Viral Video: వీరి యాక్టింగ్ ముందు చాలామంది హీరోహీరోయిన్స్ కూడా పనికిరారుగా..?!
Viral Video: గత కొంతకాలంగా ఇండియన్ సినిమాలకూ, ముఖ్యంగా తెలుగు సినిమాలకు విదేశీయుల్లో విపరీతమైన క్రేజ్ ఏర్పడింది. భారతీయ సినిమాల్లోని సంగీతం, డైలాగులు, డాన్స్లు ప్రపంచవ్యాప్తంగా అభిమానులను ఆకర్షిస్తున్నాయి. ఈ ప్రభావంతో చాలామంది విదేశీయులు ఇండియన్ సినిమాల పాటలు, డైలాగులను అనుకరిస్తూ రీల్స్ తయారు చేసి సోషల్ మీడియాలో షేర్ చేస్తూ పెద్ద సంఖ్యలో అభిమానులను సంపాదిస్తున్నారు. ప్రత్యేకించి తెలుగు సినిమా పాటలు, డైలాగులకు గ్లోబల్ లెవల్లో రెస్పాన్స్ భారీగా వస్తోంది.
Read Also: Gray Hair: తలలో తెల్ల వెంట్రుకను పీకేస్తే.. మరిన్ని తెల్ల వెంట్రుకలు వస్తాయా?
ఈ నేపథ్యంలో తాజాగా టాంజానియా దేశానికీ చెందిన యువకుడు కిలీ పాల్ (Kili Paul), అతని సోదరి నీమా పాల్ (Neema Paul) కలిసి చేసిన ఓ రీల్ నెట్టింట తెగ వైరల్గా మారింది. టాలీవుడ్ స్టార్ హీరో ప్రభాస్, త్రిష నటించిన సూపర్ హిట్ సినిమా వర్షంలోని “మెల్లగా కరుగని ఈ వర్షం సాక్షిగా” అనే పాటకు వీరిద్దరూ లిప్ సింక్ చేస్తూ అద్భుత హావభావాలతో చేసిన రీల్ వీడియో ఇప్పుడు సోషల్ మీడియాను షేక్ చేస్తోంది. ఈ వీడియోలో వారి ముఖ ఎక్స్ప్రెషన్స్, లిప్ సింక్, శరీర భాష అన్నీ కూడా అసలైన నటీనటులకూ ఏమాత్రం తీసిపోకుండా ఉన్నాయి. నిజంగానే పాటను వారు పడేస్తున్నారేమో అనిపించేలా, ఆ పాటలోని భావాన్ని అర్థం చేసుకుని చేసినట్టు కనిపించే వీరి అభినయం అందరినీ ఆశ్చర్యపరిచేలా ఉంది. ఈ వీడియో చూసిన నెటిజన్లు ఆశర్యపోతున్నారు.
Read Also: Summer Holidays: వేసవి సెలవుల్లో అనారోగ్యం పాలవ్వకుండా ఈ జాగ్రత్తలు పాటించాల్సిందే!
ఈ వీడియో చూసిన కొందరు.. మీరు చేసిన యాక్టింగ్ ముందు భారతీయ సినీ పరిశ్రమలలో ఎంతోమంది హీరో హీరోయిన్స్ కూడా పనికిరారని కామెంట్ చేస్తున్నారు. మరికొందరేమో.. మీ జోడి అదిరిపోయింది అంటూ కామెంట్ చేస్తున్నారు. మరికొందరేమో, వీళ్ళని చూస్తే భారతదేశంలో కంటే విదేశీయులే ఇండియన్ సినిమాలను ఎక్కువగా చూస్తున్నారేమో అనిపిస్తుందని కామెంట్ చేస్తున్నారు. ఇలా విదేశీయులు భారతీయ సినీ పాటలతో రీల్స్ చేసి ప్రజాదరణ పొందడం ఇప్పుడు పరిపాటిగా మారిపోయింది. విదేశీయుల వీడియోలు సోషల్ మీడియా వేదికగా లక్షల సంఖ్యల వ్యూస్ తెచ్చుకుంటూ పెద్ద ఎత్తున భారతీయులను ఆకట్టుకుంటున్నారు. విదేశీయులు నిజంగా భారతీయ సంస్కృతిని, అలాగే భారతీయ సినిమాలను గ్లోబల్ లెవెల్ లో ప్రమోట్ చేయడంలో ఎంతగానో ఉపయోగపడుతున్నారు.
ఇయర్స్ తరబడి తెలుగు లో నటించే ఇతర బాషా నటులు కూడ ఇంత బాగా లిప్ సింక్ చేయలేరు 👌❤️ pic.twitter.com/y7iIpMJAWH
— ismailbhaii (@atheisttindiann) May 3, 2025