Blue Sparrow: ఇరాన్ సుప్రీం లీడర్ మరణానికి కారణం ‘బ్లూ స్పారో క్షిపణి’.. దీని ప్రత్యేకత ఇదే..

ఫిబ్రవరి 28వ తేదీన అమెరికా, ఇజ్రాయెల్ కలిసి చేసిన దాడిలో ఇరాన్ సుప్రీం లీడర్ అయతుల్లా అలీ ఖమేనీ చనిపోయిన విషయం తెలిసిందే. అయితే దీని కోసం బ్లూ స్పారో అనే ఆయుధాన్ని ఉపయోగించినట్లు తెలుస్తోంది. దీనిని జెట్ లాంచ్డ్ బలిస్టిక్ క్షిపణిగా పిలుస్తున్నారు. ఇక ఇరాన్ సుప్రీం లీడర్ మరణించిన తర్వాత పశ్చిమ ఆసియాలో ఉద్రిక్తతలు పెరిగి.. యుద్ధానికి దారి తీసింది. ప్రస్తుతం ఇరాన్ వరుస దాడులతో పక్కనే ఉన్న మిడిల్ ఈస్ట్ దేశాలపై విరుచుకుపడుతోంది.

Also Read:Urea Distribution: యూరియా పంపిణీ యాప్‌లో కీలక మార్పులు.. ఇక సులభంగా..

బ్లూ స్పారో క్షిపణి అంటే ఏమిటి..?
దీనిని ఇజ్రాయెల్ తయారు చేసిన ఆధునిక శక్తివంతమైన క్షిపణి. దీనిని ఎక్కువగా ఎఫ్ 15 వంటి యుద్ధ విమానాల నుంచి ప్రయోగిస్తారు. దీనిని ప్రయోగించిన వెంటనే తన లక్ష్యం వైపు కాకుండా.. భూ వాతావరణం అంచు వరకు వెళ్లి.. అక్కడ నుంచి నేరుగా కిందకు దిగి అత్యంత వేగంతో తన లక్ష్యాన్ని ఢీ కొంటుంది. అందుకే దీనిని స్పేస్ నుంచి వచ్చే క్షిపణి అని పిలుస్తుంటారు.

Also Read:Engineering Colleges: ఇంజినీరింగ్ కాలేజీల్లో ఫీజులు ఖరారు.. జీవో జారీ చేసిన రేవంత్ సర్కార్..

ఈ బ్లూ స్పారో క్షిపణి రెండు వేల కిలోమీటర్ల దూరంలో ఉన్న లక్ష్యాలను ఢీకొనే సామర్థ్యాన్ని కలిగి ఉంటుంది. సాధారణంగా క్షిపణులను రాడార్ ద్వారా గుర్తించి నిర్వీర్యం చేస్తారు. కానీ బ్లూ స్తారో వంటి క్షిపణి భూ వాతావరణం అంచుకు వెళ్లి అత్యంత వేగంతో వస్తుండటంతో దీనిని గుర్తించడం చాలా కష్టతరం అవుతుంది. బ్లూ స్పారో దాదాపు 1.9 టన్నుల బరువు, 6.5 మీటర్ల పొడవు కలిగి ఉంటుంది.