‘సింబా – ది ఫారెస్ట్ మ్యాన్’ సినిమాను అనౌన్స్ చేసినప్పటి నుంచి అందరి దృష్టిని ఆకర్షిస్తూ వస్తోంది. విలక్షణ నటుడు జగపతి బాబు, అనసూయ, వశిష్ట ఎన్. సింహ, కబీర్ దుహాన్ సింగ్, ‘బిగ్ బాస్’ ఫేమ్ దివి తదితరులు ఈ సినిమాలో నటిస్తున్నారు. అడవి నేపథ్యంలో తెరకెక్కుతున్న ఈ సినిమాకు ప్రముఖ దర్శకుడు సంపత్ నంది కథను అందించారు. ఇటీవల విడుదలైన ‘సింబా’ ఫస్ట్ లుక్, ఫస్ట్ సాంగ్కు ప్రేక్షకుల నుంచి మంచి స్పందన వచ్చింది. గురువారం ఈ సినిమా నుంచి థీమ్ సాంగ్ను చిత్ర యూనిట్ విడుదల చేసింది. ఈ సాంగ్ హార్ట్ ఆఫ్ ది మూవీ! విడుదలైన వెంటనే చార్ట్ బస్టర్ లో చోటు దక్కించుకుంది.
ఇందులో జగపతి బాబు అడవులు, పర్యావరణ రక్షకుడిగా కనిపించారు. సినిమాలోని ఇతర నటీనటులు, వారి పాత్రలను కూడా పరిచయం చేశారు. యదు కృష్ణన్ ఈ పాటను ఆలపించారు. పాటలో లిరిక్స్ చాలా ఇంపాక్ట్ను కలిగించేలా పవర్ఫుల్గా ఉన్నాయి. ఈ పాటలో ‘తందనాన అహి తందనానాపురే తందనాన భళ తందనాన’ అనే లైన్ను అన్నమయ్య కీర్తన నుంచి తీసుకున్నారు. కృష్ణ సౌరభ్ ఎక్స్ట్రార్డినరీ సంగీతాన్ని అందించారు. మురళీ మనోహార్ ఈ చిత్రంతో దర్శకుడిగా పరిచయం అవుతున్నారు. ఈ చిత్రాన్నిరాజేంద్ర రెడ్డి డి, సంపత్ నంది నిర్మిస్తున్నారు.
