OTR : ఒక్క నియామకం… అనేక సమస్యలకు చెక్! రేవంత్ రెడ్డి వ్యూహం ఏంటి?
- Follow Us :
-
-
Add as a preferred
source on google
తెలంగాణ సీఎం రేవంత్ రెడ్డి… వన్ షాట్, మెనీ బర్డ్స్ అన్నట్టుగా వ్యవహరించారా? ఒకే ఒక్క పోస్టింగ్తో చాలా సమస్యలకు చెక్ పెట్టేలా ప్లాన్ చేశారా? ఇప్పుడున్న అనేక ఇబ్బందులకు సర్వరోగ నివారిణి అదేనని నమ్మారా? అసలు ఏంటి ఆయన వ్యూహం? ఏ నియామకంతో ఎలాంటి సమస్యలకు చెక్ పెట్టాలనుకుంటున్నారు? తెలంగాణ ప్రభుత్వ ప్రధాన కార్యదర్శిగా సంజయ్ జాజు నియామకం చుట్టూ ఆసక్తికరమైన చర్చలు జరుగుతున్నాయి. సీఎం రేవంత్ ఆయన్ని వ్యూహాత్మకంగా నియమించారా..? అన్న పాయింట్ చుట్టూనే డిస్కషన్స్ నడుస్తున్నాయి. తదుపరి సీఎస్ ఎవరంటూ… ఇన్నాళ్ళు ఇక్కడున్న అధికారుల చుట్టూతే మాటలు నడుస్తుంటే… ఎవ్వరూ ఊహించని విధంగా ఢిల్లీ నుంచి తెచ్చుకోవడం ఏంటంటూ సచివాలయ వర్గాలు సైతం ఆరా తీస్తున్నాయట. దాని వెనక సీఎం వ్యూహం ఏంటన్నది ఎవరికీ అంతు చిక్కడంలేదు. అసలు… కేంద్ర సర్వీసులో ఉన్న సంజయ్ జాజును తెలంగాణకు రప్పించే వరకు కూడా వ్యవహారం అంతా గుట్టుచప్పుడు కాకుండా జరిగిపోయింది. ఆ వ్యవహారం అలా ఉంటే…కొత్త సీఎస్ నియామకంతో చాలా సమస్యలకు చెక్ పెట్టినట్టు అవుతుందన్న ఆలోచన ప్రభుత్వ పెద్దలకు ఉన్నట్టు తెలుస్తోంది. ప్రధానంగా…సచివాలయం నుంచి జరిగే లీకులకు బ్రేకులు పడబోతున్నాయని అంటున్నారు. ప్రభుత్వ ఆలోచనలు అమలులోకి రాకముందే… ప్రతిపాదన దశలోనే బయటకు వచ్చి ప్రతిపక్షాలకు అస్త్రాలుగా మారిన సందర్భాలున్నాయి.
