Russia Ukraine War: ఉక్రెయిన్‌లోని మరో కీలక నగరాన్ని స్వాధీనం చేసుకున్న రష్యా..

నెలల తరబడి ఉక్రెయిన్ పై విరుచుకుపడిన రష్యా దళాలు చివరకు ఉక్రెయిన్‌లోని డొనెట్స్క్ ప్రావిన్స్‌లోని చాసివ్ యార్ నగరాన్ని స్వాధీనం చేసుకున్నాయి. వ్యూహాత్మకంగా ముఖ్యమైన ఈ నగరం నుంచి తమ బలగాలను ఉపసంహరించుకుంటున్నట్లు ఉక్రెయిన్ ప్రకటించింది. బుధవారం రాత్రి నగరాన్ని తమ ఆధీనంలోకి తీసుకున్నట్లు రష్యా తెలిపింది. ఈ విధంగా దాదాపు 29 నెలలుగా సాగుతున్న యుద్ధంలో ఉక్రెయిన్ మరో నగరాన్ని కోల్పోయింది. ఈ యుద్ధంలో, రష్యా ఇప్పటివరకు ఉక్రెయిన్ భూభాగంలో 20 శాతానికి పైగా ఆక్రమించింది. రష్యా సైన్యం స్వాధీనం చేసుకున్న చాసివ్ యార్ నగరం వ్యూహాత్మకంగా చాలా ముఖ్యమైనది. ఈ నగరాన్ని స్వాధీనం చేసుకోవడంతో, ఉక్రెయిన్‌లోని రెండు ముఖ్యమైన నగరాలను – క్రామాటోర్స్క్, స్లోవియన్స్క్‌లను స్వాధీనం చేసుకోవడం రష్యాకు సులభం అవుతుంది. తమ భద్రత కోసం సైన్యాన్ని ఉపసంహరించుకోవడం మంచిదని, అందుకే చాసివ్ యార్‌ను విడిచిపెట్టాలని నిర్ణయించుకున్నట్లు ఉక్రెయిన్ తెలిపింది.

READ MORE: Indian 2 Censor: ఇండియన్ 2 కూడా 3 గంటలు.. సెన్సార్ టాక్ ఏంటంటే?

రష్యా అనుకూల ఉక్రేనియన్ తిరుగుబాటుదారులు 2014 నుంచి దొనేత్సక్‌లోని భాగాలను నియంత్రించారు. ఫిబ్రవరి 2022 లో ప్రారంభమైన యుద్ధం తరువాత, రష్యా సైన్యం ఈ ప్రావిన్స్‌లో తన ఆక్రమణను పెంచుకుంది. కాగా.. తమ సైన్యంలోని 14 బ్రిగేడ్‌ల వద్ద పోరాడేందుకు సరిపడా ఆయుధాలు లేవని ఉక్రెయిన్ అధ్యక్షుడు వోలోడిమిర్ జెలెన్స్కీ తెలిపారు. దీని వల్ల రష్యా లాభపడుతోంది. తమ ఎస్-350 ఎయిర్ డిఫెన్స్ సిస్టమ్ పాశ్చాత్య దేశాల క్షిపణులను గుర్తించి వాటిని ఆకాశంలో ధ్వంసం చేయగలదని రష్యా రక్షణ మంత్రిత్వ శాఖ తెలిపింది. ఈ వ్యవస్థ పాశ్చాత్య దేశాల బాలిస్టిక్ మరియు క్రూయిజ్ క్షిపణులను ఓడించగలదని తెలిపింది. దీనితో పాటు, ఈ వ్యవస్థ యుద్ధ విమానాలు, హెలికాప్టర్లు, డ్రోన్లు, 16 అంగుళాల వెడల్పు గల ఆయుధాల దాడులను కూడా అడ్డుకుంటుంది.