AFg vs NZ T20 WC: టాస్ గెలిచి బ్యాటింగ్ ఎంచుకున్న ఆప్ఘనిస్తాన్.. ప్రతీకారం తీర్చుకోవడానికి సిద్ధమైన కివీస్

AFg vs NZ T20 WC: ఐసీసీ టీ20 వరల్డ్‌కప్ 2026లో ఆఫ్ఘనిస్తాన్- న్యూజిలాండ్ మధ్య కీలక మ్యాచ్‌కు వేదిక సిద్ధమైంది. చెన్నైలోని ఎంఏ చిదంబరం స్టేడియంలో జరుగుతున్న ఈ మ్యాచ్‌లో ఆఫ్ఘన్ టాస్ గెలిచి తొలుత బ్యాటింగ్ చేయాలని నిర్ణయించింది. ఈరోజు జరుగుతున్న మ్యాచ్‌తో రెండు జట్లు తమ టోర్నమెంట్ ప్రయాణాన్ని ప్రారంభించాయి. అయితే, స్పిన్‌కు అనుకూలంగా పేరున్న చెన్నైలోని ఎంఏ చిదంబరం స్టేడియంలో ఇటీవలి కాలంలో తక్కువ సహకారం లభిస్తుంది. ఈ నేపథ్యంలో ఈ పిచ్‌పై మ్యాచ్ ఎలా కొనసాగుతుంది అన్నది ఆసక్తికరంగా మారింది.

Read Also: Love Marriage Tragedy: ప్రతి ఒక్కరికీ నా జీవితం గుణపాఠం.. లవ్ మ్యారేజీ చేసుకున్న పాపానికి..?

అయితే, ఆఫ్ఘనిస్తాన్, న్యూజిలాండ్ జట్లు 2024 వరల్డ్‌కప్‌లో కూడా పోటీ పడ్డాయి. ఆ టోర్నమెంట్‌లో ఆఫ్ఘనిస్తాన్ సంచలన విజయం సాధించడంతో న్యూజిలాండ్‌ మెగా ఈవెంట్ నుంచి నిష్క్రమించాల్సి వచ్చింది. అప్పటి ఓటమికి ప్రతీకారం తీర్చుకోవాలని కివీస్ ఈసారి బరిలోకి దిగింది. ఇక, ఆ మ్యాచ్ తర్వాత ఏ ఫార్మాట్‌లోనూ న్యూజిలాండ్ రషీద్ ఖాన్ నేతృత్వంలోని ఆఫ్ఘన్ జట్టుతో పోటీ పడలేదు. కాగా, ఈ మ్యాచ్‌కు ముందు న్యూజిలాండ్ జట్టును గాయాల సమస్య వెంటాడుతోంది. రచిన్ రవీంద్ర, డెవాన్ కాన్వే అనారోగ్యంతో ఇబ్బంది పడుతున్నారు. మైకేల్ బ్రేస్‌వెల్, లాకీ ఫెర్గూసన్ కాల్ఫ్ గాయాలతో బాధపడుతున్నారు. ఫిన్ అలెన్ భారత్‌తో జరిగిన మ్యాచ్‌లో భుజానికి గాయం అయింది. ఈ పరిస్థితుల్లో కివీస్ జట్టు సమతూకం ఎలా ఉండనుందో అన్నది ఇప్పుడు ఆసక్తికరంగా మారింది.

Read Also: Suryakumar Yadav: కోచ్-కెప్టెన్ మ్యాజిక్.. గంభీర్ గేమ్ ఛేంజర్‌ సలహా.. మ్యాచ్ గెలిపించిన సూర్య

వరల్డ్‌కప్‌కు ముందు ఆఫ్ఘనిస్తాన్ అద్భుత ఫామ్‌లో ఉంది. ఈ టోర్నమెంట్‌కు ముందు ఆడిన ఏడు మ్యాచ్‌లలో ఆరు విజయాలు సాధించింది. మరోవైపు, న్యూజిలాండ్ భారత్‌తో జరిగిన టీ20 సిరీస్‌ను 4-1తో కోల్పోయి ప్రపంచ కప్‌లోకి అడుగు పెట్టింది. ఇరు జట్ల ప్రస్తుత పరిస్థితులు, గత అనుభవాలను దృష్టిలో పెట్టుకుని చెన్నై వేదికగా జరుగుతున్న ఈ మ్యాచ్ హోరాహోరీగా కొనసాగనుంది. సూపర్-8కి చేరుకునే మార్గంలో ఈ మ్యాచ్ ఫలితం కీలకంగా మారనుంది.