WhatsApp: వాట్సప్ వీడియో కాలింగ్ లో కొత్త ఫీచర్స్.. అవేంటో చూడండి

భారత్‌తో పాటు ప్రపంచవ్యాప్తంగా లక్షలాది మంది వాట్సాప్‌ను ఉపయోగిస్తున్నారు. వాట్సాప్ తన కస్టమర్ల కోసం అనేక ఆప్షన్‌లను అందిస్తోంది. వీటిలో వీడియో మరియు ఆడియో కాలింగ్ కూడా ఒకటి. కాలింగ్ అనేది వాట్సప్ యొక్క ప్రత్యేక లక్షణం. దీని ద్వారా మనం మన దగ్గరి, దూరంగా ఉన్న వారితో కనెక్ట్ అవ్వవచ్చు.
తరచూ వాట్సాప్‌లో కాల్ చేస్తున్న వారికి శుభవార్త చెప్పింది. వీడియో కాలింగ్ కి సంబంధించి కొత్త అప్‌డేట్‌లను తీసుకువస్తోంది. మెటా ప్లాట్‌ఫారమ్‌పై ఆగ్మెంటెడ్ రియాలిటీ (AR)ని తీసుకొస్తున్నట్లు వెల్లడించింది. ఇది మరింత ఇంటరాక్టివ్, మెరుగైన కాలింగ్ అనుభవాన్ని అందిస్తుంది.

READ MORE: International Yoga Day: ప్రాచీన భారతం నుండి ప్రపంచం వరకు.. చారిత్రక మూలాలు..

వాట్సాప్ అప్‌డేట్‌లపై నిఘా ఉంచే సైట్ WAbetainfo, WhatsApp వీడియో కాల్‌ల కోసం AR ఫీచర్‌ను పరీక్షిస్తోందని వెల్లడించింది. అనేక రకాల కాల్ ఎఫెక్ట్స్ ఫిల్టర్లను ఇందులో యాక్సెస్ చేయవచ్చు. కాల్‌ల సమయంలో, వినియోగదారులు సరదా ఫిల్టర్‌లను జోడించగలరు. రంగులో కూడా మార్పులు చేయడానికి టచ్-అప్ సాధనాలను ఉపయోగించగలరు. ఈ ఫీచర్‌లు దృశ్యమాన అనుభవాన్ని మెరుగుపరచడానికి, వీడియో చాట్‌ను మరింత సరదాగా చేయడానికి రూపొందిస్తున్నారు. దీనితో పాటు, వాట్సాప్ కాల్స్ సమయంలో మీ బ్యాక్‌గ్రౌండ్‌ని ఎడిట్ చేసే సామర్థ్యాన్ని కూడా అభివృద్ధి చేస్తోంది. ఈ ఫీచర్ డెస్క్‌టాప్ యాప్‌లో కూడా అందుబాటులో ఉంటుంది. ఇంతే కాకుండా వీడియో కాల్ సమయంలో నిజమైన ముఖానికి బదులుగా అవతార్ ని కూడా వినియోగించవచ్చు. మీరు కోరుకోకపోతే, ఎదుటి వ్యక్తి మిమ్మల్ని చూడలేరు. కానీ అవతార్ అతని ముందు ఉంటుంది.ప్రస్తుతం, ఈ AR ఫీచర్‌లు ఇంకా డెవలప్‌మెంట్ దశలోనే ఉన్నాయి. కాబట్టి దీని విడుదల తేదీపై ఇంకా సమాచారం లేదు.