Kishan Reddy: ఎంపీ సోయం బాపురావ్ కు కిషన్ రెడ్డి నుంచి పిలుపు..!

Kishan Reddy: ఎంపి సోయం బాపురావ్ కు కేంద్రమంత్రి కిషన్ రెడ్డి నుంచి పిలుపు వచ్చింది. దీంతో ఆదిలాబాద్ ఎంపి సోయం బాపు రావ్ హైదారాబాద్ కు చేరుకున్నారు. సిట్టింగ్ ఎంపీకి కాకుండా బీఆర్ఎస్ మాజీ ఎంపి నగేష్ ను పార్టీలోకి తీసుకొని ఆయనకే టికెట్ ఖరారు చేసింది బీజేపీ. అప్పటి నుంచి సోయం బాపురావ్ అసమ్మతిలో ఉన్నారు. పార్టీ కార్యక్రమాలకు దూరంగా ఉంటున్నారు. దీంతో ఎంపి సోయం బాపురావ్ ను బీజేపీ బుజ్జగించే ప్రయత్నాలు చేపట్టింది. ఈనేపథ్యంలో.. ఇవ్వాళ కిషన్ రెడ్డి తరుణ్ చుగ్ తో భేటీ అయ్యే అవకాశం ఉంది.

Read also: Rajanna Sircilla: సిరిసిల్లలో దారుణం.. మహిళపై వలస కూలీల అత్యాచారం..హత్య..!

బీజేపీ తొలి జాబితాలో ఆదిలాబాద్‌కు స్థానం దక్కకపోవడానికి కారణం తమ పార్టీ కార్యకర్తలేనని ఆ పార్టీకి చెందిన ఎంపీ సోయం బాపురావు బహిరంగంగానే చెప్పారు. రెండో జాబితాలో తనకు చోటు దక్కకపోవచ్చని, మరో ముగ్గురు సిట్టింగ్ ఎంపీలు మళ్లీ పోటీ చేసేందుకు ఆమోదం తెలిపారని ఆయన అసంతృప్తి వ్యక్తం చేశారు. నేను గెలవడం మా ప్రజలకు ఇష్టం లేదని నేను భావిస్తున్నాను. నేను అట్టడుగు స్థాయి నుంచి నాయకుడిగా మారడాన్ని వారు జీర్ణించుకోలేకపోతున్నారు. టిక్కెట్ రాకుంటే నా మార్గాన్ని నేనే ఎంచుకుంటాను.. తనకు పోటీ చేసే అవకాశం ఇస్తారనే విశ్వాసాన్ని వ్యక్తం చేస్తూ.. ఆదిలాబాద్‌లో తన అభ్యర్థిత్వంపై పునరాలోచించాలని అధిష్టానానికి విజ్ఞప్తి చేశారు. దీనికి చాలా మంది పోటీదారులు ఉన్నట్లు సమాచారం. ఆదిలాబాద్‌లో పలువురు బీజేపీ ఎమ్మెల్యేలు ఆయన అభ్యర్థిత్వాన్ని వ్యతిరేకిస్తున్నారు. మరోవైపు వచ్చే లోక్‌సభ ఎన్నికలకు 195 మంది అభ్యర్థులతో కూడిన తొలి జాబితాను బీజేపీ విడుదల చేసింది. ఈ జాబితాలో 34 మంది కేంద్ర మంత్రులు, ఇద్దరు మాజీ ముఖ్యమంత్రులు, 28 మంది మహిళా అభ్యర్థులు, 47 మంది యువకులు, 27 మంది షెడ్యూల్డ్ కులాల అభ్యర్థులు, 18 మంది షెడ్యూల్డ్ తెగ అభ్యర్థులు ఉన్నారు. ప్రజ్ఞా సింగ్ ఠాకూర్ మరియు నరేంద్ర సింగ్ తోమర్‌తో సహా ప్రముఖ బిజెపి సీనియర్ వ్యక్తులు తమ అవకాశాలను కాపాడుకోవడంలో విఫలమయ్యారు.
Minister Karumuri Nageswara Rao: బీసీలకు ప్రాధాన్యత విషయంలో వైసీపీని ఏ పార్టీ దాటలేదు..