ఎలక్ట్రానిక్ దిగ్గజం సామ్ సంగ్ మరో కొత్త స్మార్ట్ ఫోన్ ను రిలీజ్ చేసింది. సామ్ సంగ్ గెలాక్సీ ఏ17 5G స్మార్ట్ఫోన్ భారత్ లో విడుదలైంది. ఇది సామ్ సంగ్ A-సిరీస్ లైనప్లో తాజా బడ్జెట్ స్మార్ట్ఫోన్. సామ్ సంగ్ తాజా Galaxy A17 5G స్మార్ట్ఫోన్ AMOLED డిస్ప్లేతో వస్తోంది. కంపెనీ ఈ ఫోన్ను 5000 mAh బ్యాటరీ, 50 మెగాపిక్సెల్ ట్రిపుల్ రియర్ కెమెరాతో మార్కెట్లో విడుదల చేసింది.
Also Read:Power Star : ‘OG’ ఆల్ టైమ్ రికార్డ్.. పవర్ స్టార్.. పవర్ స్ట్రోమ్
Samsung Galaxy A17 5G స్మార్ట్ఫోన్ 6.7-అంగుళాల సూపర్ AMOLED డిస్ప్లేను కలిగి ఉంది. దీని రిఫ్రెష్ రేట్ 90Hz. ఈ ఫోన్ డిస్ప్లే కార్నింగ్ గొరిల్లా గ్లాస్ విక్టస్ ప్రొటెక్షన్ సపోర్ట్తో వస్తుంది. భారత్ లో Samsung Galaxy A17 5G స్మార్ట్ఫోన్ రెండు వేరియంట్లలో లాంచ్ అయ్యింది. ఈ ఫోన్ బేస్ వేరియంట్ 128GB స్టోరేజ్, 6GB RAM తో రూ. 18999 ధరకు లాంచ్ చేశారు. రెండవ వేరియంట్ 128GB స్టోరేజ్, 8GB RAM తో రూ. 20499 ధరకు లభ్యం కానుంది.
ఈ ఫోన్లో ట్రిపుల్ రియర్ కెమెరా సెటప్ ఉంది. ప్రైమరీ కెమెరా 50MP, ఇది ఆప్టికల్ ఇమేజ్ స్టెబిలైజేషన్ (OIS) కు మద్దతు ఇస్తుంది. దీనితో పాటు, ఫోన్లో 5MP అల్ట్రా వైడ్ లెన్స్, 2MP మాక్రో కెమెరా లెన్స్ కూడా ఉన్నాయి. ఈ కెమెరా సెటప్తో, వినియోగదారులు వైడ్ యాంగిల్ షాట్లతో పాటు క్లోజప్ షాట్లను కూడా క్లిక్ చేయవచ్చు. ఈ ఫోన్లో సెల్ఫీలు, వీడియో కాలింగ్ కోసం 13MP ఫ్రంట్ కెమెరా ఉంది.
Also Read:Tamil Nadu: ఆ డబ్బు దేవుళ్ళది.. ఆలయ నిధులను ప్రభుత్వం వాడుకోవద్దు: మద్రాస్ హైకోర్టు
Samsung Galaxy A17 5G స్మార్ట్ఫోన్ కంపెనీ ఇన్-హౌస్ Exynos 1330 ప్రాసెసర్తో పనిచేస్తుంది. ఈ ఫోన్ 6GB, 8GB RAM ఆప్షన్స్ తో వచ్చింది. ఇది 5,000mAh బ్యాటరీని కలిగి ఉంది. ఇది 25W ఫాస్ట్ ఛార్జింగ్కు మద్దతు ఇస్తుంది. ఈ సామ్ సంగ్ ఫోన్ IP54 రేటింగ్తో వస్తుంది. ఇది దుమ్ము, నీటి నుంచి రక్షణను ఇస్తుంది. ఈ ఫోన్కు ఆరు సంవత్సరాల పాటు సెక్యూరిటీ అప్ డేట్స్, 6 సంవత్సరాల పాటు Android అప్ డేట్స్ లభిస్తాయని కంపెనీ తెలిపింది.
