Kulgam Gunfight: కుల్గాంలో ఉగ్రవాదులు, భద్రతా బలగాల మధ్య కాల్పులు.. లతీఫ్ భట్ కోసం వేట
- Follow Us :
-
-
Add as a preferred
source on google
Kulgam Gunfight: జమ్మూకశ్మీర్లో మరోసారి ఉగ్రవాదులు, భద్రతా బలగాల మధ్య ఎదురుకాల్పులు చోటుచేసుకున్నాయి. కుల్గాం జిల్లాలోని జంగల్పోరా అటవీ ప్రాంతంలో ఉగ్రవాదులు ఉన్నారన్న నిఘా వర్గాల సమాచారంతో భద్రతా బలగాలు గాలింపు చర్యలు చేపట్టాయి. ఈ క్రమంలో ఉగ్రవాదులకు, జమ్మూకశ్మీర్ పోలీసులతో కూడిన సంయుక్త బృందానికి మధ్య ఎన్కౌంటర్ ప్రారంభమైంది. లష్కరే తోయిబా (LeT) టాప్ కమాండర్ లతీఫ్ భట్ ఈ ప్రాంతంలో చిక్కుకున్నట్లు సమాచారం రావడంతో అతడి కోసం ప్రత్యేకంగా గాలిస్తున్నారు.
పోలీసు వర్గాల సమాచారం ప్రకారం.. మానవ నిఘా వర్గాల ద్వారా లభించిన సమాచారంతో లతీఫ్ భట్ జంగల్పోరా ప్రాంతంలో ఉన్నట్లు అనుమానిస్తున్నారు. ఇటీవల కుల్గాంలో జరిగిన ఉగ్రదాడి అనంతరం అతడి కోసం భద్రతా బలగాలు గాలింపు చర్యలను ముమ్మరం చేశాయి. తాజాగా ఉగ్రవాదుల కదలికలపై సమాచారం అందడంతో పోలీసులు, భద్రతా బలగాలు సంయుక్తంగా ఆ ప్రాంతాన్ని చుట్టుముట్టాయి. ప్రస్తుతం ఎన్కౌంటర్ కొనసాగుతున్నట్లు సమాచారం. ఆపరేషన్కు సంబంధించిన పూర్తి వివరాలు ఇంకా వెల్లడికావాల్సి ఉంది.
Also Read
- Congress: CJP ఉద్యమాన్ని కాంగ్రెస్ దెబ్బతీసింది.. రాహుల్పై మాజీ మిత్రపక్షం సంచలన విమర్శలు..!
- Viral Video: క్వాడ్ సమావేశంలో జాతీయ జెండాకు గౌరవం.. మోడీ చేసిన పని వైరల్..
- Cyclone Akvan: ఆంధ్రప్రదేశ్ వైపే వరస తుఫానులు.. బంగాళాఖాతంలో అసలేం జరుగుతోంది.?
- Quad Summit: మోడీ ‘‘టఫ్ మ్యాన్’’.. ప్రధానిపై ట్రంప్ ప్రశంసలు!
ఇదిలా ఉండగా.. నవంబర్ 16న కూడా కుల్గాం జిల్లాలో భద్రతా బలగాలు, ఉగ్రవాదుల మధ్య ఎదురుకాల్పులు జరిగాయి. ఈ ఘటనలో ఒక ఉగ్రవాది హతమయ్యాడు. మరో ఉగ్రవాది భద్రతా బలగాల వలయంలో చిక్కుకున్నట్లు వార్తలు వెలువడ్డాయి. జమ్మూకశ్మీర్ పోలీసులు, భద్రతా బలగాలు సంయుక్తంగా ఈ ఆపరేషన్ నిర్వహించాయి. ఇటీవల కుల్గాం ప్రాంతంలో సీఆర్పీఎఫ్ బృందంపై ఉగ్రవాదులు దాడికి పాల్పడ్డారు. ఈ ఘటనలో ముగ్గురు జవాన్లు గాయపడ్డారు. ఈ దాడి అనంతరం భద్రతా బలగాలు అప్రమత్తమై ప్రాంతవ్యాప్తంగా గాలింపు చర్యలు చేపట్టాయి. అనుమానిత ఉగ్రవాదుల కోసం ప్రత్యేక నిఘా ఏర్పాటు చేశాయి.
మరోవైపు ఉత్తర కశ్మీర్లోని బారాముల్లా జిల్లాలో కూడా కలకలం చోటుచేసుకుంది. దుర్హామా ప్రాంతంలోని ఓ తోటలో నీటి పైప్లైన్ పనులు చేపడుతుండగా మూడు తుప్పుపట్టిన లైవ్ హ్యాండ్ గ్రెనేడ్లు బయటపడ్డాయి. వెంటనే అప్రమత్తమైన అధికారులు బాంబు నిర్వీర్య బృందాన్ని అక్కడికి పంపించారు. బాంబు నిర్వీర్య దళం నియంత్రిత పేలుడు ద్వారా ఆ మూడు గ్రెనేడ్లను సురక్షితంగా నిర్వీర్యం చేసింది. దీంతో స్థానికులు ఊపిరి పీల్చుకున్నారు. వరుసగా ఉగ్రవాదుల కదలికలు, దాడుల నేపథ్యంలో జమ్మూకశ్మీర్లో భద్రతా బలగాలు అప్రమత్తంగా వ్యవహరిస్తున్నాయి. సున్నితమైన ప్రాంతాల్లో నిఘాను పెంచడంతో పాటు అనుమానితుల కోసం గాలింపు చర్యలు కొనసాగిస్తున్నాయి.
తాజావార్తలు
-
Kulgam Gunfight: కుల్గాంలో ఉగ్రవాదులు, భద్రతా బలగాల మధ్య కాల్పులు.. లతీఫ్ భట్ కోసం వేట
-
200MP కెమెరా, AMOLED సెకండరీ డిస్ప్లే, 6,000mAh బ్యాటరీతో Xiaomi 18 Pro లాంచ్..!
-
Russia Plane Crash: రష్యాలో ఘోర విషాదం.. గాల్లోనే అదుపుతప్పిన An-12 విమానం.. 19 మంది బలి
-
200MP+200MP కెమెరాలు, IP66+IP68+IP69 రేటింగ్స్, 7,050mAh బ్యాటరీతో ప్రీమియం ఫోన్ Xiaomi 18 Pro Max లాంచ్..!
-
MS Dhoni IPL Retirement: నా ఆలోచన తప్పు అని ఫాన్స్ నిరూపించారు.. ఎంఎస్ ధోనీ ఎమోషనల్ పోస్ట్!
ట్రెండింగ్
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!