Sanju Samson-Gambhir: సంజు అసంతృప్తి.. గంభీర్ సర్దిచెప్పే ప్రయత్నం.. సోషల్ మీడియాలో రచ్చ!

Gautam Gambhir trying to convince Sanju Samson: భారత్, ఇంగ్లండ్ మధ్య మాంచెస్టర్ వేదికగా జరిగిన రెండో టీ20లో యువ సంచలనం వైభవ్ సూర్యవంశీ అరంగేట్రం చేశాడు. బుడ్డోడికి అవకాశం రావడంతో వికెట్ కీపర్ సంజు శాంసన్‌ను ప్లేయింగ్ ఎలెవన్ నుంచి తప్పుకోవాల్సి వచ్చింది. టీమ్‌ మేనేజ్‌మెంట్‌ తీసుకున్న ఈ నిర్ణయంఫై సోషల్ మీడియాలో పెద్ద చర్చకు దారితీసింది. 15 ఏళ్ల వైభవ్‌కు అవకాశం ఇవ్వడాన్ని చాలామంది స్వాగతిస్తున్నప్పటికీ.. టీ20 ప్రపంచకప్ 2026లో ‘ప్లేయర్ ఆఫ్ ది టోర్నమెంట్’గా నిలిచిన సంజును కేవలం మూడు వైఫల్యాల కారణంగా పక్కన పెట్టడంపై ప్రశ్నలు లేవనెత్తుతున్నారు.

ప్రస్తుతం సోషల్ మీడియాలో ఓ వీడియో వైరల్‌గా మారింది. ఆ వీడియోలో భారత హెడ్ కోచ్ గౌతమ్ గంభీర్, సంజు శాంసన్‌తో ప్రత్యేకంగా మాట్లాడాడు. ప్లేయింగ్ ఎలెవన్‌లో చోటు దక్కకపోవడంతో సంజు అసంతృప్తిగా కనిపించాడు. అతడికి గంభీర్ సర్దిచెప్పే ప్రయత్నం చేశాడు. అవకాశం ఎందుకు ఇవ్వలేదో గౌతీ స్పష్టంగా సంజుకి చెప్పినట్లు వీడియో ద్వారా స్పష్టమవుతోంది. సంజు అక్కడినుంచి వెళుతున్నా.. గంభీర్ ఆపి మరి మాట్లాడాడు. చివరకు సంజు కన్విన్స్ అయ్యాడు. ఇందుకు సంబంధించిన వీడియో నెట్టింట వైరల్ అయింది.

సంజు శాంసన్ ఇటీవల జరిగిన టీ20 ప్రపంచకప్‌ 2026లో అద్భుత ప్రదర్శనతో ‘ప్లేయర్ ఆఫ్ ది టోర్నమెంట్’ అవార్డు అందుకున్నాడు. ఆ తర్వాత ఐర్లాండ్ సిరీస్‌లోను రెండు, ఇంగ్లండ్ సిరీస్‌లో మొదటి మ్యాచ్‌లో ఆశించిన స్థాయిలో రాణించలేకపోవడంతో జట్టు యాజమాన్యం వైభవ్ సూర్యవంశీకి అవకాశం కల్పించింది. మరోవైపు వైభవ్ తన అరంగేట్ర మ్యాచ్‌లో 10 బంతుల్లో 14 పరుగులు చేసి నిరాశపరిచాడు. సంజును తప్పించడంపై ఇప్పటికే మాజీ క్రికెటర్లు సంజయ్ మంజ్రేకర్, అంబటి రాయుడు వంటి వారు కూడా ఆశ్చర్యం వ్యక్తం చేశారు. వైభవ్‌కు అవకాశం ఇవ్వడం సరైన నిర్ణయమే అయినప్పటికీ.. సంజు వంటి సీనియర్ ఆటగాడికి మరిన్ని అవకాశాలు ఇవ్వాల్సిందని అభిప్రాయపడ్డారు.

Sanju Samson was clearly not happy after being dropped. Gautam Gambhir was trying hard to convince him 💔 pic.twitter.com/3GwPPF5e6L

— Indian Cricket Ministry (@Tejashyyyyyy) July 5, 2026