Anchor Charmila Exclusive Interview : హీరోయిన్ ఆఫర్’కి నో, డబ్బింగ్ ఆర్టిస్ట్ అవ్వాలనుకున్నా..విజయవాడ ఆర్జే to టాలీవుడ్ సెన్సేషన్!
- Follow Us :
-
-
Add as a preferred
source on google
సినిమా ఈవెంట్లకు యాంకరింగ్ చేయడం అంత సులువైన పనేమీ కాదు, ఒకరకంగా కత్తి మీద సాము లాంటి విషయమే. కానీ, ఈ మధ్యకాలంలో లీడింగ్ యాంకర్స్ తో పాటు ఒక కొత్త ముఖం ప్రేక్షకులను ఆకట్టుకుంటోంది. ఏకంగా స్టార్ ప్రొడ్యూసర్ అల్లు అరవింద్, స్టార్ ప్రొడ్యూసర్ కం డైరెక్టర్ ఎమ్.ఎస్. రాజు సైతం ఆమెను తమ సినిమాల్లో హీరోయిన్ గా నటిస్తావా అని అడిగేంతగా, ఆమె ఇప్పుడు వరుస ఈవెంట్లతో దూసుకుపోతోంది. అందం మాత్రమే కాదు, సినిమా ఈవెంట్లను హ్యాండిల్ చేయగల స్పాంటేనిటీ ఆమె సొంతం. ఇప్పుడు ఇదంతా ఎవరి గురించి చెప్తున్నామో ఇప్పటికే మీకు అర్థమైపోయి ఉంటుంది. ఆమె ఇంకెవరో కాదు, చర్మిల నల్లూరి. ఒక్కసారిగా తెలుగు యువత మోస్ట్ ఫేవరెట్ పర్సన్ గా మారిపోయిన ఆమెను ఎన్టీవీ వెబ్ ప్రత్యేకంగా ఇంటర్వ్యూ చేసింది. ఈ సందర్భంగా ఆమె తన నేపథ్యం, తన మనసులో మాటలు ఎన్టీవీతో పంచుకున్నారు.
Q. హాయ్ చర్మిల, మీ నేపథ్యం ఏమిటి? ఎక్కడ పుట్టారు? ఏం చదువుకున్నారు?
A. నేను పుట్టి పెరిగింది అంతా విజయవాడలోనే. కేఎల్ యూనివర్సిటీలో కంప్యూటర్ సైన్స్ లో బీటెక్ చేశాను.
Also Read
Q. అసలు ఈ యాంకరింగ్ వైపు ఆసక్తి ఎలా కలిగింది?
A. నేను యాంకరింగ్ చేయడం కన్నా ముందు విజయవాడ రెడ్ ఎఫ్ఎమ్ లో RJగా పనిచేశాను. అక్కడ పనిచేస్తున్న సమయంలో చాయ్ బిస్కెట్ కంపెనీ నన్ను అప్రోచ్ అయింది. వాళ్లు తాము సిద్ధం చేసిన కొత్త యాప్ లాంచ్ ఈవెంట్ కి నన్ను హోస్ట్ గా వ్యవహరించమని అడిగారు. అలా నా యాంకరింగ్ ప్రస్థానం మొదలైంది.
Q. అయితే అసలు ఆర్జే అవ్వాలి అని ఎలా అనిపించింది?
A. నిజానికి బీటెక్ అయ్యాక నాకు ఒక సాఫ్ట్ వేర్ కంపెనీలో ఉద్యోగం వచ్చింది. కాకపోతే ఉద్యోగ జాయినింగ్ కి ఇంకా టైమ్ ఉంది. సాఫ్ట్ వేర్ జాబ్ వచ్చిన సమయంలోనే రెడ్ ఎఫ్ఎమ్ లో కూడా అవకాశం వచ్చింది. ఎలాగో ఖాళీగానే ఉన్నాను కదా అనే ఉద్దేశంతో ఆర్జేగా వర్క్ మొదలుపెట్టాను. అలా అనుకోకుండా RJ అయ్యాను.
