Vaibhav Sooryavanshi: వినోద్ కాంబ్లీ గతి ఏమైందో చూశావా?.. వైభవ్కు టీమిండియా మాజీ దిగ్గజం వార్నింగ్!
- Follow Us :
-
-
Add as a preferred
source on google
Kapil Dev Warns Vaibhav Sooryavanshi: భారత క్రికెట్లో సంచలనంగా మారిన యువ బ్యాటర్ వైభవ్ సూర్యవంశీపై దిగ్గజ క్రికెటర్, 1983 ప్రపంచ కప్ విజేత కెప్టెన్ కపిల్ దేవ్ కీలక వ్యాఖ్యలు చేశాడు. అద్భుతమైన ప్రతిభ ఉన్నప్పటికీ ఇప్పుడే అతడిని తదుపరి సూపర్స్టార్గా అభివర్ణించడం తొందరపాటే అవుతుందని అభిప్రాయపడ్డాడు. గతంలో అపార ప్రతిభతో వెలుగులోకి వచ్చి, ఆ తర్వాత కనుమరుగయిపోయిన వినోద్ కాంబ్లీని ఉదాహరణగా ప్రస్తావించాడు. వైభవ్ తన ప్రతిభను దీర్ఘకాలం నిలబెట్టుకోవాలంటే రాబోయే కొన్నేళ్లు అత్యంత కీలకమని కపిల్ దేవ్ సూచించాడు.
బుడ్డోడిపై భారీగా అంచనాలు:
కేవలం 15 ఏళ్ల వయసులోనే వైభవ్ సూర్యవంశీ తన బ్యాటింగ్తో ప్రపంచ క్రికెట్ దృష్టిని ఆకర్షించాడు. 2026 అండర్-19 ప్రపంచ కప్ ఫైనల్లో ఇంగ్లండ్పై కేవలం 80 బంతుల్లోనే 175 పరుగులు చేసి భారత్ టైటిల్ సాధించడంలో కీలక పాత్ర పోషించాడు. అనంతరం ఐపీఎల్ 2026లోనూ చెలరేగాడు. 776 పరుగులు సాధించి అత్యధిక పరుగులు చేసిన ఆటగాడిగా నిలిచాడు. 237కు పైగా స్ట్రైక్రేట్తో బ్యాటింగ్ చేసి అందరినీ ఆశ్చర్యపరిచాడు. ఈ ప్రదర్శనలతో వైభవ్కు ఐర్లాండ్, ఇంగ్లండ్తో టీ20 సిరీస్ల కోసం భారత జట్టు నుంచి పిలుపు వచ్చింది. ఇటీవల ఆసియా క్రీడలు 2026లోనూ ఆడాడు. దీంతో బుడ్డోడిపై అంచనాలు భారీగా పెరిగాయి. అయితే కేవలం కొన్ని అద్భుత ఇన్నింగ్స్ల ఆధారంగా భవిష్యత్తు గురించి నిర్ణయానికి రావద్దని కపిల్ దేవ్ అంటున్నాడు.
Also Read
- MS Dhoni IPL Retirement: నా ఆలోచన తప్పు అని ఫాన్స్ నిరూపించారు.. ఎంఎస్ ధోనీ ఎమోషనల్ పోస్ట్!
- SAFF Championship 2026: తొలిసారి ఫైనల్కు చేరిన పాకిస్థాన్కు షాక్.. SAFF ఛాంపియన్షిప్ 2026 విజేతగా భారత్
- RCB: రిటెన్షన్ తర్వాత ఆర్బీసీ పరిస్థితి ఇదీ.. ఎవరున్నారు..? ఎవరు వెళ్లారు..?
- IPL 2027: పూర్తయిన రిటెన్షన్ ప్రక్రియ.. ఎవరి పర్సులో ఎంత..? టాప్లో LSG..
ఇలా వచ్చి అలా వెళ్ళిపోయాడు:
‘వైభవ్కు అద్భుత ప్రతిభ ఉంది. కానీ ఇంతటి ప్రతిభతో క్రికెట్లోకి వచ్చి, ఆ తర్వాత కనుమరుగైన ఆటగాళ్లు చాలామంది ఉన్నారు. వినోద్ కాంబ్లీని చూడండి. ఇలా వచ్చి అలా వెళ్ళిపోయాడు. అంచనాలు అందుకోకపోవడమే కారణం. వైభవ్కు మరో మూడేళ్ల సమయం ఇవ్వాలి. అతడి జీవనశైలి, ఆలోచనా విధానం మారే కొద్దీ తనను తాను ఎలా మలుచుకుంటాడన్నదే ముఖ్యం. ప్రస్తుత ప్రదర్శనల కంటే రాబోయే రెండేళ్లలో అతడు ఎలా ఎదుగుతాడన్నదే ముఖ్యమైన విషయం’ అని కపిల్ దేవ్ పేర్కొన్నాడు.
రెండో టీ20లో కూడా చోటు కష్టమే:
భారత మాజీ బ్యాటర్ వినోద్ కాంబ్లీ ఒకప్పుడు అసాధారణ ప్రతిభతో అందరి దృష్టిని ఆకర్షించాడు. అయితే అతడి కెరీర్ ఆశించినంత సుదీర్ఘంగా కొనసాగలేదు. యువ ఆటగాళ్లకు ప్రతిభతో పాటు క్రమశిక్షణ, సరైన ఆలోచనా విధానం, ఆటపై నిరంతర దృష్టి కూడా అవసరమని కపిల్ దేవ్ చెప్పుకొచ్చాడు. వైభవ్ ప్రస్తుతం అద్భుతమైన ఫామ్లో ఉన్నప్పటికీ.. అంతర్జాతీయ క్రికెట్లో నిలకడగా రాణించడం, ఒత్తిడిని ఎదుర్కోవడం, ఆటలో వచ్చే మార్పులకు అనుగుణంగా ఎదగడం అతడి భవిష్యత్తును నిర్ణయించనున్నాయి. అందుకే యువ ఆటగాడిపై అనవసరమైన ఒత్తిడి పెంచకుండా, అతడికి ఎదగడానికి తగిన సమయం ఇవ్వాలని కపిల్ సూచించాడు. ప్రస్తుతం బుడ్డోడు వెస్టిండీస్తో జరుగుతున్న టీ20 సిరీస్లో ఆడుతున్నాడు. సంజు శాంసన్ జట్టులో ఉండడంతో మనోడికి ఈరోజు జరిగే రెండో టీ20లో కూడా చోటు కష్టమే.
తాజావార్తలు
-
Kulgam Gunfight: కుల్గాంలో ఉగ్రవాదులు, భద్రతా బలగాల మధ్య కాల్పులు.. లతీఫ్ భట్ కోసం వేట
-
200MP కెమెరా, AMOLED సెకండరీ డిస్ప్లే, 6,000mAh బ్యాటరీతో Xiaomi 18 Pro లాంచ్..!
-
Russia Plane Crash: రష్యాలో ఘోర విషాదం.. గాల్లోనే అదుపుతప్పిన An-12 విమానం.. 19 మంది బలి
-
200MP+200MP కెమెరాలు, IP66+IP68+IP69 రేటింగ్స్, 7,050mAh బ్యాటరీతో ప్రీమియం ఫోన్ Xiaomi 18 Pro Max లాంచ్..!
-
MS Dhoni IPL Retirement: నా ఆలోచన తప్పు అని ఫాన్స్ నిరూపించారు.. ఎంఎస్ ధోనీ ఎమోషనల్ పోస్ట్!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!