూ.. సీఎం తిడుతున్నాడు అంటే.. మీ కథలు అట్లున్నాయి.. కాబట్టి తిడతాడని అన్నారు. కేటీఆర్ బ్రాయిలర్ కోడి వ్యవహారం.. మేము నాటు కోడి టైపు.. నాజూకుగా పెరిగిన కేటీఆర్ లెక్క అయ్య పేరు చెప్పుకొని సీఎం కాలేదు రేవంత్ అని చెప్పారు. రేవంత్ కి ఫుట్ పాత్ నుంచి తెలుసు.. నేను కూడా ఫుట్ పాత్ నుంచి వచ్చానని తెలిపారు. నీకు అవన్నీ తెలియకుండా పెంచాడు కేసీఆర్.. కేటీఆర్ ఎలా తిట్టాలో రేవంత్ దగ్గరే ట్రైనింగ్ తీసుకో అని ఆయన సూచించారు. రేవంత్ కి చెప్తా.. అర గంట, గంట టైం ఇవ్వమని.. అలాగే, దామగుండంనీ నేవీ ఎందుకు ఎంచుకుందో తెలుసా?.. రాడార్ వ్యవస్థ లో 1000 కిలోమీటర్లలో ఉన్న సిగ్నల్ అందిస్తుంది.. సముద్ర మట్టానికి ఎత్తులో దామగుండం ఉంది కాబట్టి రాడార్ పెట్టారు.. ఇవన్నీ కేటీఆర్ కి తెలియదు.. అంతా బుక్ నాలెడ్జి అని జగ్గారెడ్డి మండిపడ్డారు.

Read Also: AlluArjun : మతి పోగొడుతున్న పుష్ప -2 ప్రీ రిలీజ్ బిజినెస్..?

ఇక, కేటీఆర్ ప్రాక్టికల్ నాలెడ్జి లేదు అని సంగారెడ్డి మాజీ ఎమ్మె్ల్యే జగ్గారెడ్డి తెలిపారు. కేటీఆర్ సోషల్ మీడియా బ్యాచ్.. దండుపాళ్యం గ్యాంగ్ గా మారింది.. కేటీఆర్ సీఎంనీ విమర్శిస్తున్నాడు.. నాకు బాధ అనిపించింది.. మా సీఎంని తిడితే ఉరుకుంటామా.. కేటీఆర్ నువ్వో బేవకుఫ్.. మమ్మల్ని గెలకడం ఎందుకు అని ప్రశ్నించారు. నువ్వు ఒకటి అంటే మేము వంద అంటాం.. కేటీఆర్ జాగ్రత్తగా వ్యవహరించి మాట్లాడమన్నారు. అయితే, దామగుండంకి భూమి కేటాయించినప్పుడు 9 లక్షల చెట్లు ఉన్నాయని కేటీఆర్ కి ఎందుకు గుర్తు లేదు అని క్వశ్చన్ చేశారు. 9 లక్షల చెట్లు పోతాయని తెలిసి ఎందుకు జీవో ఇచ్చావ్.. ఆ జీఓలో ఏముందో నీకు తెలుసా కేటీఆర్ అని అడిగారు. ఎన్ని చెట్లు తీస్తే.. అదే సంఖ్యలో చెట్లు పక్కన నాటాలని ఉంది.. కాంగ్రెస్ మీద బురద జల్లడమే పనిగా పెట్టుకున్నాడు.. పదేళ్లు రాజభోగాలు అనుభవించిన ఆయన.. ఇప్పుడు అవన్నీ దూరం అవ్వడంతో పిచ్చి లేసి మాట్లాడుతున్నారని జగ్గారెడ్డి మండిపడ్డారు.