Tension at Dharmavaram: ధర్మవరంలో ఉద్రిక్తత.. కేతిరెడ్డి వాహనాన్ని అడ్డుకున్న బీజేపీ , టీడీపీ కార్యకర్తలు

Tension at Dharmavaram: శ్రీసత్యసాయి జిల్లా ధర్మవరం పట్టణంలో ఉద్రిక్తత చోటుచేసుకుంది. రిమాండ్‌లో ఉన్న వైసీపీ కార్యకర్తలను పరామర్శించేందుకు ధర్మవరం సబ్ జైలుకి మాజీ ఎమ్మెల్యే కేతిరెడ్డి వెంకటరామిరెడ్డి వెళ్లగా.. అదే సమయంలో సబ్ జైలు బయట బీజేపీ – వైసీపీ కార్యకర్తలు ఎదురుపడ్డారు. ఈ క్రమంలోనే ఇరు పార్టీల కార్యకర్తల మధ్య వాగ్వివాదం చోటు చేసుకుంది. కేతిరెడ్డి వాహనాన్ని బీజేపీ , టీడీపీ కార్యకర్తలు అడ్డగించారు. కారు అడ్డగించడంతో.. తప్పించుకునేందుకు కార్యకర్తలపైకి కేతిరెడ్డి కారు డ్రైవర్ దూసుకెళ్లినట్లు తెలిసింది.

Read Also: CM Chandrababu: మైనార్టీ సంక్షేమ పథకాలపై సీఎం చంద్రబాబు కీలక నిర్ణయం

ఈ క్రమంలోనే ఓ కార్యకర్త బ్యానట్‌పైకి ఎక్కాడు. కేతిరెడ్డి కారు డ్రైవర్ వేగంగా దూసుకెళ్లడంతో కారు బ్యానెట్‌పై నుంచి కార్యకర్త కిందపడ్డాడు. ఈ క్రమంలోనే సబ్ జైలు వద్దకు కూటమి కార్యకర్తలు చేరుకున్నారు. సబ్ జైలు వద్ద ఉద్రిక్తత ఉన్న సమయంలో మాజీ ఎమ్మెల్యే కేతిరెడ్డి వెంకటరామిరెడ్డి జైలు లోపల ఉన్నారు. ఇరు వర్గాల మధ్య రాజీ కుదిర్చేందుకు పోలీసులు ప్రయత్నిస్తున్నారు.