Shreyas Iyer: “ఆ ప్లేయర్స్ మళ్లీ మళ్లీ తప్పులు చేస్తున్నారు”.. ఘోర ఓటమిపై కెప్టెన్ శ్రేయస్ ఆవేదన!
- Follow Us :
-
-
Add as a preferred
source on google
Shreyas Iyer: బ్రిస్టల్ వేదికగా జరిగిన నాలుగో టీ20 మ్యాచ్లోనూ భారత్ ఘోర పరాజయాన్ని చవిచూసింది. ఇంగ్లాండ్ 9 వికెట్ల తేడాతో భారత్ను చిత్తు చేసి, మరో మ్యాచ్ మిగిలి ఉండగానే సిరీస్ను 3-0తో కైవసం చేసుకుంది. ఈ ఏడాది జూన్లో టీమిండియా టీ20 కెప్టెన్గా బాధ్యతలు చేపట్టిన శ్రేయస్ అయ్యర్కు.. సారథిగా మొదటి విజయం ఇంకా దక్కలేదు. ఈ పర్యటనలో అతను టాస్లు గెలవడంలో సఫలమవుతున్నప్పటికీ, జట్టును విజయతీరాలకు చేర్చడంలో మాత్రం విఫలమవుతున్నాడు. మ్యాచ్ అనంతరం అయ్యర్ మాట్లాడుతూ తీవ్ర నిరాశ వ్యక్తం చేశాడు. “ఈ ఓటమి నిజంగా తీవ్రంగా నిరాశపరిచింది. బోర్డుపై మేము ఉంచిన 158 పరుగులు ఏమాత్రం సరిపోయే స్కోరు కాదు. ఇంగ్లాండ్ ఎంత వేగంగా ఈ లక్ష్యాన్ని ఛేదించిందో మనం కళ్లారా చూశాం” అని అయ్యర్ పేర్కొన్నాడు.
ఈ పేలవ బౌలింగ్పై అయ్యర్ స్పందిస్తూ.. “మేము బౌలింగ్కు వచ్చినప్పుడు, వీలైనంత వరకు ఒకే లెంగ్త్ను పునరావృతం చేయమని బౌలర్లను కోరాను. ఎందుకంటే మిడిల్ అండ్ లెగ్ స్టంప్ లైన్లో వేసిన బంతులను కొట్టడం, బౌండరీలు రాబట్టడం పిచ్పై కాస్త కష్టంగా అనిపించింది. కానీ మా ప్లాన్స్ను సరిగ్గా అమలు చేయడంలో (Execution) బౌలర్లు విఫలమయ్యారు. మేము బంతి వేగాన్ని మార్చడానికి లేదా కొత్తగా ఏదైనా ప్రయత్నించడానికి చూసినప్పుడల్లా.. ఆ లూజ్ బాల్స్ను ఇంగ్లాండ్ బ్యాటర్లు సమర్థవంతంగా వాడుకుంటూ పరుగులు సాధించారు” అని విశ్లేషించాడు. ప్రస్తుతం టీమిండియాలో యువ ఆటగాళ్లు ఉన్నారని, కాబట్టి ఓపికగా ఉండటం అవసరమని అయ్యర్ అభిప్రాయపడ్డాడు. “ఖచ్చితంగా ఇది జట్టులో మార్పులు జరుగుతున్న సమయం. కాబట్టి యువ ఆటగాళ్లు చాలా తప్పులు చేస్తారు. ఎంతో మంది యువకులు ఇక్కడి వాతావరణంలో మొదటిసారి ఆడుతున్నారు. ఇలాంటి విదేశీ పరిస్థితుల్లో ఆడేటప్పుడు పరిస్థితులకు అలవాటు పడటం, అవగాహన కలిగి ఉండటం ఎంత ముఖ్యమో వారు ఈ తప్పుల ద్వారానే నేర్చుకుంటారు. చేసిన తప్పుల నుంచి ఎంత త్వరగా నేర్చుకుంటే జట్టుకు అంత మేలు జరుగుతుంది. మా జట్టులో త్వరగా నేర్చుకునే ఆటగాళ్లు ఉన్నారని నేను నమ్ముతున్నాను. వారు తమ తప్పులను సమీక్షించుకుని, తదుపరి మ్యాచ్లో మరింత బలంగా పునరాగమనం చేస్తారని ఆశిస్తున్నాను” అని అయ్యర్ ముగించాడు.
Also Read
- Electric Shock: విద్యుత్ తీగ తగిలి విద్యార్థిని మృతి, మరో బాలికకు గాయాలు..!
- IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
- AP Panchayat Elections: తొలి దశ పంచాయతీ ఎన్నికలు.. నేటితో నామినేషన్లకు తెర
- Janasena vs Janasena: నేను 2 ఎకరాలు ఇస్తా.. 3 ఎకరాలైనా నేను సిద్ధం.. సర్పంచ్ పదవి కోసం జనసేన నేతల మధ్య తీవ్ర పోటీ..!
మరోవైపు.. భారత్ వరుసగా వికెట్లు కోల్పోతున్నా.. కెప్టెన్ శ్రేయస్ అయ్యర్ క్రీజులో నిలబడి 49 బంతుల్లో 80 పరుగులతో నాటౌట్గా నిలిచాడు. తన వ్యక్తిగత ప్రదర్శనపై స్పందిస్తూ.. “నా బ్యాటింగ్ ప్రదర్శన పట్ల వ్యక్తిగతంగా సంతోషంగానే ఉన్నాను. కానీ జట్టు విజయంలో భాగం కానప్పుడు ఆ ప్రదర్శనకు పెద్దగా విలువ ఉండదు. నేను ఎప్పుడు ఆడినా జట్టును గెలిపించాలనే కోరుకుంటాను, ఆ కోణంలో ఈ రోజు నిరాశే మిగిలింది. దురదృష్టవశాత్తూ ఈ రోజు మాది కాదు. తదుపరి మ్యాచ్పై దృష్టి పెడతాను” అని అన్నాడు.
తాజావార్తలు
-
Electric Shock: విద్యుత్ తీగ తగిలి విద్యార్థిని మృతి, మరో బాలికకు గాయాలు..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
AP Panchayat Elections: తొలి దశ పంచాయతీ ఎన్నికలు.. నేటితో నామినేషన్లకు తెర
-
PM Modi in Philippines: మనీలాలో వందేళ్ల చరిత్ర కలిగిన గురుద్వారాను సందర్శించిన మోడీ.. పునరాభివృద్ధి పనులకు శ్రీకారం
-
Mammootty: మీకోసమే ఇక్కడికి వచ్చాను.. తెలుగు ప్రేక్షకులపై మమ్ముట్టి ఆసక్తికర వ్యాఖ్యలు!
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!