7.7 మి.మీ. మందం, 5200mAh బ్యాటరీ, 120Hz డిస్ప్లే కేవలం రూ.11,999లకే.. Infinix Smart 20 లాంచ్.!
- Follow Us :
-
-
Add as a preferred
source on google
Infinix Smart 20 Launch: భారత మార్కెట్లో బడ్జెట్ స్మార్ట్ఫోన్ విభాగంలో ఇన్ఫినిక్స్ (Infinix) నుండి కొత్తగా ఇన్ఫినిక్స్ స్మార్ట్ 20 (Infinix Smart 20) స్మార్ట్ఫోన్ను లాంచ్ చేసింది. ఇదివరకు వచ్చిన స్మార్ట్ 10కు అప్డేటెడ్ గా ఈ ఫోన్ను తీసుకొచ్చిన కంపెనీ.. డిస్ప్లే, ప్రాసెసర్, బ్యాటరీ వంటి విభాగాల్లో అప్గ్రేడ్లను తీసుకవచ్చింది.
డిజైన్, పెద్ద డిస్ప్లే:
ఇన్ఫినిక్స్ స్మార్ట్ 20 కేవలం 7.7 మిల్లీమీటర్ల మందంతో స్లిమ్ డిజైన్ను కలిగి ఉంది. ఫోన్ వెనుక భాగంలో 3D టెక్స్చర్ కంపోజిట్ ఫినిష్ను అందించారు. ముందు భాగంలో 6.78 అంగుళాల హెచ్డీ+ ఐపీఎస్ ఎల్సీడీ డిస్ప్లేను ఇవ్వగా.. ఇది 120Hz రిఫ్రెష్ రేట్ను సపోర్ట్ చేస్తుంది. ఈ డిస్ప్లేలో సెంటర్ పంచ్-హోల్ డిజైన్తో పాటు నోటిఫికేషన్లు, స్టేటస్ అప్డేట్స్ను చూపించే “డైనమిక్ బార్” ఫీచర్ కూడా అందుబాటులో ఉంది.
Also Read
- Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
- Apple Health AI App: ChatGPTకి పోటీగా Apple కొత్త AI హెల్త్ యాప్.. వైద్య పరిశోధనలతో ఆరోగ్య సమస్యలకు సమాధానాలు!
- Nvidia CEO Comeback: Nvidia CEOగా జెన్సన్ హువాంగ్ రీఎంట్రీ? ఎలాన్ మస్క్ మద్దతు.. మళ్లీ పగ్గాలు చేపడతారా?
- Asus ExpertBook A7: ఆసుస్ ఎక్స్పర్ట్బుక్ A7 లాంచ్.. 8GB RAM, OLED డిస్ప్లే, 24 గంటల బ్యాటరీ!
ప్రాసెసర్:
పనితీరు విషయానికి వస్తే.. ఈ ఫోన్లో 12nm టెక్నాలజీ ఆధారిత మెడియటేక్ హీలియో G81 అల్టిమేట్ ఆక్టా-కోర్ ప్రాసెసర్ను అమర్చారు. దీనికి 4GB LPDDR4X ర్యామ్ను ఇవ్వగా.. అలాగే మెమ్ఫ్యూజన్ (MemFusion) టెక్నాలజీ ద్వారా మరో 4GB వరకు వర్చువల్ ర్యామ్ను పెంచుకొనే అవకాశం ఉంది. స్టోరేజ్ పరంగా 64GB, 128GB వేరియంట్లు అందుబాటులో ఉండగా.. మైక్రో ఎస్డీ కార్డ్ ద్వారా 2TB వరకు పెంచుకోవచ్చు.
బ్యాటరీ, రివర్స్ ఛార్జింగ్ సపోర్ట్:
ఇన్ఫినిక్స్ స్మార్ట్ 20లో 5200mAh భారీ బ్యాటరీని అందించారు. ఇది 15W ఫాస్ట్ ఛార్జింగ్కు మద్దతు ఇస్తుంది. అలాగే 5W రివర్స్ వైర్డ్ ఛార్జింగ్ ఫీచర్ కూడా ఉండటంతో ఇతర డివైస్లను ఛార్జ్ చేసుకునే అవకాశం కల్పించింది.