Q. మీరు చేసిన ఫస్ట్ సినిమా ఈవెంట్ ఏంటి?
A. నేను చేసిన ఫస్ట్ సినిమా ఈవెంట్ ‘రావు బహదూర్’ సాంగ్ లాంచ్ ఈవెంట్. ఆ రోజు నేను హోస్ట్ చేసిన కార్యక్రమానికి, నా హోస్టింగ్ కి మంచి ప్రశంసలు దక్కాయి. ఆ తరువాత వరుసగా సినిమా ఈవెంట్లకు అవకాశాలు రావడం మొదలైంది. అలా నేను ఫిబ్రవరిలో హైదరాబాద్ షిఫ్ట్ అయ్యాను. ఆ తరువాత వెనక్కి తిరిగి చూసుకోకుండా వరుస అవకాశాలు వస్తున్నాయి.
Q. మిమ్మల్ని అల్లు అరవింద్ హీరోయిన్ లా ఉన్నారని అన్నారు, MS రాజు ఏకంగా అవకాశం ఇస్తానని అన్నారు. మీకు సినిమాల్లో నటించే ఉద్దేశం ఉందా?
A. లేదండి, నాకు సినిమాల్లో నటించే ఉద్దేశం లేదు. నాకు నటన మీద పెద్దగా ఆసక్తి లేదు, మా తల్లిదండ్రులకు కూడా నేను నటించడం ఇష్టం లేదు. వారి మాట మీరి నేను నటన వైపు అడుగులు వేయాలనుకోవడం లేదు. యాంకరింగ్ లోనే మరింత పైస్థాయికి వెళ్లాలని అనుకుంటున్నాను. నాకు డబ్బింగ్ మీద ఆసక్తి ఉండేది, డబ్బింగ్ ఆర్టిస్ట్ అవ్వలనుకున్నాను. కానీ ఇప్పుడు యాంకరింగ్ మీదనే ఫోకస్ అంతా ఉంది.
Q. చాలా తక్కువ సమయంలోనే మీకు ఇండస్ట్రీ నుంచి, ప్రేక్షకుల నుంచి మంచి ప్రేమ లభిస్తుంది, దీనిపై ఏమనిపిస్తుంది?
A. ఎంతోమంది ఎంతో ప్రయత్నం చేసినా దొరకని అదృష్టం ఇది. నేనైతే అటు ఆడియన్స్ కి చాలా రుణపడిపోయి ఉన్నాను. నా నుంచి ఏమీ ఆశించకుండా వాళ్లు నా మీద అన్ కండిషనల్ లవ్ చూపిస్తున్నారు, వాళ్లకి జీవితాంతం రుణపడి ఉంటాను. అలానే అల్లు అరవింద్ గారు, MS రాజు గారు నా గురించి మాట్లాడిన మాటలు వారి గొప్పతనానికి నిదర్శనం. ఎలాంటి సినిమా బ్యాక్ గ్రౌండ్ లేకుండా ఉన్న నన్ను వాళ్లు అంత ఎంకరేజింగ్ గా మాట్లాడటం కచ్చితంగా వాళ్ల గొప్పతనమే.
ఆల్ ది బెస్ట్ చర్మిల
థ్యాంక్యూ
తాజావార్తలు
-
Koti Deepotsavam 2026 Day-1 Live: కైలాసాన్ని తలపించే వేదిక.. కోటి దీపోత్సవంలో తొలిరోజు విశేషాలివే.!
-
Rahul Gandhi : ఫాసిస్టు శక్తులను తరిమికొడతాం.. హైదరాబాద్ వేదికగా రాహుల్ గాంధీ పిలుపు
-
#AA23 బిజినెస్ లెక్కలు.. వైరల్ అవుతున్న బన్నీ, లోకేష్, మైత్రీ డీల్?
-
Vigilance Raids: అక్రమ నిల్వలు, బ్లాక్ మార్కెటింగ్పై ఏపీ ప్రభుత్వం ఉక్కుపాదం.. రూ. 10.43 కోట్ల సరుకు స్వాధీనం..
-
SP-Congress Alliance: 200కు పైగా సీట్లు కోరుతున్న కాంగ్రెస్.. నవంబర్ 17న అఖిలేశ్తో కీలక భేటీ!
-
Mississippi River Accident : మిసిసిపీ నదిలో పెను ప్రమాదం.. క్రూయిజ్ షిప్ను ఢీకొట్టిన ట్యాంకర్
ట్రెండింగ్
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!