CM Revanth Reddy: క్యూర్, ప్యూర్, రేర్.. తెలంగాణ సమగ్రాభివృద్ధికి సీఎం రేవంత్ రెడ్డి మూడు రీజియన్ల ఫార్ములా..
- Follow Us :
-
-
Add as a preferred
source on google
CM Revanth Reddy: తెలంగాణను సమగ్రంగా అభివృద్ధి చేసేందుకు రాష్ట్రాన్ని మూడు రీజియన్లుగా విభజించి ప్రణాళికాబద్ధంగా ముందుకు వెళ్తున్నామని ముఖ్యమంత్రి రేవంత్ రెడ్డి స్పష్టం చేశారు. కేంద్ర ప్రభుత్వం లక్ష్యంగా పెట్టుకున్న 30 ట్రిలియన్ డాలర్ల ఆర్థిక వ్యవస్థలో తెలంగాణ పాత్ర కూడా కీలకంగా ఉంటుందని ఆయన తెలిపారు. 2034 నాటికి రాష్ట్రాన్ని వన్ ట్రిలియన్ డాలర్ల ఎకానమీగా తీర్చిదిద్దాలని లక్ష్యంగా పెట్టుకున్నామని, దేశానికి స్వాతంత్ర్యం వచ్చి వందేళ్లు పూర్తయ్యే ఎంతో ప్రాధాన్యమున్న 2047 నాటికి తెలంగాణను 3 ట్రిలియన్ డాలర్ల ఆర్థిక వ్యవస్థగా మార్చడమే తమ ప్రధాన టార్గెట్ అని ముఖ్యమంత్రి వెల్లడించారు. గురువారం ఏర్పాటు చేసిన ఇండియన్ రోడ్స్ కాంగ్రెస్ కార్యక్రమంలో సీఎం ప్రసంగించారు.
రాష్ట్ర అభివృద్ధి కోసం తెలంగాణను ‘క్యూర్’, ‘ప్యూర్’, ‘రేర్’ అనే మూడు భాగాలుగా విభజించినట్లు రేవంత్ రెడ్డి వివరించారు. ఇందులో భాగంగా ఓఆర్ఆర్ (ORR) పరిధిలోని ప్రాంతాన్ని ‘క్యూర్’గా పేర్కొంటూ ఇక్కడ సేవా రంగాలకు (సర్వీస్ సెక్టార్) అత్యంత ప్రాధాన్యం ఇస్తామన్నారు. ఓఆర్ఆర్ నుంచి రీజినల్ రింగ్ రోడ్డు (RRR) వరకు ఉన్న ప్రాంతాన్ని ‘ప్యూర్’గా విభజించి, ఇక్కడ తయారీ రంగానికి (మాన్యుఫ్యాక్చరింగ్) పెద్దపీట వేస్తామని తెలిపారు. అలాగే ఆర్ఆర్ఆర్ వెలుపల ఉన్న ప్రాంతాన్ని ‘రేర్’గా పరిగణిస్తూ అక్కడ వ్యవసాయం, వ్యవసాయ ఆధారిత పరిశ్రమల అభివృద్ధికి ప్రాధాన్యత ఇస్తామని చెప్పారు.
Also Read
- Nasha MuktBharat: డ్రగ్స్ మహమ్మారిపై సమరశంఖం.. 'నషా ముక్త్ భారత్ యాత్ర'కు కింగ్ నాగార్జున మద్దతు..
- Punjab: ఒక్కసారిగా కూలిన ఇనుప వంతెన.. కాలువపై చిక్కుకున్న రెండు భారీ లారీలు
- AP Economic Regions: యువతకు లక్షలాది ఉద్యోగాలే లక్ష్యం.. మూడు ఎకనమిక్ రీజియన్లపై సీఎం చంద్రబాబు కీలక సమీక్ష
- Can Beer Damage Your Kidneys: బీర్ తాగితే కిడ్నీలకు ఏం కాదనుకుంటున్నారా? తాజా అధ్యయనంలో షాకింగ్ నిజాలు..
రాష్ట్రంలో ఆర్ అండ్ బీ శాఖ కేవలం రహదారుల నిర్మాణమే కాకుండా అనేక ఇతర శాఖల పనులను కూడా సమర్థవంతంగా చేపడుతోందని సీఎం తెలిపారు. రహదారులతో పాటు ఇతర మౌలిక సదుపాయాల కల్పనకు తమ ప్రభుత్వం పెద్దపీట వేస్తోందన్నారు. వైద్య రంగంలో భాగంగా రాష్ట్రంలో నిర్మిస్తున్న నూతన ఉస్మానియా, టిమ్స్ (TIMS), ఇతర ఆసుపత్రులన్నింటిలో కలిపి మొత్తం 8,000 పడకలను (బెడ్స్) ప్రజలకు అందుబాటులోకి తీసుకువస్తున్నట్లు వెల్లడించారు.
దేశ భద్రత, జాతి ప్రయోజనాల విషయంలో రాజకీయాలకు ఏమాత్రం తావు లేదని, రాజకీయాలు కేవలం ఎన్నికల సమయంలో మాత్రమే ఉండాలని రేవంత్ రెడ్డి స్పష్టం చేశారు. రాష్ట్రంలో చేపట్టాల్సిన అభివృద్ధి పనుల గురించి తమ మంత్రి కోమటిరెడ్డి వెంకట్ రెడ్డి ఇప్పటికే వివరించారని, వాటికి అందరూ సంపూర్ణ మద్దతు ఇవ్వాలని కోరారు. ఇక రాష్ట్రానికి భారీగా పెట్టుబడులను ఆకర్షించేందుకు డిసెంబర్ 7, 8, 9 తేదీల్లో ‘ఇన్వెస్ట్ తెలంగాణ గ్లోబల్ సమ్మిట్’ నిర్వహించబోతున్నట్లు ప్రకటించారు. దేశాభివృద్ధిలో, పెట్టుబడుల సాధనలో ఈ సదస్సు ఎంతో కీలకం కానుందని పేర్కొంటూ, ఈ గ్లోబల్ సమ్మిట్కు రావాల్సిందిగా అందరినీ ముఖ్యమంత్రి ఆహ్వానించారు.
తాజావార్తలు
-
CM Revanth Reddy: క్యూర్, ప్యూర్, రేర్.. తెలంగాణ సమగ్రాభివృద్ధికి సీఎం రేవంత్ రెడ్డి మూడు రీజియన్ల ఫార్ములా..
-
Ravindra Jadeja: జడేజాను పక్కన పెట్టడానికి అసలు కారణం ఇదే.. కోచ్ క్లారిటీ!
-
Nasha MuktBharat: డ్రగ్స్ మహమ్మారిపై సమరశంఖం.. ‘నషా ముక్త్ భారత్ యాత్ర’కు కింగ్ నాగార్జున మద్దతు..
-
PM Modi: 50 కోట్ల మంది పేదరికాన్ని జయించారు.. రాహుల్ గాంధీకి ప్రధాని మోడీ స్ట్రాంగ్ కౌంటర్!
-
Punjab: ఒక్కసారిగా కూలిన ఇనుప వంతెన.. కాలువపై చిక్కుకున్న రెండు భారీ లారీలు
ట్రెండింగ్
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!