ఐఫోన్కు పోటీగా vivo కొత్త ఫీచర్.. Apple ఎకోసిస్టమ్తో VIVO X500 సిరీస్ గ్లోబల్ లాంచ్.!
- vivo X500 సిరీస్ గ్లోబల్ మార్కెట్లో లాంచ్
- X500 Pro Maxలో 200MP ZEISS APO పెరిస్కోప్ కెమెరా, 400mm ఎక్స్టెండర్ లెన్స్కు సపోర్ట్
- X500 Proలో 64MP సోనీ టెలిఫోటో కెమెరా
- X500లో 50MP ప్రధాన కెమెరా, 50MP పెరిస్కోప్ లెన్స్
- మూడు మోడళ్లలో 50MP సెల్ఫీ కెమెరా..
- Follow Us :
-
-
Add as a preferred
source on google
VIVO X500: వివో (vivo) సరికొత్త ప్రీమియం ఫ్లాగ్షిప్ లైనప్ vivo X500 సిరీస్ ను గ్లోబల్ మార్కెట్లలో అధికారికంగా లాంచ్ చేసింది. మలేషియా, ఎంపిక చేసిన యూరోపియన్ దేశాల్లో తొలుత అడుగుపెట్టిన ఈ లైనప్లో అల్ట్రా-ప్రీమియం X500 Pro Max, మిడ్ ఫ్లాగ్షిప్ X500 Pro, స్టాండర్డ్ X500 మోడళ్లు ఉన్నాయి. జైస్ (ZEISS) ఆప్టిక్స్ భాగస్వామ్యంతో ఉన్న కెమెరా వ్యవస్థ, సెమీ-సాలిడ్-స్టేట్ భారీ బ్యాటరీలు, అత్యాధునిక డైమెన్సిటీ ప్రాసెసర్లు, ఆపిల్ ఎకోసిస్టమ్తో సజావుగా అనుసంధానమయ్యే OriginOS 7 ఈ సిరీస్ను ప్రత్యేకంగా నిలబెట్టనున్నాయి.
కెమెరాలు & జైస్ (ZEISS) ఆప్టిక్స్
కెమెరా విభాగానికి అత్యధిక ప్రాధాన్యతనిస్తూ వివో 3 వేరియంట్లలోనూ అగ్రశ్రేణి హార్డ్వేర్ను అమర్చింది. టాప్ ఎండ్ మోడల్ అయిన X500 Pro Maxలో ప్రధాన ఆకర్షణగా 200MP ZEISS APO పెరిస్కోప్ టెలిఫోటో కెమెరా (Samsung HP0 సెన్సార్) ఉంది. ఇది CIPA 7.0 స్థిరీకరణ, 3° గింబాల్ లెవల్ OISతో పాటు 400 mm ఎక్స్టెండర్ లెన్స్కు సైతం సపోర్ట్ చేస్తుంది. ఇక X500 Pro మోడల్లో 64MP Sony LYTIA 610 సెన్సార్తో కూడిన 85 mm టెలిఫోటో లెన్స్ ఉండగా, బేస్ మోడల్ X500లో 50MP Sony LYTIA-828 మెయిన్ సెన్సార్, 50MP ZEISS APO పెరిస్కోప్ లెన్స్ ఉన్నాయి. వీటన్నింటిలో సెల్ఫీల కోసం 50MP ఫ్రంట్ కెమెరా, వెనుక వైపు 50MP అల్ట్రా-వైడ్ లెన్స్లను అందించారు. మూవింగ్ సబ్జెక్ట్లను వేగంగా ట్రాక్ చేసేందుకు ‘X-Track ఇంజిన్’, హై-ఎండ్ వీడియో రికార్డింగ్ కోసం సినిమాటిక్ ప్రో లాగ్, 4K 240 fps హై-స్పీడ్ వీడియో మోడ్స్ ఇందులో ఉన్నాయి.
