Woman Suicide: బ్యూటీపార్లర్‌కు వెళ్లనివ్వడం లేదని భార్య ఆత్మహత్య

Woman Suicide: ఈ రోజుల్లో చిన్నచిన్న విషయాలకే మనస్తాపం చెంది తమ ప్రాణాలను తీసుకుంటున్నారు. అలాంటి ఘటనే మధ్యప్రదేశ్‌లోని ఇండోర్‌లో చేటుచేసుకుంది. బ్యూటీపార్లర్‌కు వెళ్లకుండా తన భర్త అడ్డుకున్నందుకు ఓ మహిళ(34) ఉరేసుకుని ఆత్మహత్యకు పాల్పడింది. ఇండోర్‌లో 34 ఏళ్ల మహిళ బ్యూటీపార్లర్‌కు వెళ్లకుండా భర్త అడ్డుకోవడంతో ఆత్మహత్యకు పాల్పడినట్లు పోలీసు అధికారి శుక్రవారం తెలిపారు.గురువారం నగరంలోని స్కీమ్ నంబర్ 51 ప్రాంతంలోని తన ఇంట్లో మహిళ ఉరివేసుకుని ఆత్మహత్యకు పాల్పడిందని సబ్ ఇన్‌స్పెక్టర్ ఉమాశంకర్ యాదవ్ వెల్లడించారు. “ఆమెను బ్యూటీపార్లర్‌కు వెళ్లకుండా అడ్డుకున్నాడని, ఆవేశంతో ఫ్యాన్‌కు ఉరివేసుకుని చనిపోయిందని ఆమె భర్త మాకు చెప్పాడు. పోస్ట్‌మార్టం నిర్వహించి కేసును అన్ని కోణాల్లోనూ విచారిస్తున్నాం” అని యాదవ్ తెలిపారు.

Read Also: Shocking incident: కన్నతండ్రి కర్కషం.. ఇద్దరు పిల్లలను బావిలో పడిన వైనం

జుట్టు స్టైల్ బాగా లేదని కిటీకిలో నుంచి దూకాడు..
ఇదిలా ఉండగా.. ఈ నెల ప్రారంభంలో, మహారాష్ట్రలోని భయందర్‌లో 8వ తరగతి విద్యార్థి ఓ కటింగ్‌ సెలూన్‌లో హెయిర్‌కట్‌ చేయించుకున్నాడు. ఈ నేపథ్యం తన జుట్టు స్టైల్ బాగా లేదని మనస్తాపం చెంది తన భవనంలోని 16వ అంతస్తు నుంచి దూకి ఆత్మహత్య చేసుకున్నాడు. మంగళవారం రాత్రి 13 ఏళ్ల బాలుడు తన ఫ్లాట్‌లోని బాత్రూమ్ కిటికీలోంచి దూకాడు శత్రుఘ్న పాఠక్ తన కజిన్‌తో కలిసి హెయిర్‌కట్ చేయడానికి వెళ్లాడు, అయితే అతను తిరిగి ఇంటికి వచ్చినప్పుడు అతను తన పొట్టి జుట్టుతో సంతోషంగా లేడని కలత చెందాడని అతని కుటుంబ సభ్యులు పోలీసులకు తెలిపారు. అతని తల్లిదండ్రులు, ఇద్దరు అక్కలు అతనిని ఉత్సాహపరిచేందుకు ప్రయత్నించారు. కానీ వినకుండా మనస్తాపం చెంది రాత్రి 11.30 గంటల సమయంలో కుటుంబ సభ్యులు నిద్రకు ఉపక్రమించిన తర్వాత పాఠక్ ఆమె బాత్రూమ్ కిటికీలోంచి దూకాడు.