POCO సంచలనం.! రూ.12 వేలకే Curved Display ఫోన్.?
- రూ.12 వేలకే కర్వ్డ్ AMOLED డిస్ప్లే?
- 50MP AI కెమెరాతో POCO సంచలనం
- Snapdragon 6 Gen 3తో పవర్ఫుల్ పర్ఫార్మెన్స్
- జనవరి 2026లో భారత్లో లాంచ్ అవకాశం
స్మార్ట్ఫోన్ మార్కెట్లో తనకంటూ ఒక ప్రత్యేక గుర్తింపు తెచ్చుకున్న పోకో (POCO), మరోసారి బడ్జెట్ ధరలో పవర్ఫుల్ ఫీచర్లతో వినియోగదారులను పలకరించబోతోంది. త్వరలోనే భారత మార్కెట్లో POCO M8 5G స్మార్ట్ఫోన్ను విడుదల చేయనున్నట్లు కంపెనీ అధికారికంగా ప్రకటించింది. ఈ ఫోన్ కేవలం పనితీరులోనే కాకుండా, డిజైన్ పరంగా కూడా సరికొత్త బెంచ్మార్క్లను సెట్ చేయబోతోందని సమాచారం.
కళ్లు చెదిరే 50MP AI కెమెరా : ఈ ఫోన్కు సంబంధించి కంపెనీ ప్రధానంగా హైలైట్ చేస్తున్న ఫీచర్ దాని కెమెరా. ఇందులో 50MP AI కెమెరాను అమర్చినట్లు పోకో ధృవీకరించింది. ఆర్టిఫిషియల్ ఇంటెలిజెన్స్ (AI) సహకారంతో, తక్కువ వెలుతురులో కూడా అద్భుతమైన ఫోటోలు , వీడియోలు తీసేలా దీనిని రూపొందించారు. కంటెంట్ క్రియేటర్లకు , ఫోటోగ్రఫీ ప్రియులకు ఈ సెగ్మెంట్లో ఇది ఒక వరంలా మారనుంది.
డిజైన్ , డిస్ప్లే: మునుపెన్నడూ లేని విధంగా.. పోకో ఎం8 5జీ తన సెగ్మెంట్లోనే అత్యంత సన్నని (Slim) , తేలికపాటి (Lightweight) ఫోన్గా రికార్డు సృష్టించబోతోంది.
Pawan Kalyan: 45 రోజులు అని చెప్పాం.. 35 రోజుల్లోనే సమస్యకు పరిష్కారం చూపాం!
కర్వ్డ్ అమోలెడ్ (Curved AMOLED): లీకైన సమాచారం ప్రకారం, ఇందులో 120Hz రిఫ్రెష్ రేట్తో కూడిన కర్వ్డ్ అమోలెడ్ డిస్ప్లే ఉండే అవకాశం ఉంది. సాధారణంగా ప్రీమియం ఫోన్లలో ఉండే ఈ ఫీచర్ను పోకో బడ్జెట్ ధరలోనే అందిస్తుండటం విశేషం.
స్టైలిష్ లుక్: ఈ ఫోన్ డిజైన్ త్వరలో రాబోయే రెడ్మీ నోట్ 15 సిరీస్ను పోలి ఉంటుందని, వెనుక భాగంలో ప్రీమియం ఫినిషింగ్తో ఆకట్టుకోనుందని తెలుస్తోంది.
పవర్ఫుల్ పర్ఫార్మెన్స్ & బ్యాటరీ : కేవలం లుక్స్ మాత్రమే కాదు, ఇంటర్నల్ హార్డ్వేర్ పరంగా కూడా పోకో ఈసారి గట్టి పోటీనిస్తోంది.
చిప్సెట్: ఇందులో Qualcomm Snapdragon 6 Gen 3 ప్రాసెసర్ ఉండే అవకాశం ఉంది. ఇది గేమింగ్ , మల్టీ టాస్కింగ్ సమయంలో ఫోన్ హ్యాంగ్ అవ్వకుండా స్మూత్ పర్ఫార్మెన్స్ను అందిస్తుంది.
బ్యాటరీ: రోజువారీ అవసరాల కోసం ఇందులో 5000mAh భారీ బ్యాటరీని అమర్చారు. దీనికి తోడు సూపర్ ఫాస్ట్ ఛార్జింగ్ సపోర్ట్ ఉండటం వల్ల తక్కువ సమయంలోనే ఫోన్ను ఫుల్ ఛార్జ్ చేసుకోవచ్చు.
విడుదల , లభ్యత : పోకో సంస్థ ప్రస్తుతానికి “కమింగ్ సూన్” (Coming Soon) అని టీజ్ చేస్తున్నప్పటికీ, టెక్ వర్గాల సమాచారం ప్రకారం జనవరి 2026లో ఈ ఫోన్ భారత్లో అధికారికంగా విడుదల కానుంది. ఈ సిరీస్లో బేస్ మోడల్ POCO M8 తో పాటు మరిన్ని ఫీచర్లతో కూడిన POCO M8 Pro 5G కూడా వచ్చే అవకాశం ఉంది.
అత్యాధునిక 5G కనెక్టివిటీ, అద్భుతమైన కెమెరా, , కర్వ్డ్ డిస్ప్లే వంటి ఫీచర్లతో వస్తున్న POCO M8 5G, భారత్లో బడ్జెట్ ఫోన్ల మార్కెట్ను ఒక ఊపు ఊపడం ఖాయమనిపిస్తోంది. ముఖ్యంగా రూ. 15,000 లోపు ధరలో ఈ ఫీచర్లు అందిస్తే, ఇది 2026 ప్రారంభంలోనే బిగ్గెస్ట్ హిట్ కావచ్చు.
Anil Ravipudi: హీరోగా ఎంట్రీపై అనిల్ రావిపూడి ఆసక్తికర కామెంట్స్..