Salman Khan: సల్మాన్‌ ఖాన్‌కు భద్రతా ముప్పు.. ఏకంగా ఇంట్లోకి ప్రవేశించిన ఇద్దరు అరెస్ట్..

బాలీవుడ్ నటుడు సల్మాన్ ఖాన్ ఇంట్లోకి ఇద్దరు వ్యక్తులు ప్రవేశించడం అందరినీ షాక్ కి గురి చేసింది. ఇంత భారీ భద్రతా ఏర్పాట్లు ఉన్నప్పటికీ ఈ చొరబాటు ఎలా జరిగిందని అందరూ ఆశ్చర్యపోతున్నారు? గత రెండు రోజుల్లో ఇద్దరు వేర్వేరు వ్యక్తులు సల్మాన్ ఇంట్లోకి చొరబడటానికి ప్రయత్నించారు. వారిద్దరూ భవనంలోకి ప్రవేశించి సల్మాన్ ప్లాట్‌కు చేరుకున్నారు. అయితే, పోలీసులు సకాలంలో ఇద్దరినీ అరెస్టు చేశారు. సల్మాన్ ఇంట్లోకి ఇద్దరు వేర్వేరు వ్యక్తులు, వేర్వేరు సమయాల్లో ప్రవేశించారు. వారిని జితేంద్ర కుమార్, ఇషా చబాడియాగా గుర్తించారు. ఇషాను పోలీసులు విచారించగా, సల్మాన్ ఆహ్వానం మేరకు ఆమె అక్కడికి చేరుకున్నట్లు చెప్పింది. అయితే, సల్మాన్ కుటుంబం ఆమె వాదనను ఖండించింది.

READ MORE: Bhogapuram Airport: భోగాపురం ఎయిర్‌పోర్ట్‌కు 500 ఎకరాలు కేటాయిస్తూ ఉత్తర్వులు జారీ!

ఇషా చబాడియా ఎలా సల్మాన్ ఇంటికి చేరుకుంది?
నిందితురాలు ఇషా చబాడియా 36 ఏళ్ల మోడల్. గురువారం తెల్లవారుజామున 3 గంటల ప్రాంతంలో ఆమె సల్మాన్ ఖాన్ భవనం గెలాక్సీ అపార్ట్‌మెంట్‌లోకి ప్రవేశించింది. తనకు సల్మాన్ ఖాన్ తెలుసునని, అతని ఆహ్వానం మేరకు ఇక్కడికి వచ్చానని చెప్పి భవనంలోకి ప్రవేశించింది. ఇషా ఏదో విధంగా సల్మాన్ ఇంటికి చేరుకుంది. సల్మాన్ ఇంటి తలుపు తట్టగా.. ఆయన కుటుంబీకులు తలుపు తెరిచారు. సల్మాన్ ఖాన్ ఆహ్వానం మేరకు తాను వచ్చానని ఇషా వారికి చెప్పింది. కానీ కుటుంబ సభ్యులు సల్మాన్ ఆమెను ఆహ్వానించలేదని చెబుతున్నారు. వారు వెంటనే పోలీసులకు ఫోన్ చేశారు. పోలీసులు ఆమెను పట్టుకుని విచారించారు. ఇషా తాను ఖార్ ప్రాంత నివాసినని, ఆరు నెలల క్రితం ఒక పార్టీలో సల్మాన్ ఖాన్‌ను కలిశానని చెప్పింది. ఆమె సల్మాన్ ఆహ్వానం మీదనే వచ్చానని తెలిపింది. కానీ సల్మాన్ కుటుంబం దీనిని ఖండించింది. దీంతో పోలీసులు ఈషాను అరెస్ట్ చేశారు.

READ MORE: Agniveers: ఆపరేషన్ సిందూర్‌లో సత్తా చాటిన “అగ్నివీరులు”.. అంతా 20 ఏళ్ల లోపు వారే..

పోలీసుల కథనం ప్రకారం.. ఇషా కంటే ముందుకు మే 20న సాయంత్రం 7:15 గంటలకు ఓ వ్యక్తి సల్మాన్ ఇంట్లోకి ప్రవేశించేందుకు యత్నించాడు. ఆ వ్యక్తిని జితేంద్ర కుమార్ సింగ్ గా పోలీసులు గుర్తించి.. కేసు నమోదు చేసి దర్యాప్తు ప్రారంభించారు. జితేంద్ర కుమార్ ఛత్తీస్‌గఢ్ నివాసి. భారత శిక్షాస్మృతి (ఐపీసీ) సెక్షన్ 329(1) కింద కేసు నమోదు చేసినట్లు పోలీసు వర్గాలు తెలిపాయి. సల్మాన్ భద్రత కోసం నియమించబడిన ఒక పోలీసు అధికారి బాంద్రా పోలీసులకు ఇచ్చిన వాంగ్మూలం ప్రకారం.. మే 20వ తేదీ ఉదయం 09:45 గంటల ప్రాంతంలో గెలాక్సీ అపార్ట్‌మెంట్స్‌లో జితేంద్ర కుమార్ తిరుగుతున్నట్లు కనిపించాడు. ఆ అధికారి అతని అక్కడి నుంచి వెళ్ళిపోమని చెప్పాడు. దీంతో ఆగ్రహానికి గురైన జితేంద్ర కుమార్ తన మొబైల్‌ను నేలకు విసిరి పగలగొట్టాడు.

READ MORE: Agniveers: ఆపరేషన్ సిందూర్‌లో సత్తా చాటిన “అగ్నివీరులు”.. అంతా 20 ఏళ్ల లోపు వారే..

దీని తరువాత.. రాత్రి 7:15 గంటల ప్రాంతంలో జితేంద్ర కుమార్ మళ్ళీ గెలాక్సీ అపార్ట్‌మెంట్ ప్రధాన ద్వారం వద్దకు వచ్చాడు. ఆ అపార్టుమెంట్ లో నివసిస్తున్న ఓ వ్యక్తి కారులో ఎక్కి లోపలికి ప్రవేశించాడు. ఆ సమయంలో అక్కడ ఉన్న పోలీసు కానిస్టేబుళ్లు వెంటనే అతన్ని అదుపులోకి తీసుకుని బాంద్రా పోలీసులకు అప్పగించారు. ‘నేను సల్మాన్ ఖాన్‌ను కలవాలనుకుంటున్నాను, కానీ పోలీసులు నన్ను కలవనివ్వలేదు, కాబట్టి నేను దాక్కోవడానికి ప్రయత్నిస్తున్నాను’ అని జితేంద్ర కుమార్ పోలీసులకు తెలిపాడు.