Delhi: కిషన్ రెడ్డి నివాసంలో ఘనంగా సంక్రాంతి సంబరాలు.. హాజరైన ప్రధాని
- కేంద్రమంత్రి కిషన్ రెడ్డి నివాసంలో సంక్రాంతి సంబరాలు
- తన నివాసాన్ని పల్లెటూరి గ్రామంగా తీర్చి దిద్దిన కేంద్ర మంత్రి
- వేడుకకు హాజరైన ప్రధాని
ఢిల్లీలోని కేంద్రమంత్రి కిషన్ రెడ్డి నివాసంలో సంక్రాంతి సంబరాలు ఘనంగా జరుగుతున్నాయి. తన నివాసాన్ని పల్లెటూరి గ్రామంగా తీర్చి దిద్దారు. సంక్రాంతి సంబరాల్లో ప్రధాని మోడీ పాల్గొన్నారు. కేంద్ర మంత్రి కిషన్ రెడ్డి, మెగాస్టార్ చిరంజీవి, కేంద్రమంత్రి శ్రీనివాస్ వర్మ ప్రధాని మోడీకి ఘన స్వాగతం పలికారు. కళాకారులు డప్పు చప్పుళ్లతో ప్రధానిని స్వాగతించారు. అనంతరం తులసి చెట్టుకు ప్రత్యేక పూజలు చేశారు. మోడీ గంగిరెద్దులకు ఫలాలు అందించారు. భోగి మంటలు వేసి, జ్యోతి ప్రజ్వలన చేశారు. ప్రధాని మోడీ గాయని సునీత పాడిన పాటలను విన్నారు. సాంస్కృతిక కార్యక్రమాలను తిలకించారు.
READ MORE: Akhanda 2: మహా కుంభమేళాలో ‘అఖండ 2:’ షూటింగ్ ప్రారంభం
ఈ కార్యక్రమానికి స్పీకర్ ఓం బిర్లా, హర్యానా గవర్నర్ బండారు దత్తాత్రేయ, కేంద్ర మంత్రులు గజేంద్ర సింగ్ శకావత్, జ్యోతి రాధిత్య సింధియా, మనోహర్ లాలా కట్టర్, పెమ్మసాని చంద్రశేఖర్, బండి సంజయ్, సతీష్ చంద్ర దూబే, శ్రీనివాస్ వర్మ హాజరయ్యారు. దీంతో పాటు ఈ వేడుకలో ఎంపీలు లక్ష్మణ్ ,అనురాగ్ ఠాకూర్, ఈటెల రాజేందర్, ధర్మపురి అరవింద్, రఘునందన్ రావు, లక్ష్మణ్, గోడెం నగేష్, బాలశౌరి, కొండ విశ్వేశ్వర్ రెడ్డి, డికే అరుణ, పలువురు తెలంగాణ బీజేపీ నేతలు ఉన్నాయి.
READ MORE: Breaking: తిరుపతి జిల్లాలో ఘోర రోడ్డు ప్రమాదం.. 30 మందికి తీవ్ర గాయాలు