Also Read
- Huawei Mate X8: 8.15 ఇంచుల డిస్ప్లే, 16GB RAMతో కొత్త ఫోల్డబుల్ ఫోన్.. Huawei Mate X8 వచ్చేస్తోంది
- Cameras on Vegetable Vendors: కూరగాయల మార్కెట్లో AI కలకలం.. వ్యాపారుల తలపై వింత గ్యాడ్జెట్లు.. అసలేం జరుగుతోంది?
- Shubhanshu Shukla: 2040 నాటికి చంద్రుడిపై భారత జెండా.. ఇదే నా అసలైన లక్ష్యం: వ్యోమగామి శుభాంశు శుక్లా
- NASA Voyager 1 to Make History: 49 ఏళ్లుగా అంతరిక్షంలో ప్రయాణం.. చరిత్ర సృష్టించనున్న NASA Voyager 1
ప్రాసెసర్ & పనితీరు
పనితీరు పరంగా చూస్తే.. X500 Pro Max & X500 Pro మోడళ్లు శక్తివంతమైన 2nm మీడియాటెక్ డైమెన్సిటీ 9600 ప్రో (Dimensity 9600 Pro) ప్రాసెసర్తో రన్ అవుతాయి. వీటికి తోడుగా Mali-G2-Ultra-NX GPU, అధునాతన ఇమేజింగ్ ప్రాసెసింగ్ కోసం సరికొత్త VS1 & V3+ చిప్లను అమర్చారు. స్టాండర్డ్ X500 మోడల్ సమర్థవంతమైన 3nm డైమెన్సిటీ 9600M ప్రాసెసర్తో పనిచేస్తుంది. ఈ మూడు మోడళ్లు 12GB LPDDR5X Ultra ర్యామ్తో పాటు గరిష్టంగా 1TB వరకు సూపర్ ఫాస్ట్ UFS 4.1 స్టోరేజ్ ఎంపికలలో లభిస్తాయి.
డిస్ప్లే & డిజైన్
డిస్ప్లే విభాగంలో మూడు మోడళ్లు 100% P3 కలర్ కవరేజ్ మరియు 4000 నుండి 4500 నైట్స్ వరకు గరిష్ట పీక్ బ్రైట్నెస్ను అందిస్తాయి. X500 Pro Maxలో 6.85 అంగుళాల 2K 8T LTPO AMOLED స్క్రీన్ (1-144Hz రిఫ్రెష్ రేట్) ఉండగా.. X500 Proలో 6.36 అంగుళాల 1.5K 8T LTPO AMOLED డిస్ప్లే, రెగ్యులర్ X500లో 6.59 అంగుళాల 1.5K LTPS AMOLED డిస్ప్లేను అమర్చారు. ఇవన్నీ డస్ట్, వాటర్ రెసిస్టెన్స్ కోసం IP68, IP69 రేటింగ్లతో పాటు ఇన్-డిస్ప్లే 3D అల్ట్రాసోనిక్ ఫింగర్ప్రింట్ సెన్సార్, ఐఆర్ బ్లాస్టర్తో వస్తాయి.
బ్లూవోల్ట్ సెమీ-సాలిడ్-స్టేట్ బ్యాటరీ టెక్నాలజీ
బ్యాటరీ రంగంలో వివో సరికొత్త BlueVolt రెండో తరం సెమీ-సాలిడ్-స్టేట్ టెక్నాలజీని పరిచయం చేసింది. ఇవి -20°C మైనస్ డిగ్రీల వాతావరణంలోనూ బ్యాటరీ లైఫ్ తగ్గకుండా నిలకడగా పనిచేస్తాయి. కెపాసిటీ పరంగా X500 Pro Maxలో 7,800 mAh (యూరోప్లో 6,750 mAh), స్టాండర్డ్ X500లో 7,500 mAh, X500 Proలో 6,510 mAh బ్యాటరీలను అందించారు. ఛార్జింగ్ కోసం అన్ని మోడళ్లలోనూ 90W వైర్డ్ ఫ్లాష్ ఛార్జ్, 40W వైర్లెస్ ఛార్జ్, రివర్స్ ఛార్జింగ్తో పాటు గేమింగ్ వేడిని తగ్గించే బైపాస్ ఛార్జింగ్ సదుపాయం కల్పించారు.
