ఏపీలో ఎన్నికల ప్రచారం జోరుగా సాగుతోంది. గుంటూరు పశ్చిమ నియోజకవర్గం నుంచి వైసీపీ అభ్యర్దిగా విడదల రజనీ పోటీ చేస్తున్నారు. అయితే.. ఎన్నికల ప్రచారం భాగంగా నియోజకవర్గంలో ఇంటింటి ప్రచారం నిర్వహించారు విడదల రజిని. ప్రచారంలో అడుగడుగునా విడదల రజినికి ప్రజలు నీరాజనం పట్టారు. తమ మద్దతు విడదల రజినికే అంటూ నినాదాలు చేశారు. హారతులు ఇచ్చి ఘన స్వాగతం పలికారు. విడదల రజిని ప్రచారంలో భారీగా ప్రజలు పాల్గొన్నారు. వైసీపీ అధికారంలో వచ్చిన తరువాత చేసిన అభివృద్ధి, ప్రజలకు అందుతున్న సంక్షేమ పథకాలను ఆమె ప్రజలకు వివరించారు. అంతేకాకుండా.. నియోజకవర్గంలో ఆమె రోడ్‌ షో నిర్వహించారు. ఈ రోడ్‌ షోలో భారీ ఎత్తున ప్రజలు, అభిమానులు పాల్గొన్నారు. ఎమ్మెల్యేగా గెలిపిస్తే తాను చేసే అభివృద్ధి పనులపై విడదల రజిని ప్రజలకు వివరించారు. వైసీపీ ప్రభుత్వం మరోసారి అధికారంలోకి వస్తే రాష్ట్ర అభివృద్ధితో పాటు.. నియోజకవర్గం సైతం అభివృద్ధి పథంలో ముందుకు తీసుకువెళ్తామని ఆమె అన్నారు. ప్రజలకు సంక్షేమ పథకాలు అందకుండా చేస్తున్న నేతలను గమనించాలన్నారు విడదల రజిని.
