Toxic: అఫీషియల్.. ‘టాక్సిక్’ రిలీజ్ వాయిదా..

రాకింగ్ స్టార్ యశ్ అభిమానులకు ఇది ఒక చేదు వార్త. జూన్ 4, 2026న గ్రాండ్ గా విడుదల కావాల్సిన ‘టాక్సిక్: ఏ ఫెయిరీ టేల్ ఫర్ గ్రోన్ అప్స్’ సినిమాను మేకర్స్ వాయిదా వేశారు. ఈ విషయాన్ని యశ్ స్వయంగా ఒక ఎమోషనల్ లెటర్ ద్వారా సోషల్ మీడియాలో పంచుకున్నారు. ఇటీవల జరిగిన సినిమాకాన్ (CinemaCon)లో ‘టాక్సిక్’ కి వచ్చిన భారీ రెస్పాన్స్ చూసి యశ్ టీమ్ ఆశ్చర్యపోయిందట. ఈ సినిమాకు గ్లోబల్ మార్కెట్ లో ఉన్న పొటెన్షియల్ ను దృష్టిలో ఉంచుకుని, ప్రపంచవ్యాప్తంగా ఒకేసారి పెద్ద ఎత్తున విడుదల చేయాలని నిర్ణయించారు.

అందుకని అంతర్జాతీయ స్థాయిలో పెద్ద సంస్థలతో డిస్ట్రిబ్యూషన్ ఒప్పందాలు చేసుకోవడానికి, గ్లోబల్ రిలీజ్ టైమ్‌లైన్‌ను పర్ఫెక్ట్‌గా ప్లాన్ చేయడానికి మరికొంత సమయం అవసరమని యశ్ తెలిపారు. “భారతీయ సినిమా గ్లోబల్ స్టేజ్ పై గర్వపడేలా ఉండాలనే ఉద్దేశంతోనే ఈ నిర్ణయం తీసుకున్నాం” అని యశ్ తన లేఖలో పేర్కొన్నారు. అలాగే సినిమా షూటింగ్ పూర్తయిందని, అవుట్ పుట్ విషయంలో ఎంతో కాన్ఫిడెంట్‌గా ఉన్నామని యశ్ స్పష్టం చేశారు. “కొన్ని కథలు ప్రయాణాలు ఓపికను కోరుతాయి. మీరు సెలబ్రేట్ చేసుకునే గొప్ప సినిమాను అందిస్తామని ప్రామిస్ చేస్తున్నాను” అంటూ అభిమానులను ఓపిక పట్టాల్సిందిగా కోరారు. కొత్త రిలీజ్ డేట్ ను త్వరలోనే అధికారికంగా ప్రకటించనున్నారు.

 

pic.twitter.com/X0i6RAeDgD

— Yash (@TheNameIsYash) April 29, 2026