Fire Accident: కోచింగ్ సెంటర్లో భారీగా చెలరేగిన మంటలు.. విద్యార్థులకు గాయాలు
Fire Accident: ఢిల్లీలోని ముఖర్జీ నగర్లోని కోచింగ్ సెంటర్లో భారీ అగ్నిప్రమాదం సంభవించింది. కోచింగ్ సెంటర్ మంటలు చెలరేగడంతో ప్రాణాలు రక్షించుకునేందుకు విద్యార్థులు తాడు సాయంతో కిందికి దూకారు. ఈ ఘటనలో నలుగురు విద్యార్థులు గాయపడ్డారు. ఢిల్లీ కోచింగ్ ఇన్స్టిట్యూట్లో అగ్నిమాపక శాఖ అధికారులు తెలిపిన వివరాల ప్రకారం, మధ్యాహ్నం తర్వాత మంటలు చెలరేగడంతో విద్యార్థులందరినీ రక్షించారు. ఎవరికీ పెద్దగా గాయాలు కాలేదని తెలిపారు. పొగ పీల్చడం వల్ల గాయాలు లేదా ఊపిరాడక బాధపడుతున్న వారిలో కొందరిని బారా హిందూరావు ఆసుపత్రికి తరలించినట్లు వారు తెలిపారు.
Also Read: Interfaith Affair: మతాంతర సంబంధం.. ముక్కలు ముక్కలుగా నరికేసి..
స్థానికుల సహాయంతో విద్యార్థులను రక్షించారు. కొందరు విద్యార్థులు భయాందోళనకు గురై తాడు సాయంతో భవనంపై నుంచి కిందకు దూకారు. భవనంలో ఎవరూ చిక్కుకోలేదు. సెంటర్లో దాదాపు 25-30 మంది విద్యార్థులు ఉన్నారు. వారిని ఆసుపత్రికి తరలించారని నార్త్ వెస్ట్ డీసీపీ జితేంద్ర కుమార్ మీనా తెలిపారు. . ప్రాథమికంగా చూస్తే విద్యుత్ మీటర్లో మంటలు చెలరేగినట్లు తెలుస్తోందన్నారు. భవనానికి ఫైర్ క్లియరెన్స్ ఉందా లేదా అనే పరిశీలిస్తున్నామన్నారు. ఈ సంఘటనకు సంబంధించిన అనేక వీడియోలు బయటకు వచ్చాయి. పొగలు రావడంతో పురుషులు, మహిళలు మూడవ అంతస్తు నుండి కిటికీల ద్వారా తప్పించుకోవడానికి ప్రయత్నించారు. కొందరు కిటికీ అంచులకు వేలాడడం కనిపించగా, మరికొందరు తాళ్లను ఉపయోగించి కిందకు దూకారు. స్థానిక నివాసితులు, ఇతరులు కూడా విద్యార్థులు కిందకు జారుతున్నప్పుడు వారికి మద్దతు ఇచ్చి వారిని రక్షించారు. కొందరు నిచ్చెనతో వారికి సహాయం చేయడానికి ప్రయత్నించారు.
Also Read: Biparjoy: తుఫాన్ వేళ పుట్టింది.. “బిపార్జాయ్” అని పేరు పెట్టారు..
ముఖ్యమంత్రి అరవింద్ కేజ్రీవాల్ ఈ సంఘటనను చాలా దురదృష్టకరం అని పేర్కొన్నారు. “కొందరు విద్యార్థులు తప్పించుకునే ప్రయత్నంలో స్వల్పంగా గాయపడ్డారు. మిగిలిన వారు సురక్షితంగా ఉన్నారు. భయాందోళన చెందాల్సిన అవసరం లేదని, అగ్నిమాపక సిబ్బంది మంటలను అదుపులోకి తీసుకొచ్చారు. జిల్లా యంత్రాంగం కూడా సంఘటనా స్థలంలో ఉంది.” అని సీఎం తెలిపారు. ముఖర్జీ నగర్ ప్రాంతం విద్యార్థుల కేంద్రంగా ఉంది. ఇక్కడ గత మూడు దశాబ్దాలుగా అనేక కోచింగ్ సెంటర్లు, పేయింగ్ గెస్ట్ సౌకర్యాలు అందుబాటులోకి వచ్చాయి.కోచింగ్ సెంటర్లతో సహా వాణిజ్య కార్యకలాపాలు నిర్వహించే అన్ని భవనాలు అగ్నిమాపక శాఖ, మున్సిపల్ కార్పొరేషన్ నుంచి నో-అబ్జెక్షన్ సర్టిఫికేట్, లైసెన్స్ పొందవలసి ఉంటుంది.