అతి తక్కువ ధరలో నాణ్యమైన ఫోన్లను అందిస్తున్న కంపెనీ మోటోరోలాకు మార్కెట్ లో మంచి డిమాండ్ ఉంది.. అనువైన బడ్జెట్లో ఉత్తమమైన ఫోన్లను అందిస్తోంది. ఇటీవల కాలంలో ఈ కంపెనీ నుంచి స్మార్ట్ ఫోన్లు పెద్ద సంఖ్యలోనే విడుదలవుతున్నాయి..వాటికి భారీ సేల్ ఉంది.. ఇకపోతే మోటోరోలో భారత మార్కెట్లోకి కొత్త ట్యాబ్ను లాంచ్ చేయడానికి సిద్ధమవుతోంది. మోటో ట్యాబ్ జీ84పేరుతో ఈ ట్యాబ్ను తీసుకొచ్చేందుకు రెడీ అవుతుంది.. ఈ ఏడాది మొదట్లో మోటోరోలా నుంచి వచ్చిన మోటో ట్యాబ్ జీ70కి కొనసాగింపుగా మోటో ట్యాబ్ జీ84ని తీసుకురానున్నారు. కంపెనీ ఈ ట్యాబ్కు సంబంధించి ఇప్పటి వరకు ఎలాంటి అధికారిక ప్రకటన చేయలేదు. నెట్టింట లీక్ల ఆధారంగా ఈ ట్యాబ్ ఫీచర్స్, ధరను ఒకసారి చూద్దాం..
ఈ కొత్త ట్యాబ్లో ల్యాండ్స్కేప్ ఓరియెంటెడ్ కెమెరాను ఇవ్వనున్నట్లు స్పష్టమవుతోంది. ఇక ఈ ట్యాబ్లో 8 మెగాపిక్సెల్స్తో కూడిన రెయిర్ కెమెరాను అందించారు. అలాగే ఎల్ఈడీ ఫ్లాష్ లైట్ను ఇవ్వనున్నట్లు తెలుస్తోంది. ఇక ఈ ట్యాబ్ను మెటాలిక్ డ్యూయల్ కలర్ డిజైన్తో తీసుకురానున్నారని తెలుస్తోంది. ఇక ఈ ట్యాబ్లో జేబీఎల్ స్పీకర్స్ ఇవ్వనున్నారని తెలుస్తోంది.. ఇక ఇది సౌండ్ డాల్బీ ఆటమ్స్కు సపోర్ట్ చేస్తుంది.. ఇకపోతే ఇక కెమెరా విషయానికొస్తే ఈ ట్యాబ్లో 8 మెగాపిక్సెల్స్తో కూడిన రెయిర్ కెమెరాతో పాటు, ఫ్రంట్ కెమెరాను కూడా ఇవ్వనున్నట్లు తెలుస్తోంది. అలాగే 10.6 ఇంచెస్తో కూడిన డిస్ప్లేను ఇవ్వనున్నారని టాక్. మెమోరీ కార్డ్ సపోర్ట్తో ట్యాబ్ ఇంటర్నల్ మెమోరీని 1టీబీ వరకు పెంచుకోవచ్చు. 6 జీబీ ర్యామ్, 128 జీబీ ఇంటర్నల్ స్టోరేజ్తో ఈ ట్యాబ్ వచ్చే అవకాశాలు ఉన్నాయి..
ఇకపోతే ఈ ట్యాబ్ ధరను చూస్తే.. ఆన్ లైన్ లో లీక్ అయిన వివరాల ప్రకారం.. రూ. 20 వేల లోపు ఉండొచ్చని అంచనా వేస్తున్నారు. ఈ ఏడాది జనవరిలో మోటోరోలా విడుదల చేసిన మోటో ట్యాబ్ జీ70 ట్యాబ్ ధర రూ. 21,99గా ఉన్న విషయం తెలిసిందే. అయితే ఈ ట్యాబ్ తో పోల్చితే ప్రస్తుతం రానున్న కొత్త ట్యాబ్ ఫీచర్లు ఎక్కువగా ఉండనున్నట్లు స్పష్టమవుతోంది. అయితే ధర విషయంలో మాత్రం పాత ట్యాబ్ కంటే తక్కువ ధరే ఉండనున్నట్లు అంచనా వేస్తున్నారు.. అసలు ధర మొదలగు విషయాల గురించి తెలుసుకోవాలంటే కొద్ది రోజులు ఆగాల్సిందే..
