Mahesh Birth Day Special: మహేష్ ఖలేజా చూపిస్తాడా…మురారితో మెప్పిస్తాడా…?

టాలీవుడ్ సూపర్ స్టార్ మహేష్ బాబు హీరోగా దర్శక ధీరుడు ఎస్ ఎస్ రాజమౌళి కాంబినేషన్ లో ఓ చిత్రం రాబోతున్న సంగతి తెలిసిన విషయమే. మహేష్ కెరీర్ లో 29వ సినిమాగా రాబోతుంది ఆ చిత్రం. ఇప్పటికే ఈ చిత్రంపై ఫాన్స్ ఎన్నో అంచనాలు పెట్టుకొన్నారు. ఆగస్టులో మహేష్ పుట్టినరోజు సందర్బంగా ఈ చిత్రంపై కీలక ప్రకటన చేసే అవకాశం ఉంది. కాగా గతేడాది మహేశ్ బర్త్ డే రోజు పోకిరి రీ – రిలీజ్ తో సరికొత్త సంప్రదాయానికి తెలిపారు మహేశ్ ఫాన్స్. రీరిలీజ్ లోను బాబు చిత్రం రికార్డులు నమోదు చేసింది. అదే దారిలో మిగిలిన హీరోల ఫ్యాన్స్ వారి అభిమాన హీరోల సినిమాల రీ రిలీజ్ చేస్తూ ట్రెండ్ కొనసాగించారు.

కాగా ఈ దఫా బాబు పుటిన రోజు నాటికి ఇప్పటి నుండే ఏర్పాట్లు ప్రారంభించారు మహేశ్ ఫ్యాన్స్. రాజమౌళి చిత్రం ఇప్పట్లో రాదు, బాబుని తెరపై చూడాలంటే చాల కాలం ఎదురుచూడాలి. ఈలోగా మహేశ్ పుట్టిన రోజు కానుకగా బాబు నటించిన మురారి, ఖలేజా చిత్రాలు రీరిలీజ్ కు ప్లాన్ చేస్తున్నారు. మహేష్ బాబు, త్రివిక్రమ్ ల కల్ట్ క్లాసిక్ చిత్రం “ఖలేజా” కోసం ఫాన్స్ ఆశగా ఉన్నారు. కానీ టెక్నికల్ గా ఖలేజా రీరిలీజ్ చేయడం కుదరదని తెలుస్తోంది. ఫ్యాన్స్ నిరుత్సహపరచకుండా మహేశ్ ను కుటుంబ ప్రేక్షకులకు దగ్గర చేసిన మురారి చిత్రాన్ని రీరిలీజ్ కు ఏర్పాట్లు చేస్తున్నారు. ఫ్యాన్స్ మాత్రం ఖలేజా చిత్రాన్నే కోరుకొంటున్నారు. ఖలేజాలో సీతారామ రాజుగా మహేశ్ వన్ మ్యాన్ షో చూసేందుకు ఫ్యాన్స్ ఆశగా ఉన్నారు. కానీ ఖలేజా రీరిలీజ్ అయ్యే పరిస్థితులు లేవు. ఈ ఏడాది మహేశ్ బర్త్ డే రోజు రాజమౌళి సినిమా అప్ డేట్, మురారి రీరిలీజ్ తో ఫ్యాన్స్ సరిపెట్టుకోవాల్సి వస్తుంది.