Volkswagen Tiguan R-Line: వోక్స్‌వ్యాగన్ కొత్త SUV త్వరలో మార్కెట్లోకి.. ప్రీ-బుకింగ్‌ ప్రారంభం

కార్ లవర్స్ కు మరో కొత్త కారు అందుబాటులోకి రానుంది. ప్రముఖ ఆటోమొబైల్ కంపెనీ వోక్స్ వ్యాగన్ త్వరలో భారత మార్కెట్లో కొత్త SUV వోక్స్‌వ్యాగన్ టిగువాన్ R-లైన్‌ను విడుదల చేయనుంది. లాంచ్ కు ముందు SUV ఇంజిన్, పవర్, ఫీచర్లు, డిజైన్ కు సంబంధించిన వివరాలు వెల్లడయ్యాయి. ఈ SUV ని విడుదల చేయడానికి ముందు కంపెనీ అధికారిక వెబ్‌సైట్‌లో ఇంజిన్‌కు సంబంధించిన సమాచారాన్ని వెల్లడించింది. సమాచారం ప్రకారం ఈ SUV రెండు లీటర్ల సామర్థ్యం గల TSI పెట్రోల్ ఇంజిన్‌తో వస్తుంది. ఇది 204 PS శక్తిని, 320 న్యూటన్ మీటర్ల టార్క్‌ను ఉత్పత్తి చేస్తుంది.

Also Read:Viral Video: కెనడాలో భారత యువతిపై హింసాత్మక దాడి.. షాకింగ్ వీడియో..

వోక్స్‌వ్యాగన్ టిగువాన్ R-లైన్‌ లో ముందు, వెనుక పార్కింగ్ సెన్సార్లు, LED హెడ్‌లైట్లు, కనెక్ట్ చేయబడిన టెయిల్ లైట్లు, ముందు భాగంలో కనెక్ట్ చేయబడిన LED DRL, ముందు భాగంలో R బ్యాడ్జింగ్, పెద్ద ఫ్రంట్ గ్రిల్, సైడ్ ప్రొఫైల్‌లో R బ్యాడ్జింగ్, రూఫ్ రెయిల్స్, షార్క్ ఫిన్ యాంటెన్నా అందించారు. ఇంటీరియర్‌లో బూడిద రంగుతో పాటు నలుపు-నీలం థీమ్ కూడా ఉంటుంది. దీనితో పాటు పెద్ద ఇన్ఫోటైన్‌మెంట్ సిస్టమ్, డిజిటల్ ఇన్స్ట్రుమెంట్ క్లస్టర్, ఫ్రంట్ వెంటిలేటెడ్ సీట్లు, ఆటో AC, ఆపిల్ కార్ ప్లే, ఆండ్రాయిడ్ ఆటో, డ్రైవింగ్ మోడ్‌లు, పార్క్ అసిస్ట్, క్రూయిజ్ కంట్రోల్, ADAS, నార్మల్, స్పోర్ట్స్ డ్రైవింగ్ మోడ్‌లు, ABS, EBD, ఆరు ఎయిర్‌బ్యాగ్‌లు వంటి అనేక ఫీచర్లు ఇందులో అందించారు.

Also Read:Robinhood: డేవిడ్ వార్నర్ కు రాజేంద్ర ప్రసాద్ క్షమాపణలు

వోక్స్‌వ్యాగన్ టిగువాన్ ఆర్-లైన్ కోసం ప్రీ-బుకింగ్‌లను కంపెనీ ప్రారంభించింది. ఈ SUV ని ఆన్‌లైన్, ఆఫ్‌లైన్ డీలర్‌షిప్‌ల ద్వారా ముందస్తుగా బుక్ చేసుకోవచ్చు. ఈ SUV మొత్తం ఆరు కలర్స్ ఆప్షన్లలో అందుబాటులో ఉంది. వీటిలో పెర్సిమోన్ రెడ్ మెటాలిక్, నైట్‌షేడ్ బ్లూ మెటాలిక్, గ్రెనడిల్లా బ్లాక్ మెటాలిక్, ఒరిక్స్ వైట్ మదర్ ఆఫ్ పెరల్ ఎఫెక్ట్, సిప్రెస్సినో గ్రీన్ మెటాలిక్, ఓయిస్టర్ సిల్వర్ మెటాలిక్ ఉన్నాయి. కంపెనీ కొత్త SUVని 2025 ఏప్రిల్ 14న భారత మార్కెట్లో విడుదల చేయనుంది.