ప్రతీ వ్యక్తి స్మార్ట్ఫోన్ వాడేస్తున్నారు.. అంతేకాదు.. ఇంట్లో పిల్లల కోసం.. పెద్ద వాళ్ల కోసం.. ఇలా ఇబ్బడిముబ్బడిగా స్మార్ట్ఫోన్లు వినియోగిస్తున్నారు.. అయితే, భారత్లో స్మార్ట్ఫోన్ల అమ్మకాలు ఇప్పుడు భారీగా పడిపోయాయి.. 4 జీ నుంచి 5జీ టెక్నాలజీవైపు పరుగులు పెడుతోన్న సమయంలో.. స్మార్ట్ఫోన్ల విక్రయాలు జోరుగా సాగుతాయని అంచనా వేసినా.. వాటికి విరుద్ధమైన ఫలితాలు నమోదయ్యాయి.. ఇంటర్నేషనల్ డేటా కార్పొరేషన్ (ఐడీసీ) అంచనా ప్రకారం.. మూడేళ్ల కనిష్ఠ స్థాయికి పడిపోయాయి స్మార్ట్ఫోన్ల అమ్మకాలు.. పది శాతం మేర తగ్గుముఖం పట్టినట్టు ఐడీసీ వివరించింది. అయితే, జూన్-సెప్టెంబర్ త్రైమాసికంలో మొత్తం స్మార్ట్ ఫోన్ల సేల్స్లో 5జీ ఫోన్ల విక్రయాలు 36 శాతం వాటా పొందగా.. 1.6 కోట్ల ఫోన్ల విక్రయాల్లో సగటున రూ.32 వేల నుంచి రూ.30,600 మధ్య ఉన్నాయని పేర్కొంది ఆ నివేదిక.
Read Also: SBI hikes MCLR: ఖాతాదారులకు షాకిచ్చిన ఎస్బీఐ.. వడ్డీ రేట్లు వడ్డించింది..!
పండుగల సీజన్ వచ్చిందంటే చాలు.. ఆయా సంస్థలు, ఈ-కామర్స్ సంస్థలు ఇచ్చే డిస్కౌంట్ ఆఫర్లతో మంచి సేల్స్ జరుగుతుండేవి.. కానీ, ఈ సారి మాత్రం పరిస్థితి వేరుగా ఉంది.. నవరాత్రి, దీపావళి పండుగల సీజన్ ఉన్నా 2019 తర్వాత సెప్టెంబర్ త్రైమాసికంలో అత్యంత తక్కువగా స్మార్ట్ ఫోన్ల విక్రయాలు పది శాతం తగ్గినట్టు ఐడీసీ వరల్డ్ వైడ్ క్వార్టర్లీ మొబైల్ ఫోన్ ట్రాకర్ నివేదిక పేర్కొంది. డిమాండ్ బలహీన పడటానికి తోడు మొబైల్ ఫోన్ల ధరలు పెరగడం కూడా ఈ పండుగల సీజన్లో ఫోన్ల విక్రయాలు పడిపోవడానికి కారణంగా చెప్పుకొచ్చింది. మొత్తంగా భారతదేశ స్మార్ట్ఫోన్ మార్కెట్ 10 శాతం పడిపోయింది.. ఈ ఆర్థిక సంవత్సరం (జూలై-సెప్టెంబర్) మూడవ త్రైమాసికంలో 43 మిలియన్ యూనిట్లను రవాణా చేసినట్టు సోమవారం ఒక నివేదిక తెలిపింది… అయితే, షియోమి దాని ఆధిక్యాన్ని కొనసాగించింది, అయితే షిప్మెంట్లు క్షీణించాయి. శాంసంగ్ తన రెండవ స్లాట్ను తిరిగి పొందింది, వీవో 20 శాతం క్షీణతతో మూడవ స్థానానికి పడిపోయిందని ఇంటర్నేషనల్ డేటా కార్పొరేషన్ వరల్డ్వైడ్ క్వార్టర్లీ మొబైల్ ఫోన్ ట్రాకర్ తెలిపింది. షిప్మెంట్లు సంవత్సరానికి 18 శాతం క్షీణించడంతో రియల్మీ నాల్గవ స్థానానికి పడిపోయింది, అయితే ఓప్పో 6 శాతంతో షిప్మెంట్ వృద్ధితో ఐదవ స్థానాన్ని ఆక్రమించింది.
యాపిల్ ప్రీమియం విభాగంలో 63 శాతం వాటాతో అగ్రస్థానంలో ఉండగా, శాంసంగ్ (22 శాతం), వన్ప్లస్ (9 శాతం) తర్వాతి స్థానాల్లో ఉన్నాయి. పండుగ సీజన్ ప్రారంభంలోనే ప్రారంభమైనప్పటికీ, 2019 తర్వాత ఇది మూడవ త్రైమాసిక షిప్మెంట్లో అత్యల్పంగా ఉంది. బలహీనమైన డిమాండ్ మరియు పరికరాల ధర పండుగ కొనుగోళ్లను తగ్గించిందని నివేదిక పేర్కొంది. ఇది, అధిక ఛానెల్ ఇన్వెంటరీ విక్రేతలకు ఆందోళన కలిగిస్తుంది. మొత్తంమీద, సగటు విక్రయ ధర రికార్డు స్థాయిలో 226 డాలర్లకు చేరుకుంది. అయితే, 2022 సంవత్సరానికి 8-9 శాతం క్షీణతతో దాదాపు 150 మిలియన్ యూనిట్ల ఎగుమతులు జరిగే అవకాశం ఉంది. వినియోగదారుల డిమాండ్పై ద్రవ్యోల్బణం ప్రభావం, పరికర ఖర్చులు పెరగడం మరియు ఫీచర్ ఫోన్-టు-స్మార్ట్ఫోన్ మైగ్రేషన్ స్లోగా ఉండటం 2023లో ప్రధాన సవాళ్లుగా మారనున్నాయి.. 4జీ స్మార్ట్ఫోన్ వినియోగదారులను 5జీ స్మార్ట్ఫోన్లకు మారడం వల్ల 2023లో మార్కెట్కు ముఖ్యంగా మధ్య-ప్రీమియం మరియు అధిక విభాగాలలో వృద్ధి పుంజుకుంటుందనే అంచనాలున్నాయి..