కెమెరా ఫీచర్లు:
ఫోటోగ్రఫీ కోసం ఈ స్మార్ట్ఫోన్లో 8MP ప్రధాన కెమెరాను అమర్చారు. దీనికి ఎల్ఈడీ ఫ్లాష్తో పాటు సహాయక సెన్సార్ను కూడా జోడించారు. సెల్ఫీలు, వీడియో కాల్స్ కోసం ముందు భాగంలో 8MP కెమెరా అందుబాటులో ఉంది. సూపర్ నైట్ మోడ్, డ్యూయల్ వీడియో, వ్లాగ్ మోడ్ వంటి సాఫ్ట్వేర్ ఫీచర్లు కూడా ఇందులో ఉన్నాయి.
ఇతర ఫీచర్స్:
ఈ ఫోన్ 4G నెట్వర్క్లకు మద్దతు ఇస్తుంది. ప్రత్యేకంగా ఇన్ఫినిక్స్ పరిచయం చేసిన “అల్ట్రా లింక్” ఫీచర్ ద్వారా ఇంటర్నెట్ లేకున్నా అనుకూల ఇన్ఫినిక్స్ ఫోన్ల మధ్య ఒక కిలోమీటర్ వరకు వాకీ-టాకీ తరహా కమ్యూనికేషన్ చేయవచ్చు. సైడ్ మౌంటెడ్ ఫింగర్ప్రింట్ సెన్సార్, ఇన్ఫ్రారెడ్ సెన్సార్, స్టీరియో స్పీకర్లు, DTS ఆడియో, FM రేడియో, 3.5mm హెడ్ఫోన్ జాక్, IP64 డస్ట్ మరియు వాటర్ స్ప్లాష్ రెసిస్టెన్స్ వంటి ఫీచర్లు కూడా ఉన్నాయి.
ధర:
ఇన్ఫినిక్స్ స్మార్ట్ 20 రెండు స్టోరేజ్ వేరియంట్లలో అందుబాటులోకి వచ్చింది. 4GB + 64GB వేరియంట్ ధర రూ.12,499 కాగా, 4GB + 128GB వేరియంట్ ధర రూ.13,999గా నిర్ణయించారు. ఈ స్మార్ట్ఫోన్ జూన్ 12 మధ్యాహ్నం 12 గంటల నుంచి ఫ్లిప్కార్ట్, ఇన్ఫినిక్స్ ఇండియా అధికారిక ఆన్లైన్ స్టోర్ ద్వారా విక్రయానికి అందుబాటులోకి రానుంది. సన్లైక్ ఆరెంజ్, క్లౌడ్లైన్ బ్లూ, షాడో బ్లాక్, పోలారిస్ టైటానియం రంగుల్లో ఈ ఫోన్ను కొనుగోలు చేయవచ్చు. లాంచ్ ఆఫర్లో భాగంగా అన్ని ప్రధాన బ్యాంక్ కార్డులపై రూ.500 ఇన్స్టంట్ డిస్కౌంట్ అందిస్తున్నారు. దీంతో బేస్ వేరియంట్ను రూ.11,999 ప్రారంభ ధరకు సొంతం చేసుకునే అవకాశం వినియోగదారులకు లభించనుంది.
Your Smart Move- Launching 8th June ⚡️🫡#yoursmartmove #infinixsmart20 pic.twitter.com/gt10NtLknr
— Infinix India (@InfinixIndia) June 7, 2026
తాజావార్తలు
-
Koti Deepotsavam 2026 Day 3: అంగరంగ వైభవంగా కీసరగుట్ట శ్రీ రామలింగేశ్వరస్వామి కల్యాణం.. మూడో రోజు విశేషాలివే..
-
Dhanush Secret: ప్రపంచానికి తెలియని ధనుష్ సీక్రెట్ లీక్ చేసిన శ్రీలీల!
-
OM Pre Release Event: ఇన్నాళ్లూ వచ్చిన సినిమాలు చేసుకుంటూ వెళ్లా, కానీ ఇప్పుడు రూట్ మార్చా.. శ్రీలీల ఓపెన్ కామెంట్స్!
-
Renu Desai: ‘ఓం’ ప్రీరిలీజ్ ఈవెంట్లో ధనుష్కు సారీ చెప్పిన రేణు దేశాయ్.. ఎందుకంటే?
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!