America: ఎఫ్‌-16 ఫైటర్‌ జెట్‌లను ఉక్రెయిన్‌ను ఇవ్వాలని అమెరికా నిర్ణయం

America: డెన్మార్క్, నెదర్లాండ్స్ నుంచి ఉక్రెయిన్‌కు ఎఫ్-16 ఫైటర్ జెట్‌లను డెలివరీ చేయడానికి అమెరికా ఆమోదించింది. ఆ దేశ పైలట్‌లు శిక్షణ పొందిన తర్వాత వాటిని అప్పగించేందుకు అనుమతిస్తామని వాషింగ్టన్ తెలిపినట్లు అమెరికా విదేశాంగ శాఖ శుక్రవారం తెలిపింది. ఒక మీడియా నివేదిక ప్రకారం, ఈ ప్రమాదకరమైన ఫైటర్ జెట్‌లను ఉక్రెయిన్‌కు పంపడం, రష్యా దళాలపై యుద్ధంలో ఉక్రెయిన్ వైమానిక భద్రతను బలోపేతం చేయడం దీని ఉద్దేశమని తెలుస్తోంది. ఒక అమెరికన్ అధికారి ప్రకటన ప్రకారం, ఉక్రేనియన్ పైలట్ల శిక్షణ పూర్తయిన తర్వాత ఎఫ్-16 విమానాలను అక్కడ మోహరిస్తారు. రష్యా వైమానిక ఆధిపత్యాన్ని ఎదుర్కోవడానికి ఉక్రెయిన్ చాలా కాలంగా యూఎస్ తయారు చేసిన ఎఫ్-16 ఫైటర్ జెట్‌లకు పిలుపునిచ్చింది.

Read Also: Imran Khan: వెయ్యేళ్ల పాటు జైలులో ఉండేందుకు కూడా సిద్ధమే..

ఉక్రెయిన్‌కు ఎఫ్-16 యుద్ధ విమానాలను అందించే ప్రక్రియను వేగవంతం చేస్తామని అమెరికా స్పష్టమైన హామీ ఇచ్చింది. ఈ మేరకు అమెరికా విదేశాంగ మంత్రి ఆంటోనీ బ్లింకెన్ డెన్మార్క్, నెదర్లాండ్స్ విదేశాంగ మంత్రులకు లేఖ కూడా పంపారు. ‘ఉక్రెయిన్‌కు ఎఫ్-16 ఫైటర్ జెట్‌ల పంపిణీకి, ఉక్రేనియన్ పైలట్‌లకు అర్హత కలిగిన ఎఫ్‌-16 బోధకుల నుంచి శిక్షణ ఇవ్వడానికి అమెరికా పూర్తి మద్దతును తెలియజేసేందుకు నేను ఈ లేఖ రాస్తున్నాను’ అని బ్లింకెన్ ఇద్దరికి రాసిన లేఖలో తెలిపారు. ఈ సమయంలో ఉక్రెయిన్ తన సార్వభౌమాధికారంపై జరుగుతున్న రష్యా దాడికి వ్యతిరేకంగా తనను తాను రక్షించుకోవడం చాలా ముఖ్యమని పేర్కొన్నారు. విశేషమేమిటంటే, మేలో అమెరికా అధ్యక్షుడు జో బిడెన్ ఎఫ్-16లో ఉక్రేనియన్ పైలట్‌లకు శిక్షణా కార్యక్రమాన్ని ప్రకటించారు. అయితే ఎఫ్-16 సరఫరా కోసం అప్పుడు సమయం ఇవ్వలేదు.