Smriti Mandhana History: స్మృతి మంధాన వరల్డ్‌ రికార్డు.. మహిళల క్రికెట్‌లో ఇదే తొలిసారి!

Smriti Mandhana World Record: భారత స్టార్ బ్యాటర్, వైస్ కెప్టెన్ స్మృతి మంధాన మరో అరుదైన ఘనత సాధించింది. అంతర్జాతీయ క్రికెట్‌లో 11,000 పరుగులు పూర్తి చేసిన తొలి మహిళా క్రికెటర్‌గా చరిత్ర సృష్టించింది. మహిళల క్రికెట్‌లో ఇప్పటివరకు ఏ బ్యాటర్ కూడా ఈ మైలురాయిని అందుకోలేదు. ఏషియన్ గేమ్స్ 2026 ఫైనల్లో శ్రీలంకతో జరిగిన మ్యాచ్‌లో 13 పరుగులు చేయడంతో.. అంతర్జాతీయ క్రికెట్‌లో 11 వేల పరుగులు పూర్తి చేసింది. టెస్టుల్లో 788, వన్డేల్లో 5411, టీ20ల్లో 4788 పరుగులు స్మృతి చేసింది.

శ్రీలంకతో ఫైనల్లో భారత్ టాస్ గెలిచి తొలుత బ్యాటింగ్ ఎంచుకుంది. ఇన్నింగ్స్ ఆరంభం నుంచే దూకుడుగా ఆడిన స్మృతి మంధాన తొలి ఓవర్‌లోనే రెండు ఫోర్లు బాదింది. మూడో ఓవర్‌లో సిక్స్ కొట్టడంతో 11,000 అంతర్జాతీయ పరుగుల మైలురాయిని అందుకుంది. దీంతో మహిళల అంతర్జాతీయ క్రికెట్‌లో ఈ ఘనత సాధించిన తొలి బ్యాటర్‌గా రికార్డు నెలకొల్పింది. ఫైనల్లో స్మృతి హాఫ్ సెంచరీ (79) చేసింది. 45 బంతుల్లో 5 ఫోర్లు, 7 సిక్సులతో 79 రన్స్ చేసింది. స్మృతి సాగ షఫాలీ వర్మ (48), రిచా ఘోష్‌ (49) దూకుడుగా ఆడడంతో ఫైనల్‌లో భారత మహిళా జట్టు 217 పరుగుల భారీ చేసింది.

స్మృతి మంధాన ఈ ఏడాదిలో రికార్డులు కొల్లగొడుతోంది. ఇటీవల ముగిసిన మహిళల ఆసియా కప్‌ 2026లో మాజీ భారత కెప్టెన్ మిథాలీ రాజ్ పేరిట ఉన్న 10,868 అంతర్జాతీయ పరుగుల రికార్డును అధిగమించింది. దీంతో మహిళల క్రికెట్‌లో మూడు ఫార్మాట్లలో కలిపి అత్యధిక అంతర్జాతీయ పరుగులు చేసిన బ్యాటర్‌గా నిలిచింది. అంతేకాదు ఇటీవలే టీ20 అంతర్జాతీయ క్రికెట్‌లోనూ మంధాన అరుదైన రికార్డు సాధించింది. పురుషులు, మహిళల క్రికెట్‌ను కలిపి టీ20ల్లో అత్యధిక పరుగులు చేసిన న్యూజిలాండ్ మాజీ స్టార్ సుజీ బేట్స్ రికార్డును అధిగమించింది. ఏషియన్ గేమ్స్ సెమీఫైనల్లో బంగ్లాదేశ్‌పై 37 పరుగులు చేయడంతో ఈ రికార్డును తన పేరిట లిఖించుకుంది. ఇప్పుడు 11 వేల మైలురాయిని అందుకుంది.