ఫుట్‌బాల్ స్టార్ ప్లేయర్ మెస్సీకి కరోనా పాజిటివ్

అర్జెంటీనాకు చెందిన పుట్‌బాల్ స్టార్ ఆటగాడు లియోనల్ మెస్సీ కరోనా బారిన పడ్డాడు. మెస్సీతో పాటు మరో ముగ్గురు ఆటగాళ్లకు కూడా కరోనా సోకినట్లు సమాచారం అందుతోంది. జర్మన్ క్లబ్ పీఎస్‌జీ తరఫున ఆడుతున్న మెస్సీ ప్రస్తుతం ఫ్రాన్స్‌లో జరుగుతున్న ఫ్రెంచ్ కప్‌లో ఆడుతున్నాడు. సోమవారం వాన్నెస్ జట్టుతో పీఎస్‌జీ జట్టు తలపడాల్సి ఉంది. అయితే మెస్సీ కరోనా వైరస్ బారిన పడటంతో ఆ జట్టు ఆందోళనకు గురవుతోంది. ప్రస్తుతం మెస్సీ సెల్ఫ్ ఐసోలేషన్‌లో చికిత్స పొందుతున్నాడు.

Read Also: వైరల్: బైకుపై హీరో లెవల్లో గన్‌తో… కట్ చేస్తే…!

మెస్సీతో పాటు కరోనా సోకిన ముగ్గురు ఆటగాళ్లు కూడా సెల్ఫ్ ఐసోలేషన్‌లోకి వెళ్లిపోయారు. ఇప్పటివరకు ఫ్రెంచ్ కప్‌లో మొత్తం 11 లీగ్ మ్యాచ్‌లు ఆడిన లియోనల్ మెస్సీ కేవలం ఒకే ఒక్క గోల్ మాత్రమే చేశాడు. కాగా ఫ్రాన్స్‌లో గడిచిన 24 గంటల వ్యవధిలో 2,19,126 కరోనా కేసులు నమోదయ్యాయి. ఆ దేశంలో వరుసగా నాలుగు రోజుల నుంచి రెండు లక్షలకు పైగా కరోనా కేసులు నమోదవుతున్నాయి.