దీంతో… రాజకీయంగా కూడా ఇబ్బంది పడ్డారు సర్కార్ పెద్దలు. ప్రత్యర్ధి పార్టీతో సన్నిహిత సంబంధాలు ఉన్న అధికారుల వల్లే కీలకమైన సమాచారం లీక్ అవుతున్నాయనే ఫీలింగ్ చాలా మంది మంత్రుల్లో సైతం ఉంది.. దీంతో లోకల్ లింక్లు లేకుండా ఢిల్లీ నుంచి రప్పించుకుంటే లీకేజీల బెడద పోతుందని భావిస్తున్నట్టు సమాచారం. ప్రధానంగా అప్పగించిన పనిని కమిట్మెంట్తో, వేగంగా
పూర్తి చేస్తారనే పేరుంది సంజయ్ జాజుకి. ఆయన స్టేట్లోకి ఎంటరవక ముందే పని మొదలుపెట్టారన్నది ఇంటర్నల్ టాక్. మూసీ రివర్ ఫ్రంట్ కోసం తమ భూముల్ని అప్పగించేందుకు ఇటీవల రక్షణ శాఖ అంగీకరించింది. అందులో జాజు కీలక పాత్ర పోషించారని సమాచారం. కేంద్ర సర్వీసులో పని చేయడం వల్ల అక్కడున్న పరిచయాలతో తెలంగాణకు రావాల్సిన నిధుల్ని రప్పించడం, కేంద్రంతో జరపాల్సిన సంప్రదింపుల్లాంటి అంశాల్లో కలిసి వస్తుందనే భావన కూడా ప్రభుత్వానికి ఉంది. చీఫ్ సెక్రెటరీగా అన్ని శాఖలను సమన్వయం చేయడంతో పాటు.. పెండింగ్ పనుల్లో వేగం పెంచడం…లీకేజీల కట్టడి కూడా దోహదపడతారనే ఆలోచన ప్రభుత్వ పెద్దలకు ఉందట. అలాగే… జిల్లా కలెక్టర్లను పరుగులు పెట్టించి పనులు చేయిస్తారన్న భరోసా కూడా ఉందని చెబుతున్నారు. రేవంత్ సర్కార్కు రాబోయే రెండున్నరేళ్ళు చాలా కీలకం. ఆయన ఆలోచనలకు అనుగుణంగా ప్రభుత్వ పథకాలు…అడ్మినిస్ట్రేషన్ పరమైన స్పీడ్ పెరగాల్సి ఉంది. ఇలాంటి రకరకాల సమస్యల్ని ఒక్క CS నియామకం తో క్లియర్ చేసుకున్నారనే అభిప్రాయం ఉంది రాజకీయవర్గాల్లో. అలాగే సంజయ్ జాజు 2029 వరకు సర్వీసులో ఉంటారు. దీంతో గ్యాప్లు కూడా ఎక్కడా ఉండకుండా చూసుకునే వెసులుబాటు ఆయనకు ఉంటుందనే ఆలోచన కూడా ముఖ్యమంత్రికి ఉన్నట్టు తెలిసింది. ఒక్క దెబ్బకు రెండు పిట్టలు అన్నది మామూలేగానీ…ఒకే దెబ్బకు చాలా పిట్టలన్నది తాజా పరిణామం అంటున్నారు. వోవరాల్గా ఒక్క పోస్టింగ్తో సీఎం రేవంత్ చాలా సమస్యలకు పరిష్కార మార్గం కనుగొన్నారన్నది తెలంగాణ పొలిటికల్ టాక్.
Also Read
- OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
- OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
- OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
- OTR: తన బయోపిక్ పక్కన పెట్టి సోనియా గాంధీపై సినిమా? జగ్గారెడ్డి ప్లాన్ ఏంటి?
- Tags
- CS Sanjay Jaju
- NTV Telugu
- OTR
తాజావార్తలు
-
CM Revanth Reddy: రాహుల్ గాంధీ మాట ఇస్తే మట్టిలో కలిసినా తప్పరు.. గిగ్ వర్కర్ల సభలో సీఎం రేవంత్రెడ్డి
-
Trump Asia Tour: చైనాలో ఒకే వేదికపై ట్రంప్, జిన్పింగ్, పుతిన్.. తొలిసారి చరిత్రాత్మక భేటీ!
-
Rahul Gandhi: రాహుల్ గాంధీ నా స్కూటీ ఎక్కడం మర్చిపోలేని అనుభూతి.. మహిళా గిగ్ వర్కర్ ఫుల్ ఖుషి
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
Palak Paneer Pakoda Recipe: ఇంట్లోనే సింపుల్గా పాలక్ పనీర్ పకోడాలు.. తయారీ విధానం ఇదిగో!
ట్రెండింగ్
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!
-
Matt Henry: భారత్ను మడతెట్టెస్తున్న మాట్ హెన్రీ.. ఇది మూడోసారి.. ఏకంగా 8 వికెట్స్!