KKR Unwanted Record: కేకేఆర్ ఖాతాలో చెత్త రికార్డు.. కోల్‌కతా చరిత్రలోనే..!

ఐపీఎల్ 2026లో కోల్‌కతా నైట్‌ రైడర్స్‌ (కేకేఆర్)కు నిరీక్షణ ఇంకా తప్పడం లేదు. లీగ్ దశలో దాదాపుగా సగం మ్యాచ్‌లు పూర్తికావొచ్చినా.. ఇప్పటివరకు గెలుపు రుచి చూడలేదు. ఈ సీజన్లో ఇప్పటివరకు ఆరు మ్యాచ్‌లు ఆడినా.. విజయం లేని ఏకైక జట్టు కోల్‌కతానే కావడం గమనార్హం. కేకేఆర్ జట్టుకు ఐపీఎల్‌ 2026లో వరుస ఓటములు పెద్ద సమస్యగా మారాయి. ఈ నేథ్యంలోనే అత్యంత చెత్త రికార్డును ఖాతాలో వేసుకుంది. ఐపీఎల్‌లో కోల్‌కతా సుదీర్ఘ ఓటమి పరంపరను మరోసారి కొనసాగిస్తోంది.

ప్రస్తుత సీజన్ (2025-26)లో కేకేఆర్ ఇప్పటికే వరుసగా 7 మ్యాచ్‌లు ఓడిపోయి.. కోల్‌కతా చరిత్రలో రెండో అతిపెద్ద లూజింగ్ స్ట్రీక్‌ను నమోదు చేసింది. గతంలో 2009 సీజన్‌లో కేకేఆర్ 9 వరుస ఓటములతో అత్యంత చెత్త రికార్డును సొంతం చేసుకుంది. 2019లో 6 మ్యాచ్‌లు, 2022లో 5 మ్యాచ్‌లు వరుసగా ఓడిన సందర్భాలు కూడా ఉన్నాయి. అయితే ప్రస్తుత ఫామ్‌ను పరిశీలిస్తే.. జట్టు ప్రదర్శన అభిమానులను ఆందోళనకు గురి చేస్తోంది. కీలక సమయంలో మ్యాచ్‌లను గెలవలేకపోవడం, బ్యాటింగ్-బౌలింగ్ విభాగాల్లో నిలకడ లేకపోవడం ఈ పరిస్థితికి కారణం.

మరోవైపు గుజరాత్‌ టైటాన్స్‌ (జీటీ)తో జరిగిన హెడ్-టు-హెడ్ రికార్డులో కూడా కేకేఆర్ పూర్తిగా వెనుకబడి ఉంది. ఇప్పటివరకు 5 మ్యాచ్‌లలో గుజరాత్ 4 మ్యాచ్‌లు గెలిచి ఆధిపత్యం చాటింది. ఇది కేకేఆర్‌కు మరో ప్రతికూల అంశంగా మారింది. ప్రస్తుత పరిస్థితుల్లో కేకేఆర్ త్వరగా గాడిన పడాల్సిన అవసరం ఉంది. లేకపోతే ఈ లూజింగ్ స్ట్రీక్ మరింత పెరిగే ప్రమాదం ఉంది. అంతేకాదు లీగ్ దశ నుంచి ఇంటిదారి కూడా పట్టనుంది. కోల్‌కతా ఇప్పటికైనా గెలుపు బాట పడుతుందా? లేదా ఓటముల పరంపరను కొనసాగిస్తుందా అన్నది చూడాలి.