ఆపిల్ ఎకోసిస్టమ్ కనెక్టివిటీ
ఈ స్మార్ట్ఫోన్లు ఆండ్రాయిడ్ 17 ఆధారిత సరికొత్త OriginOS 7తో నడుస్తాయి. ఈ ఆపరేటింగ్ సిస్టమ్లో ప్రధాన ఆకర్షణ ఏమిటంటే.. ఆపిల్ ఎకోసిస్టమ్తో క్రాస్-ప్లాట్ఫామ్ ఇంటరాక్షన్ సదుపాయం ఉండటం. క్విక్ షేర్ ద్వారా ఎయిర్డ్రాప్ తరహా ఫైల్ బదిలీలు, ఆపిల్ వాచ్, ఎయిర్పాడ్స్ నిర్వహణ మరియు Mac సిస్టమ్లతో అనుసంధానం కోసం vivo Office Kit వంటి ఫీచర్లు లభిస్తాయి. వీటికి తోడు సమావేశాలను సమ్మరైజ్ చేసే ఆటోమేటెడ్ టూల్స్, స్క్రీన్ రీడర్స్ వంటి పలు AI ప్రొడక్టివిటీ ఫీచర్లు ఇందులో ఉన్నాయి.
ధర
గ్లోబల్ మార్కెట్లలో ధరల విషయానికొస్తే.. బేస్ మోడల్ vivo X500 (12GB + 256GB) ధర మలేషియాలో RM 4,699 (సుమారు రూ. 1,09,090), 512GB వేరియంట్ RM 5,299 (సుమారు రూ. 1,23,020)గా ఉంది. అదే ప్రో మోడల్ vivo X500 Pro (12GB + 256GB) యూరోప్లో 1,399 యూరోలు (సుమారు రూ. 1,48,020) కాగా, టాప్-ఎండ్ మోడల్ vivo X500 Pro Max ప్రారంభ ధర 1,599 యూరోలు (సుమారు రూ. 1,69,185), 512GB వేరియంట్ 1,799 యూరోలు (సుమారు రూ. 1,90,345), 1TB వేరియంట్ 2,199 యూరోలు (సుమారు రూ. 2,32,670)గా నిర్ణయించారు. యూరప్, మలేషియాలలో అమ్మకాలు మొదలవగా, భారత మార్కెట్లో ఈ సిరీస్ నవంబర్ నెలాఖరు నాటికి విడుదలయ్యే అవకాశం ఉంది.
Something new is taking shape.
New look. New ways to see.✨vivo X500 — coming soon.
#vivo #vivoX500Series #ZEISSCinematicsCreateFurther https://t.co/sAIwfNOHPy
— vivo Global (@Vivo_GLOBAL) October 25, 2026
తాజావార్తలు
-
CE-25A Electric Aircraft: 22,000 పౌండ్ల ఎలక్ట్రిక్ విమానం.. చైనా CE-25A తొలి పైలట్ ఫ్లైట్ సక్సెస్
-
AP Panchayat Elections: రెండో విడత పంచాయతీ ఎన్నికలకు నేడే నోటిఫికేషన్.. పూర్తి షెడ్యూల్ ఇదే!
-
PM Modi Manila Visit 2026: PM మోడీ మనీలా పర్యటన.. ఆసియాన్ సదస్సులో భారత్ ప్రధాన లక్ష్యాలివే
-
Astrology: నవంబర్ 16 సోమవారం దినఫలాలు.. ఈ రాశివారికి అన్నీ శుభాలే..!
-
Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!