Jamiat Ulama I Hind : స్వలింగ పెళ్లిళ్లు భారతీయ కుటుంబ వ్యవస్థకు వ్యతిరేకం

స్వలింగ వివాహాలను గుర్తించబోమని సుప్రీంకోర్టుకు కేంద్రం ఇప్పటికే స్పష్టం చేసింది. అలాగే దేశంలోని పలు మైనారిటీ మత సంస్థలు అదే బాటలో నడుస్తున్నాయి. తాజాగా జమియత్ ఉలమా-ఐ-హింద్ స్వలింగ వివాహాలకు చట్టబద్దత కల్పించవద్దంటూ సుప్రీంకోర్టును ఆశ్రయించింది. భారతదేశంలో స్వలింగ వివాహానికి చట్టపరమైన గుర్తింపుకు సంబంధించిన విషయంలో జమియత్ ఉలమా-ఐ-హింద్ జోక్యం కోరింది.

Also Read : Atrocious News: దారుణం.. అర్ధరాత్రి సాఫ్ట్‌వేర్‌ ఉద్యోగిని తగలబెట్టేశారు..

స్వలింగ వివాహాలను గుర్తించాలని కోరుతూ దాఖలైన పిటిషన్లను వ్యతిరేకించింది. స్వలింగ సమ్మతం కాదనీ.. ఇది కుటుంబ వ్యవస్థపై దాడి, వ్యక్తిగత చట్టాలన్నింటినీ పూర్తిగా ఉల్లంఘించడమేనని పేర్కొంటూ ముస్లిం సంస్థలు సుప్రీంకోర్టును ఆశ్రయించాయి. అత్యున్నత న్యాయస్థానంలో పెండింగ్ లో ఉన్న అనేక పిటిషన్లపై జోక్యం చేసుకోవాలని కోరుతూ. హిందువుల మధ్య వివాహం యొక్క ఉద్దేశ్యం కేవలం శారీరక ఆనందం లేదా సంతానం కాదు, ఆధ్యాత్మిక పురోగతి అని చెప్పడానికి సంస్థ హిందూ సంప్రదాయాలను ఉదహరించింది. హిందువుల పదహారు సంస్కారాలలో వివాహం ఒకటని జమియత్ పేర్కొంది.

Also Read : America : టోర్నడోల విధ్వంసం.. 18 మంది మృతి..

స్వలింగ వివాహం అనే భావన ఈ ప్రక్రియ ద్వారా కుటుంబాన్ని సృష్టించే బదులు కుటుంబ వ్యవస్థపై దాడి చేస్తుందని జమియాత్ పేర్కొంది. స్వలింగ వివాహాలను చట్టపరమైన గుర్తింపు ఇవ్వాలని కోరుతూ దాఖలైన పిటిషన్ లను ఐదుగురు న్యాయమూర్తుల రాజ్యాంగ ధర్మాసనానికి మార్చి 13న సుప్రీం కోర్టు రిఫర్ చేసింది. ఇది చాలా ప్రాథమిక సమస్యగా కోర్టు పేర్కొంది.

Also Read : Astrology: ఏప్రిల్‌ 2, ఆదివారం దినఫలాలు

జమియాత్ తన పిటిషన్ లో ఏ ఇద్దరు వ్యక్తుల కలయికకు సామాజిక చట్టపరమైన గుర్తింపు కంటే వివాహ భావన చాలా భిన్నమైందని పేర్కొంది. దాని గుర్తింపు అనేది స్థిరపడిన సామాజిక నిబంధనలపై ఆధారపడి ఉంటుంది. ఇది విభిన్నంగా అభివృద్ది చెందిన విలువ వ్యవస్థ ఆధారంగా మారుతున్న అవగాహనల ఆధారంగా మారదు. వ్యతిరేక లింగాల మధ్య వివాహాన్ని నిర్థారించే అనేక చట్టబద్దమైన నిబంధనలు మా వద్ద ఉన్నాయని ఇంటర్వెన్షన్ పిటిషన్ పేర్కొంది. స్వలింగ పెళ్లిల వివాహాలను గుర్తించాలని కోరుతూ దాఖలైన పిటిషన్లు వివాహ భావనను పలుచన చేస్తున్నాయని జమియత్ పిటిషన్ లో పేర్కొంది.