IND vs ENG: మ్యాచ్ రద్దు.. భారత్ బ్యాటింగ్లో కనిపించిన కీలక లోపాలు
- Follow Us :
-
-
Add as a preferred
source on google
IND vs ENG: భారత్–ఇంగ్లాండ్ మధ్య ఐదు మ్యాచ్ల టీ20 సిరీస్లో తొలి మ్యాచ్ వర్షం కారణంగా రద్దు అయ్యింది.. చెస్టర్-లె-స్ట్రీట్ వేదికగా జరిగిన ఈ మ్యాచ్లో భారత్ ముందుగా బ్యాటింగ్ చేసి 20 ఓవర్లలో 7 వికెట్ల నష్టానికి 189 పరుగులు చేసింది. అయితే, ఇంగ్లాండ్ ఇన్నింగ్స్ ప్రారంభం కాకముందే ఎడతెరిపి లేకుండా వర్షం తగులుకోవడంతో మ్యాచ్ను రద్దు చేస్తున్నట్టు ప్రకటించారు.. టీమిండియా ఇన్నింగ్స్లో కెప్టెన్ శ్రేయస్ అయ్యర్ 68 పరుగులతో అద్భుతంగా రాణించగా, అభిషేక్ శర్మ 59 పరుగులతో దూకుడైన ఇన్నింగ్స్ ఆడాడు. ఇక, చివర్లో శివమ్ దూబే కేవలం 21 బంతుల్లో అజేయంగా 42 పరుగులు చేసి జట్టు స్కోరును 189కు చేర్చాడు. అభిషేక్–శ్రేయస్ మూడో వికెట్కు 82 పరుగుల భాగస్వామ్యం నెలకొల్పి ఇన్నింగ్స్కు బలమైన పునాది వేశారు.
టీమిండియా 189 పరుగుల గౌరవప్రధమైన స్కోర్ చేసినా.. ఈ ఇన్నింగ్స్లో టీమ్ ఇండియా బ్యాటింగ్లో కొన్ని బలహీనతలు మరోసారి వెలుగులోకి వచ్చాయి. సంజు శాంసన్, ఇషాన్ కిషన్ తక్కువ స్కోర్లకే అవుట్ కావడంతో ఓపెనింగ్ జోడీపై ప్రశ్నలు తలెత్తాయి. వరుసగా రెండో మ్యాచ్లోనూ ఇషాన్ కిషన్ రనౌట్ కావడం ఆందోళన కలిగించింది. అభిషేక్ శర్మ అవుటైన తర్వాత మధ్య ఓవర్లలో పరుగుల వేగం తగ్గడం కూడా జట్టుకు ప్రతికూలంగా మారింది.
Also Read
- Yuzvendra Chahal Creates History: చరిత్ర సృష్టించిన చాహల్... టీ20 హిస్టరీలో ఒకే ఒక్కడు..!
- Shreyas Iyer: అత్యంత చెత్త రికార్డు..! కోహ్లీ, గిల్ సరసన శ్రేయస్ అయ్యర్!
- Cristiano Ronaldo Retirement: అంతర్జాతీయ ఫుట్బాల్కు రొనాల్డో గుడ్బై..! ఎమోషనల్ వీడియో విడుదల..
- PV Sindhu Creates History : హైలో ఓపెన్లో సింధు చరిత్ర.. తొలి భారతీయ మహిళగా అరుదైన ఘనత
తిలక్ వర్మ 13 బంతుల్లో 13 పరుగులే చేయడంతో మధ్య ఓవర్లలో వేగం పెంచలేకపోయాడు. అలాగే అక్షర్ పటేల్ కంటే ముందుగా హర్షిత్ రాణాను బ్యాటింగ్కు పంపిన వ్యూహం కూడా ఫలించలేదు. దీంతో టాప్ ఆర్డర్ స్థిరత్వం, మధ్య ఓవర్లలో రన్రేట్, రనౌట్లు, బ్యాటింగ్ క్రమం వంటి అంశాలు టీమ్ ఇండియాకు సవాలుగా మారాయి. ఇప్పుడు ఇరు జట్ల మధ్య రెండో టీ20 మ్యాచ్ జూలై 4న మాంచెస్టర్లో జరగనుంది. తొలి మ్యాచ్ ఫలితం తేలకపోవడంతో ఈ పోరు సిరీస్లో కీలకంగా మారనుంది. టీమ్ ఇండియా తన బలహీనతలను సరిదిద్దుకుని విజయంతో సిరీస్లో ఆధిక్యం సాధించాలని లక్ష్యంగా పెట్టుకుంది.
తొలి టీ20లో టీమ్ ఇండియా 5 ప్రధాన బలహీనతలు
* ఓపెనింగ్ ఆందోళనలు కొనసాగుతున్నాయి: సంజు శాంసన్, ఇషాన్ కిషన్ మరోసారి త్వరగా అవుటవ్వడంతో టాప్ ఆర్డర్లో అస్థిరత బయటపడింది.
* మధ్య ఓవర్లలో నెమ్మదైన బ్యాటింగ్: అభిషేక్ అవుటైన తర్వాత, 8వ నుంచి 14వ ఓవర్ల మధ్య పరుగులు చేసే వేగం గణనీయంగా తగ్గిపోయింది.
* రనౌట్ సమస్య: ఒక అపార్థం కారణంగా ఇషాన్ కిషన్ వరుసగా రెండో మ్యాచ్లోనూ రనౌట్ కావడం జట్టుకు ఆందోళన కలిగించే విషయం.
* తిలక్ వర్మ నెమ్మది బ్యాటింగ్: తిలక్ వర్మ ఈ ఫార్మాట్ నెమ్మదిగా బ్యాటింగ్ చేసి, 13 బంతుల్లో 13 పరుగులు చేయడం..
* లోయర్-ఆర్డర్ ప్రయోగం: గౌతమ్ గంభీర్ ప్రత్యేక ఆటగాడైన హర్షిత్ రాణాను ఈ మ్యాచ్లో అక్షర్ పటేల్ కంటే ముందుగా బ్యాటింగ్కు పంపారు. అతని స్థానంలో అక్షర్ను పంపించి ఉండాల్సింది, కానీ హర్షిత్ కేవలం రెండు బంతులు ఆడి 0 పరుగులకే ఔటయ్యాడు.
తాజావార్తలు
-
Story Board : రాయితీలు తీసుకుంటూ ఉద్యోగాలు ఎందుకు ఇవ్వరు?
-
Koti Deepotsavam 2026 : కోటి దీపోత్సవంలో అద్భుత ఘట్టం.. వైభవంగా తులసీ దామోదర కల్యాణం.!
-
Yuzvendra Chahal: రాజకీయాల్లోకి అడుగుపెట్టిన భారత క్రికెటర్ యుజ్వేంద్ర చాహల్.. కీలక బాధ్యతలు అప్పగింత..
-
Asaduddin Owaisi : ఒవైసీకి పోలీసుల గౌరవ వందనం.. అసలు ట్విస్ట్ ఇదే.!
-
OTR: రాజాం మున్సిపాలిటీలో జనసేనకు సొంత పార్టీ సెగ.. టీడీపీ నేతల అలక
ట్రెండింగ్
-
Microwave Cleaning Hacks : ఓవెన్లో మొండి మరకలా బెడదా.?.. 5 నిమిషాల ట్రిక్తో క్లీనింగ్ ఈజీ
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!