సూపర్ స్టార్ మహేష్ బాబు హీరోగా రాజమౌళి దర్శకత్వంలో ఒక సినిమా చేస్తున్న సంగతి తెలిసిందే. ఎస్ఎస్ఎంబి 29 పేరుతో ప్రస్తావించబడుతున్న ఈ సినిమాకి సంబంధించి ఇప్పటికే గ్రాండ్ ఓపెనింగ్ కూడా జరిగింది. ఇక ఈ సినిమాకి సంబంధించిన షూటింగ్ సైలెంటుగా జరుగుతున్నట్లుగా తెలుస్తోంది. ఈ విషయాన్ని బయటకు రానీయకుండా టీం చాలా జాగ్రత్తలు తీసుకుంటుంది. హైదరాబాద్ అల్యూమినియం ఫ్యాక్టరీలో నిర్మించిన ప్రత్యేకమైన సెట్స్ లో ఈ సినిమా షూటింగ్ జరుగుతున్నట్లుగా తెలుస్తోంది. మహేష్ బాబు ప్రియాంక చోప్రా సహా బాలీవుడ్ హీరో జాన్ అబ్రహం మీద ప్రస్తుతానికి సీన్స్ షూట్ చేస్తున్నట్లుగా తెలుస్తోంది.
Tollywood : టాలీవుడ్ లో విషాదం.. ప్రముఖ నిర్మాత మృతి
ఇప్పటికే సినిమా కథకు సంబంధించి కీలక వివరాలు బయటకు రానీయకుండా రాజమౌళి అనేక జాగ్రత్తలు తీసుకున్నారు. తన కోర్ టీం తో కూడా నాన్ డిస్క్లోజర్ అగ్రిమెంట్లు చేయించారు. అలాగే అసలు షూట్ సెట్ లోపలికి ఫోన్లు అలో చేయకుండా చాలా కట్టుదిట్టమైన ఏర్పాట్ల మధ్య షూటింగ్ జరుపుతున్నట్లుగా తెలుస్తోంది.. ఈ సినిమా కథ ఇండియానా జోన్స్ తరహాలో ఉండబోతుందని దాన్ని అందించిన విజయేంద్ర ప్రసాద్ పలు సందర్భాలలో వెల్లడించారు. అంతే తప్ప సినిమాకి సంబంధించి ఎలాంటి వివరాలు బయటకు రాలేదు. ఈ సినిమాతో ఏకంగా హాలీవుడ్ ని టార్గెట్ చేయబోతున్నట్లుగా తెలుస్తోంది. కేఎల్ నారాయణ ఎప్పుడో కొన్నేళ్ల క్రితం ఇచ్చిన అడ్వాన్స్ కోసం రాజమౌళి ఆయన నిర్మాతగా ఈ సినిమా చేస్తున్నారు.