నందమూరి బాలకృష్ణ హీరోగా, బోయపాటి శ్రీను దర్శకత్వంలో ‘అఖండ’ (తాండవం కాదు) అనే సినిమా రూపొందిన సంగతి తెలిసిందే. ఈ సినిమా ఎప్పుడో విడుదల కావాల్సి ఉంది కానీ, పలు కారణాలతో వాయిదా పడి ఎట్టకేలకు డిసెంబర్ 12వ తేదీ ప్రేక్షకుల ముందుకు వచ్చింది. సినిమా మొదటి ఆట నుంచి మంచి పాజిటివ్ టాక్ దక్కించుకుంది. అయితే, ఈ సినిమా లాజిక్స్కు అందకుండా ఉందని కొంత నెగటివ్ ప్రచారం అయితే సోషల్ మీడియాలో జరిగింది. తాజాగా, మీడియా ప్రతినిధులతో మాట్లాడిన బోయపాటి శ్రీను ఈ అంశం మీద స్పందించారు.
Also Read:Akhanda 3: శంబాల నుంచి మొదలు.. అఖండ 3 లీక్ ఇచ్చేసిన బోయపాటి
ఆయన మాట్లాడుతూ, తాను ఈ సినిమాలో అన్ని లాజిక్ ప్రకారం ఉండేలా చూసుకున్నానని అన్నారు. వాస్తవానికి ఏ అంశాన్ని అయినా విభేదించగల వారు ఎక్కడైనా ఉంటారని ఆయన అన్నారు. ఒక విషయం ఒకరికి నచ్చవచ్చు, ఒకరికి నచ్చకపోవచ్చు. కానీ, నేను మాత్రం పర్ఫెక్ట్ లాజిక్స్తోనే సినిమా రాసుకున్నాను.
Also Read:Rakul Preet Singh : ప్లాస్టిక్ సర్జరీ అంటూ ప్రచారం.. రకుల్ స్ట్రాంగ్ కౌంటర్
ఒక అష్టసిద్ధి సాధన సుమారు 14 నుంచి 16 సంవత్సరాల పాటు సాగుతుందని, అది చేసిన తర్వాత ఆ సాధన చేసిన వారికి మానవాతీత శక్తులు వస్తాయని ఆయన అన్నారు. అలాగే, ఈ సినిమాలో కూడా అఖండ అష్టసిద్ధి సాధన చేశాక, ఆయన చేయి తగిలితేనే శవాలు లేచేలా పరిస్థితి ఉంటుందని తాను ముందుగానే హింట్ ఇచ్చానని అన్నారు. ఈ విషయాన్ని అర్థం చేసుకోకుండా ట్రోల్ చేసే వాళ్ళు చేస్తున్నారని అన్నారు. తాను ఈ సినిమా లాజిక్స్ విషయంలో ఎక్కడా పొరపాటు చేయలేదని ఈ సందర్భంగా ఆయన కామెంట్ చేశారు.
